آخر 10 مشاركات |
مختارات | الناسُ أتباعُ مَنْ غَلَبْ |
|
||||||||||||||||||
محاورة بيني وبين احدى الشاعرات + سجل تضامنك معي ....!!
اخواني .. واخواتي .. الأعضاء والزوار .. اسعد الله اوقاتكم بكل خير .. ندخل ع الموضوع على طول .. هذا اول موضوع لي في منتدى الشدادين .. وهو عبارة عن ( محاورة بيني وبين احدى الشاعرات ) في احد المنتديات .. احببت أن انقله لكم بكل تفاصيله .. اعذروني .. يمكن الموضوع طويل شوي .. لكن لازم تعيشوا القصة بكل حذافيرها .. واخترت هذا القسم بالذات لموضوعي .. لأني لا اعتبر نفسي شاعراً .. بقدر ماهو تعبير عن النفس .. وانا على علم بإن ردودي يُعاب عليها خلل في الوزن .. لأن المحاورة كانت ( كيبوردية ) ولا مجال للتنقيح فيها ..!! نرجع للموضوع : كتبت احدى الأخوات هذه القصيده في احد المنتديات .. بعنوان ( ناديت برق وجاوبني معاليه ) وتقول فيها :
يا طير بلغ صاحبي جل الأشـواق =قله علامك بأول الـدرب ناسيـه قله ترفـق قلبـي اليـوم مافـاق =قلباً مشى بالطيب والطيب راعيـه شفتك كما برقاً سمابالفضاء ضاق =وناديت بـرق وجاوبنـي معاليـه وصرت أنا لمه ولم الهوى انساق =وعشت لحظات الهوى مع معانيـه مليت من دمعاً جرى وسط الأحداق =يقول وش ذنبه ترى النوم جافيـه صحيح حب الفايته مالهـا سـاق =وحباً بليا مجد بـأن الـردى فيـه نسيت حبا ً فـات مدخلنـي انفـاق =خلى عروق القلب تيبـس محانيـه اللي نسانـي زود السـم تريـاق =في وضع شئ للعرب كنت مخفيـه ليه التعجل بالحكم ليـه مشتـاق =ياأستاذ وافي والعصا فـي آياديـه لا تحسب إن العلم يجرح إلاضاق =بآنسى علوم أهل النميمه وراعيـه فكان هذا ردي على قصيدتها : كم انتي رائعة .. يالراسية .. في كتاباتك !! وكم انتي اروع .. في اختيار الكلمات .. وانتقائها ...!! كتبتي .. واجدتي .. ونثرتي لنا الجواهر والدرر .. على صفحات هذا المنتدى .. اتمنى لك المزيد من التفوق .. والرقي .. ولكن .. شدني هذا البيت ..
يا طير بلغ صاحبي جل الأشـواق = قله علامك بأول الـدرب ناسيـه
مشكلتي بأن الطير رجعلي وقلي .. للأسف .... مالقيت حبيبك !!! اسأل الله ان يديم عليكي السعادة .. يامن تملكتي من شغاف قلبي .. بعد أن فرقتنا الدروب .. لا يسعني الا ان اقول لكي : احبك .. احبك .. احبك .. ولن يملك قلبي احد سواك .. مهما حييت !! فكان هذا ردها : هذي قصيده موجهه لـ تركي يوم قال انه أرسل طيره لمحبوبته ورجع وقال له ما لقيتها وعدته اني ارد عليه بقصيده أرجوها قبولها بما إعتراها من خلل .. ( تركي يعزك ياغلا كل شوقه )
ياطير عجل يا سريع المهمات =تكفي ترى تركى خطيرن بعوقه بحملك يا طير لأجله إ رسالات = ود السلام لصاحبن له يشوقه إقراء عليه من القصائد جزيلات =قله ترى حبك مشى في عروقه عيونها ياطير سودن وسيعات =والنور كنه من تحتها وفوقه دوره بوسط االمملكه بالعلامات =ودوّر بوسط الجامعه أو بسوقه روح لحائل ثم روح السفارات =دور عليه وهذي أبسط حقوقه واذا لقيته بلغه بالتحيات =عاتبه بالكلمه ولين خفوقه قله ترى كلن يعزك وبالذات =تركي يعزك ياغلا كل شوقه إن كان ياتركي تبي منه فزعات= أبشرك بالخير والنفس مرزوقه وإن كان تبغاها جاهيه وجاهات = اجيك انا وشمر وروقه وإن كان ينقصكم من المال شيكات = جاك الفرج من بعد لاحت بروقه فكان هذا ردي عليها : يالراسية : طيرك خفق بالجنحان .. يدور حبيبتي .. لكن من زود التعب اللي صادف هالطير .. شوفي ايش صارله بالآخير ..
