سعود... المجد

اخواني ..ورغم أنني . احاول .. الابتعاد ..عن الشعر .. والتفرغ لامور أخرى
الا أن بعض الشعر .. يستدعيك ..ويستهويك للرد ...
هذه مجاراه سريعه ... لقصيدة الاخ ..ابو طارق ... سعود بن سليمان

وهذه هي قصيدة سعود

http://www.shdadeen.com/vbq/showthread.php?t=13422

همي اللي كل مانام خال البالي =شب مابين الظلاعين نارٍ حيه
لي سنة وانا على نفس ذا الموالي =الليال تمر والوضع زيه زيه
ياوجودي كل ماقيل كيف الحالي؟=وافتكرت الحال واوجزت فالرديه
لو ما ينشد الحال كان أشوالي=كان أبنسى هم قلبي واسج شويه
وياوجودي كل ما أقنب على الاقذالي=ذيبٍ أشهب ذابحين القنوص وخيه
وجد شيخٍ عاش سابق سنينه سالي=وبعد عزه فارق المال والذريه
أتوجد كل ماهبت الريح من شمالي=واتوجد كل ماغنت القمريه
وجد.. ماهو وجد صبٍ فقد له غالي!!=وجد من جروا عليه الخبول الهيه
أوقفوه بموقف القهر والاذلالي=في مجاريرالخطا ماعليه دعيه
سفهوا رايه وراي الخبول خبالي= والغبا ساس الردى والعقل حريه
والنتيجه شئ يوجع ولا ينقالي= عش بومٍ ثار من هجمة الحنديه
وأنتهت من دون قاتل ولا قتّالي=والعزاوي عودة قنبله صوتيه
والحقيقه هي من اصل الهبال هبالي= مهزله تفرق عن الوقفه الجديه
من سببها بين حدب المحاني صالي=نار بدوٍ لافها الريح في بريه
يازمن مجبور أجر اللحن والالي=بي ثلاث أهات بيّن وجعها فيه
أه . ما اقوى طعنةٍ دمها ما سالي=طعنة النكران لا طعنة الشبريه
وأه . من كاسٍ شرابه يدني لآجالي=فيه من سم العقارب وسم الحيه
وأه. من رفق المهابيل والانذالي=الوجيه العابسه والقلوب السيه
يازمن بلغ جرادٍ رقى في عالي=يفتكر ماضيه او يفتكر ماضيّه
الدلو دلوي وكل الحبال حبالي=وأسقي الظامي من العيلم المطويه
ومن ترعرع في ظلالي وأكل من مالي=لو يعرف الحمد والشكر حب يديه
الله أكبر كم عطيته نفيس وغالي=ماحسبت و قلت ذا لك وهذا ليه
يازمن من ماله اول فلا له تالي=والبلاده تهدم الحله المبنيه
ومثل ما الاذواق طعمين مر وحالي=الرجال أ ثنين يا عارفه ياعيه
واحدٍ كله مهابه وثقل جبالي=غير من يبدي سدوده على الطرقيه
واحدٍ في ساحة المجد صال وجالي=غير من يقطف ثمر شجرة مرويه
يازمن من شوفة الخبل طار جلالي=ماتحمل نبرة ا للهجته السوقيه
ما اتمنى الا فراقه و أعيش لحالي=لو أغارم مع هل الهند والجاويه

سعود أبن سليمان

مرحبا يابـادع القـاف والامثالـي =طوع ابيوت الشعر بالعصى السحريه
ياحـلاة الشعـر يانهرنـا الزلالـي =تنهل الاشعار مـن عينهـا العذيـه
هات نرشف شعر لانه زلال وحالـي =رشفة الشيخـان للقهـوة البريـه
ياجمال الشعر في شعـرك الجمالـي =ودي اعرف وشهي الخلطة السريه
أفتخربـك كـل ماقلتلـي ياخـالـي =وافتخر لاشاروا الناس لابن اخيـه
زهوي اللي كل يوم ٍ وهو يزهالـي =من حرار ساسهم علي ابـو اخليـه
يوم كانت للمواقـف حمـاة التالـي =طبعهم من ساسهم ينجحـون الكيـه
ما الومه لو مع الناس جاء يختالـي =وش يرده يجمع المجد من طرفيّـه
في الخصايم هرجته كنهـا زلزالـي =وللمعادي في اللقـاء قنبلـه ذريـه
لاتقول المجد ياسعود جاء يسعالـي =صفحة التاريخ بأسمك هي الماريـه
انته انته حر مايسكـن الا العالـي =قلتها في السـر واقولهـا جهريـه
ولايشيل الحمل ياسعود كود أجمالي =نظرتك ياصاحبـي لاتجـي دونيـه
لاتـفّـرح تايلـنـدي ولابنقـالـي =ولا تخلـي درب للعالـم الشـريّـه
وكان تبغى الحق ياسعود خذ معدالي =وانت مقطع حق منته مـن العميـه

صح لسانك ياشاعر

ولك احترامي

من الصعب ان نجاري قصائد شاعر مثل سعود لكن سويتها يا راس العرب وجاريته

صح لسانك يا راس العرب مجاراه رائعه وجزله

سلمت ياشاعرنا وسلم نابغتنا .

تستاهل قصيدة أبو طارق المجاراة

ويستاهل أبو طارق كل خير

صح لسانك ولا هنت يا باحثنا وشاعرنا وعسى عمرك طويل

أتمنى من المشرف إدراج رابط وصورة من قصيدة أبو طارق

ويضعها قبل القصيدة المجاراة .

جميل ان نرى هناكـ من هم مبدعين في الشعر


حتى نستمتع بما تجوود به بوحهم... وتخطه اقلامهم


تحيتي لمن فتح هذه النافذه لنا لكي نرتوي بأروع العبارات والمعاني


صح السانك لاهنت


رأس العرب












.

		المشاركة الأصلية بواسطة : زعيم الحب اقتباس
	صح لسانك ياشاعر ولك احترامي

صح بدنك يازعيم الحب ...... مشكور ياغالي

		المشاركة الأصلية بواسطة : بدوي فاهم اقتباس
	من الصعب ان نجاري قصائد شاعر مثل سعود لكن سويتها يا راس العرب وجاريته صح لسانك يا راس العرب مجاراه رائعه وجزله سلمت ياشاعرنا وسلم نابغتنا .

هلا وغلا بمشرفنا الغالي ... نحن تلاميذ ... في مدرستكم

أنت وابو طارق الشعريه ... مرورك شرفني اخي بدوي

صح لسانك اخوي راس العرب مجاراه

رااائعه فعلآ الله يعافيك ولاهنت

		المشاركة الأصلية بواسطة : السلطان اقتباس
	تستاهل قصيدة أبو طارق المجاراة ويستاهل أبو طارق كل خير صح لسانك ولا هنت يا باحثنا وشاعرنا وعسى عمرك طويل أتمنى من المشرف إدراج رابط وصورة من قصيدة أبو طارق ويضعها قبل القصيدة المجاراة .

صح بدنك .. يابو عبدالله ... الشرف ... هو تعقيبك ... ومرورك العطر

لاهنت يالغالي ... لك مني كل الحب والتقدير

أختي احاسيس أنثى


شرفني مرورك العطر ..

كلامك ....... يدفعني للمزيد

شكرا ياملكة القلم