كيكة فانيليا هشة

مـجـمـوع الأوسـمـة · توقيع : ضياء القمر

مقادير الكيكة

اصبع زبدة + ١ م ط زبدة ( ١١٥ غرام ) بحرارة الغرفة ..
إذا حجم صبع الزبده عندج ١١٣ غرام يكفي لحاله

٢ و ١/٤ كوب طحين جميع الاستعمالات

٢ و ١/٤ م ص بيكنغ باودر

٣/٤ م ص بيكنغ صودا

١/٢ م ص ملح

١ كوب + ٢ م ط سكر

٣ بيضات كبار

١ كوب لبن

١ و ١/٨ م ص فانيليا

الطريقة :

سخني الفرن على حرارة ١٧٠ .

ادهني قالب مقاس ١٣*٩ بالزبده وعقب غلفيه بالطحين

انخلي الطحين والبيكنغ باودر والبيكنع صودا
والملح مع بعض وخليهم على جنب

في الخلاط وعلى سرعة عالية اخطي الزبدة
والسكر لين ما يصير باهت ومنفوش لمدة ٥ دقايق

ضيفي البيض حبه حبه لحد ما ينخلطون عدل

قللي سرعة الخلاط وضيفي ثلث كمية الطحين

وبعدين نص كمية اللبن

وبعدين ثلث كمية الطحين

النص الاخير من اللبن

الثلث الاخير من الطحين

يعني طحين لبن طحين لبن طحين

آخر شي تضيفين الفانيليا

انا هني ضفت معجون الفانيليا

نحط خليط الكيك في القالب ونساوي السطح ونخبزها لمدة ٢٥ - ٣٠ دقيقة

وهني شكلها بعد ما استوت ..
مادري ليش بس هالصورة وايد عاجبتني

مقادير الكريمة

٣ م ط كاكاو بودرة

١ و ٤/٣ كوب هورليكس او اوفالتين شخصيا احب الهورليكس

١/٢ كوب + ٤ م ط ماي حار

اصبع ونص زبده بحرارة الغرفة

٣٠٠ غرام شوكولاته بالحليب مثل لندت او جالاكسي .. تذوبينه وتخلينه يبرد

مالتيزرس مكسر للتزيين

اول شي تخلطين الكاكاو البودرة والهورليكس مع بعض

تضيفين عليه الماي الحار وتخلطينه وتخلينه يبرد

في الخلاط .. تخلطين الزبدة

عقب تضيفين خليط الهورليكس والكاكاو بعد ما برد

وبعدها التشوكليت السايح

حاولي انج ما تخلطينها وايد عشان ما تجمد عليج

عقب غطي الكيكة بالكامل .. لازم الكيكة تكون باردة

كسري المالتيزرس وزيني فيه الكيكة

وهاي حته منها لاحلي بنات

منقول