لا غاب صوتك طاري الشوق ما غاب

لاغاب صوتـك طـاري الشـوق ماغـاب
واشفق علـى همسـك ، ولـذّة طواريـك
وحكـي الغـرام ، ومسمعـي منـك لاذاب
واحلامـك الورديـه ، وصـدق امانـيـك
وحَضـن النـدى للزهـر باسبـاب العتـاب
ومجـادلـك ، ومعـانـدك أو تـحـدّيـك
إنـي حياتـك .. والرجـا بــي مـاخـاب
وإنـي أحبـك مـوت .. واتبـع خطاويـك
واقـول : أنـا بتعبـك فـي درب الاحبـاب
دامـك ضيـاء الـدرب والحـب يضـويـك
لانـك حياتـي ياغناتـي وانــا كـتـاب
وحـروف اسمـك تسكـن اوراق مغلـيـك
أحيان .. يعزف بك غـلا .. يقفـل ابـواب
وأحيـان .. يعـزف بـك إذا مـر طاريـك
مـن الولـه مايسكـب اكـواب واكــواب
حلو المعاني مـع صـدى عـزف هاويـك
واسقيك عـذب الشعـر واسقيـك ماطـاب
مـن الكـلام اللـي تحـبـه ويرضـيـك
ونسهر على بيـض النوايـا ، والإعجـاب
والشـوق ، والحـب الحقيقـي ، واغانيـك
لكن متى ترجـع .. متـى الدمـع ينسـاب
وينك تـرى طـول مفارقـك .. وش فيـك
تعـال .. أبحكيلـك .. معـانـاة الغـيـآب
تعال .. أبشكيلك .. عنـى .. شـي يعنيـك
قلب ٍ عطى كـل البشـر كلمـة .. اغـراب
وسمّاك بـس انـت القريـب .. وحواليـك
طارت من اعماقه .. أحاسيسـه .. اسـراب
وصرت السما .. لاصدق أحاسيس .. تغنيك !
لايطول غيابـك .. تـرى الشـوق ماغـاب
وببقى كذا .. مشتآق .. ليـن التقـي فيـك

جميلة جداً هذه القصيدة وأكثر من رائعة
طبت وطاب اختيارك لها يا نورة
وأشكرك لجهودك الطيبة

ابداع هذه القصيدة يا نورة
وفقك الله وتسلم يمينك وذوقك
على حسن الاختيار

ياهلابكم وتسلمون ع حضوركم والله يسعدكم

استاذة نورة
دايم التميز حليفك على اختياراتك
الجميلة.