يالراسية لـك منـي عظيـم التحيـات = وشكـرن كبيـر ازريـت والله اسوقـه يالراسية القصة ماتبـي اليـوم شيكـات = ولا تبي فزعات ... شمر وروقـة يالراسية القصة كلهـا احـزآن واهـات = قصـة محبـة .. حيـل والله صـدوقـة قصتـي صعبـة .. وابكتمهـا بسكـات = بالقلـب اللـي ابـد مـا مَـل عـوقـه مـن عقبهـا .. لذة النوم ماجات = ونـور الأمـل حـرّم علينـا شروقـه و نسيت انا طعم الفرح والمسرات = اتجـرَع الحسـرات ... والمـر اذوقـه وعيني تهل الدمع من حر مافات = والجسـم ناحـل .. يابساتـن عروقـه اقـول ابنساهـا فـي بعـض الأوقـات = وكل ما أحاول .. يزيد قلبي بشوقـه من عقبها .. عفـت انـا كـل البنـات = وكأس الهنـا .. حـرام نفسـي تذوقـه يالراسية .. طيرك تعب و للأسف مـات = مـات قبـل يلقـى علـمـن يسـوقـه فكان هذا ردها عليّ :
حييت ياراع البيوت الجزيلات = أبيات تشكي من معانات شوقه شوقه جفاه وصار ذا العلم بسكات =أواه من عله تهز إبخفوقه الطير ياتركي رجع لي ولا مات =رجع محمل بالتحايا وطوقه حبيبتك تزوجت علمها فات =ووردن ذبل ما أضن نفسك تذوقه قضيت معها بفايت الوقت سجات =واليوم ريمك دارج بدار شوقه أصبر وقلبك بشره بالمسرات =حرام قلبك يابساتن عروقه وهذا ردي عليها :
مشكور يامن قال لتركي سلامات = الراسية .. بنت الرجال الصدوقة جاني الجواب وهلت العين عبرات = على الحبيب اللي ضاعت طروقة من عقب ماكنا بسعادة ومسرات = صار الشهد .. والله مـرن نذوقـه وطيرك اللي تقولين ما مات = المعذرة .. ماصدق باللي يسوقه صحيح ان محبوبتي علمها فات = بس .. الـزواج .. خابر امـرن يـعـوقه يالراسية الموضوع كله متاهات = زوّد جروحي .. والألم زاد عوقه لوعافني عفته وابعدت بسكات = بـس الأكـيد .. اني اجـول بـخفـوقـه آسف على الإطالة .. ولكن .. اخبرتكم سابقاً .. بإني سأبدا نزفي هنا .. بينكم .. والآن .. اعزائي الأعضاء .. بقي لي طلب اخير .. او ( رجاء ) ان صحّ التعبير .. اتمنى من كل الأعضاء عند مرورهم على هذا الموضوع .. أن يسجلوا رسالة تضامن معي .. وأن يخاطبوا الحبيبة الغائبة .. لعلها تعود .. وأنا اعدكم بإنها ستقرأ ماستكتبونه .. لذا لاتبخلوا عليّ بردودكم .. فقد تعيدوا لي الحياة من جديد .. اخوكم : تركي .. خروج : قولوا لها تكفون اني لها مشتاق قولوا لها قلبه تحرق به الاشواق .. قولوا لها عن حالتي .. واللي جرى من بعدها .. قولوا لها ياصحبتي .. اسهر اناجي طيفها قولوا ولا تخبوا ابد .. يمكن تجي وتحس بي ... قولوا حياته في جلد .. ماغير شوفك مايبي... قولوا لها تكفون اني لها مشتاق .. قولوا لها قلبه تحرق به الاشواق .. عيشتي صارت ملل .. مابها شي جديد تايه وضاع الامل .. وماتحقق ما ابيه ..!!
|
27 Feb 2007, 09:58 AM | [ 2 ] | |||||||||||||||||||||||||||
زهرة الياسمين
|
صح لسانك .. ماشاء الله عليك اخوي نسيانك صعب .. كلماتك جميله ومعبره ..واسلوبك مؤثر ..
