|
||||||||||||||||||
اللي يعرف القصيده يكمله
ممكن اللي يعرف تكملة القصيده يكتبها الله لايهينكم -------------------------------------------------------------------------------- السلام عليكم.. علوووومكم هذي سالفه سمعهتا قبل كم سنه والظاهر انها معروفه عندكم يقولكم هذا واحد عاشق بنت عمه وهي عاشقته وقسم الله وتزوجوا اخذت عنده مده وماكتبلهم يجيهم عيال قال ابو الولد لازم تعرس يمكن يسوق الله نصيب ويجيك عيال المهم الولد كرد لابوه يعني عيا يجيه منا ومنا مافاد فالولد قال ابو له طلقها والا والله اني لاتبرا منك ومتنب ولدي الولد حاول في ابوه بس الشايب قلق وتنح عاد الولد يحب زوجته بس مايقدر يعصا ابوة طلقها وانعزل عن الناس جالس فالبيت يجونه اخوياه ويحاولون انه يطلع معهم بس يعي عاد كل يوم يجونك اطلع سافر معنا بس لاحياة لمن تنادي بعد كم محاولة ترجي وتوسط طلع الود معهم وسافروا لسوريا بس الخاطر شين البال مهوب معهم يهوجس في بنت عمه وهو بالمرقص والناس مبسوطه وهو مهوب يمهم قال قصيده بس ماني حافظ منها الا هالبيتين يقول الشاعر// لاواهني الناس تدله مع الناس...... وانا عجزت القا مع الناس ناسي اشرب على كاسين واشرب على كاس..... ويزيد همي كل مازاد كاسي واللي يعرف القصيده يكملها
|
25 Aug 2005, 02:26 PM | [ 2 ] | ||||||||
مؤسس شبكة الشدادين
|
هلا بك أخوي أبو عزه واستلم
هي عزة ً بالنفس طبعي ونوماس=ماتابع المقفي على العز راسي
ويوم الوداع اصفق أنا اخماس بسداس=قالت بمان الله واهتز ساسي صابر وأنا قلبي رهيفاً وحساس=ياقدرة الله قلبها اليوم قاسي راحت وخلت فكري اليوم محتاس=من بعد ماراحت حسست بعباسي اضحك وداخل موجة القلب وسواس=غديت أنا والهم رفقة سواسي لاوهني الناس تدله مع الناس=وأنا عجزت القى مع الناس ناسي يالعنبوا ذالصيف يضيعون الأوناس=ماعاد الاقيبه رفيقن يواسي والمشكلة مالي بعد ذاك مجلاس=ولا بعد بالذل اتابع مراسي ودي بشوفك يابعد كل الأجناس=واقضي معك ليلة بليا نعاسي والله لاالبّس عنقها عقد والماس=وتصير ماسة نادرة فوق راسي سبحان ربي فصلك ليا الباس=البس مقاسك وانت تلبس مقاسي ربي يتمم جمعنا بعد ذالياس=ونعيش جواً مايعرف المآسي |
||||||||
|
|||||||||
25 Aug 2005, 02:40 PM | [ 3 ] | |||||||
نائب المشرف العام
|
اهـ اهـ اهـ اهـ اهـ اهـ اهـ اهـ اهـ اهـ اهـ ماصعب حالت العاشق مشكورين ياشباب على القصيده وصح لسان الشاعر العاشق |
|||||||
|
||||||||
25 Aug 2005, 05:46 PM | [ 4 ] | ||||||
|
والله قصيدة رائعة جداً
والله يعطيكم العافية ياأبو عزة والسلطان على هذي القصيدة واكررررررررررررر شكري لكم |
||||||
|
|||||||
28 Aug 2005, 02:58 AM | [ 5 ] | |||||||
شامخ الذات
|
قصيده في غاية الروعه وقصتها معبره شكرا للاخوان ابو عزه وابو نوره على النقل الجميل كم اعجبي هذا البيت الرائع والقصيده عموما رائعه والله لاالبّس عنقهـا عقـد والمـاس وتصير ماسـة نـادرة فـوق راسـي مره ثانيه شكرا و لك مووودتي |
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
بلييز اللي يعرف بالرياضيات يساعدني ضروري | الدلع كله | منتديات المرحلة الثانوية | 2 | 02 Jul 2010 03:44 PM |
سؤال عن نسب الحيدري | تيمور | القبائل العربية | 7 | 03 Nov 2007 12:51 AM |
هذه القصيده مؤثره جداً | ماجد الشدادي | قصائد مختارة | 8 | 26 Nov 2005 03:34 AM |
هل فعلاً صاحب هذه القصيده من بني الحارث ومن هو | ابو عبدالله | بحور القوافي | 4 | 23 Jun 2005 02:57 PM |
ماهو رأيك في هذه القصيده | الشدادي | قصائد مختارة | 5 | 27 May 2005 07:21 PM |
أدوات الموضوع | |
|