يا الله على هالوقت وأموره تعين

قال عويض هذي القصيده تعبير عن مايشوفه في الزمن

حنا من اهل الشعر والناس دارين=وبيوته الشمخ ونعرف وصوله
البارحه ما أمسيت والناس ممسين=مع عالم ٍ للشعر جوه وسعوله
في منتداً للطيب جاله براهين=وبرياسة السلطان راع البطوله
بنيت صرح وشاهدوه الشجيعين=وكل القبيله تفتخر وشكروله
ياهنيكم ياللي من الوقت سالين=ماهمكم وقتٍ قوي ٍ ميوله
يالله على هالوقت وأموره اتعين=وقتٍ يهول وشايف ٍ زاد هوله
هذاه وقت مجمعين الملايين=واليا جلس من بينهم صفقوله
يقلون عنده مال للمال عجلين=ومن شان ماله كلهم نعموله
يالله تشفي شيخنا قولوا آمين=ونطلب له المولى ونطلب قبوله
شيخ ٍ يعاني من معناه عامين=وقلته وغيري في القبيله يقوله
وسلطان علي من الرجال السلاطين=وكيل ابوه وكل علم ٍ يطوله
لا قالوا ابوحسين ياحي ذا العين=شجيع راع ٍ للكرم من سبوله
شيخ ٍ لنا يمشي على الحق والدين=وكل القبايل تعرفه وشهدوله
ونعمن بشيخ ٍ ما بناها على الطين=بني المعزه والشيم من فعوله
له خدمةٍ من فوق خمس وثلاثين=ما تنسي ياهل الوفاء والرجوله
هذاه شيخ ومن شيوخ ٍ مسمين=محماس قبله حي شيخ ٍ نصوله
محماس أبن مهرس بالأسم إمعروفين= ومقدّره فيصل ملك فوق دوله
يوم انهم في ذالك الوفت حيين=ومرحوم يا فيصل وشعبه دعوله
شيوخنا بين الشيوخ الاصيلين=وعجير من فريسنا وله صوله
يوم السنين الشهب خاض الميادين=وعشى الذيابه فالقسى يوم جوله
وشرار فارس لاغدا العلم علمين=شيخ الشيوخ وكلهم عوّدوله
والقوم لا حوّل اتروّح قطاعين=كم روس قوم ٍ تندرق لا بدوله
اليا انتخوبه ما يجون إمغلوبين=يمحى الصفوف اللي من الحرب حوله
وحنا ترانا صف واحد شدادين=ونبغى التكاتف والجواب اسمعوله

صح لسانك
ولاهنت أخوي
على القصيدة الجزلة

صح الله بدنك

ومشكوره على مرورك

حياك الله

وياهلابك
صح الله لسانك
شاعرنا
لاخلا ولاعدم
تقديري وشكري

حي القصيد الزين وراعيه

صح الله لسانك يابو علي وبيض الله وجهك

قلت فأبدعت وأمتعتت

الله لا يهينك يا شاعرنا ..,

يا هلا والله وألف مرحبا من جديد
بشاعرنا المميز والمبدع أبو علي

كفو والله يا عويض
والله يبيض وجهك على هذه القصيدة الطيبة
والتي تحكي التغير في كثير من أمور هذه الحياة
نسأل الله أن يحفظنا وإياكم من كل سوء وفتنة
وصح لسانك ملايين

صحَ لسانك وَ بيضَ الله وَجهك ..

قصيدة من شاعر يعرف قيمة الناس ويذوب في انتمائة حبا وفخرا وقوة.
كريم من منبت يزدهي بالشعر وفحول الرجال.
لا هنت.
اللهم أعزنا بالاسلام.