( ما أنساك لو يسكن ولد بوش بطريف ويسرح كلنتون بالغنم حول .. رفحا ! ) يعطيك ألف عافيه اخوي .. ودمـــــــــــــــــــــــــــــــــــ بصحه وعافيه ـــــــــــــــــــــــــــت ،، |
|||||||||||||||||||||||||||
التعديل الأخير تم بواسطة همسة أمل ; 27 Feb 2007 الساعة 10:01 AM
|
||||||||||||||||||||||||||||
27 Feb 2007, 11:12 AM | [ 3 ] | ||||||
|
نسيانك صعب سر الأحزان
قصائد في قمة الروعة ... وحوار مبدع واحاسيس مرهفة ... وقلب ملئ بالحب " مثل ما علمتيني أحبك ... علميني كيف أنساكي " وأنا أقولك اللى في القلب في القلب ؟؟؟؟؟؟؟؟؟؟؟؟ أما بالنسبة للحبيبة الله يردها لك و؟؟؟؟؟؟؟؟؟؟؟؟؟؟ ويحنن قلبها على العاشق الولهان ؟؟؟؟؟؟؟؟؟؟؟؟ ودمت بالمشاركات الشيقة |
||||||
|
|||||||
27 Feb 2007, 03:03 PM | [ 4 ] | ||||||||||||||||||||||||||||||||||||||||||||||
|
الأخت .. ( همسة امل ) صح .. بدنك .. والكلمات حينما تكون نابعة من الوجدان .. يكون صداها اكثر تأثيراً .. واكثر تعبيراً ..
( ما انساه لو يصير الشتاء صيف .. و ولد كفوري يعشق عيون وضحا ! ) و .. تقبلي تحياتي .. ودمــ بــود ــــــتي .. |
||||||||||||||||||||||||||||||||||||||||||||||
27 Feb 2007, 03:23 PM | [ 5 ] | ||||||||||||||||||||||||||||||||||||||||||||||
|
بدايةً .. دعيني اشكر لك حضورك .. وتواجدك المميز في موضوعي .. ولتعلمي .. بإن مرورك هو من أضاف الروعة لقصائدي .. والأحاسيس حينما تكون .. نابعة من وجدان مُحب .. مُتيم .. عاشق .. تكون دائماً صادقة .. ومرهفة ..
فأنا لم .. ولن اجد السعادة في غيابها ...!! واصبحت الأيام .. بعد فراقها .. كئيبة .. مُظلمة .. يتوشحها السواد .. عزيزتي "....... ســر الأحـــزان ........" تقبلي تحياتي .. ودمـــ بـــود ــــتي .. |
||||||||||||||||||||||||||||||||||||||||||||||
27 Feb 2007, 08:28 PM | [ 6 ] | |||||||
نائب المشرف العام
|
ماشاء الله يارتركي بدايه قويه وموفقه وكانت المساجله مع شاعره معروفه ومشهوره وهي الشاعره الراسيه المعروفه وحتى وان كانت غيرها فأنت ابدعت في قصايدك وهي ابدعت ايضاً دمت بود |
|||||||
|
||||||||
27 Feb 2007, 08:36 PM | [ 7 ] | ||||||||
مؤسس شبكة الشدادين
|
حياك الله أخوي نسيانك صعب مشاركة طيبة وفالك التوفيق |
||||||||
|
|||||||||
28 Feb 2007, 01:20 AM | [ 8 ] | |||||||
باحث ومؤرخ
|
هلا باخوي .. بدايه قويه وقصائد جميله بالتوفيق ان شالله |
|||||||
|
||||||||
28 Feb 2007, 02:14 PM | [ 9 ] | ||||||||||||||||||||||||||
|
الأخ .. عبدالله الشدادي .. اسعد الله اوقاتك بكل خير .. ولتعلم عزيزي .. بأن بدايتي .. لم تأتي من فراغ ..! فأنا قد وجدت بينكم .. الراحة .. بعد عناء .. والإستقرار .. بعد تشتت .. وهذا اقل مايمكنني .. أن اقدمه .. لأشخاص استقبلوني .. ورحبوا بي .. خير ترحيب .. اخي .. عبدالله .. اشكر لك مرورك .. ومشاركتك .. تقبل تحياتي .. دمت بود .. |
||||||||||||||||||||||||||
28 Feb 2007, 02:17 PM | [ 10 ] | ||||||||||||||||||||||||||
|
وطاب فالك .. اشكر لك مرورك .. دمت بود .. |
||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
محادثه بيني وبين ساحر | الغريق الشدادي | القسم العام | 41 | 23 Dec 2011 11:23 PM |
محاورة جرت بيني وبين أحد زملائى. | البرينيسي | المحاورة والألغاز الشعرية | 15 | 08 Jun 2008 11:08 PM |
كان بيني وبين الموت مرمي حجر | بسمة | منتدى القصص والحكايات | 11 | 14 Jan 2008 01:27 PM |
بينى وبين نفسى .........للاسف ..... | عزف الدموع | مرافئ البوح | 10 | 10 Jan 2008 12:37 PM |
بيني وبين أبو فوزي | عبيد بن سلطان | بحور القوافي | 8 | 31 Dec 2005 06:32 PM |
أدوات الموضوع | |
|