الفكسار

الله على جيب لازيتي ولا رصاصي=.يشرح عمل دقة اليابان واخلاصه
يعطي دروبن عسيرة ماهو العاصي=يعوم فالطعس كنه عوم غواصة
فكسار ماركبوا للبلف نقاصي=اليا انطلق طلقتن من بطن قناصة
منوه لمن هو نوى جولة ومقناصي=هو رغبتي يوم كلن معجبه شاصة
عطيةن من كريمن راعي اخلاصي=ماهو من اللي كنز قرشة مع انصاصة
ماهو بخيلن لفرق السعر متحاصي=والا من اللي بكثر الهرج قراصة
يفرح ليا جوله اللافين والناصي.=ما هومن اللي عن الميقاف حواصة
يطرد همومن لها تكدير وانغاصي=دايم على نغمة الاحزان رقاصة
همن على القلب هو والليل متواصي=ياما على النفس خلف غيظ وارهاصة

صح لسانك
يا شاعرنا حمد
على القصيدة الجزلة
الله يجيب لك الجيب

سلمت وسلم غاليك يا أبو سلطان
يستاهل الفي اكس آر القصيد وكل المديح
ما قصرت والله يرزقك باللي تتمنى
وصح لسانك ملايين

صح لسانك وعلا شانك
ولاهنت شاعرنا على القصيدة الجزلة