للبيع قلبي

للبيـع قلبـي وحـده اليـوم عالسـوم=ومن هي تقدر قيمـة الحـب تشـري
مطلوب شرايه على الصـدق معلـوم=تحفـظ مقـام الحـب وتعـز قـدري
شرطي كريمه كوني انسـان محـروم=تعطي من احساس الغلا طول عمـري
وشرطي اصيله مابها عيـب وسقـوم=توضح مثل وضح الندى فوق زهـري
وشرطي وفيه ماتخـون الهـوى يـوم=ملكي لحالي وحبهـا اليـوم حصـري
وشرطي قنوعه ترضى بكـل مقسـوم=تعرف حقوق الغير وتصـون سـري
وشرطي خلوقه والادب طبع ولـزوم=واخلاقهـا مـن نبـع الاداب تجـري
وشرطي جميله فيها خصـال وعلـوم=اوصافها فيمـا يلـي حسـب فكـري
الوجه ذاك البدر مضـوي ومرسـوم=والخد ورد وصافـي الشهـد ثغـري
والشعر ليل وسهم هالرمـش مسمـوم=وعيونهـا مـن سحرهـا دوم تغـري
وانفاسها عطر المسـى ريـح يشمـوم=وشفاتها من ملمـس الـروج جمـري
والراس عالـي كنهـا شيخـة القـوم=تقول مابـه مـن ملـك يـوم مهـري
والصدر كنـه تيـن اخـوان بالتـوم=والبطن ضامر ولين الغصن خصـري
وكفوفها سيوف تـردي بهـا خصـوم=لا لوحـت تكسـر يدينـي وظهـري
واقدامها لامن مشـت عـز وعـزوم=ينبت وراهـا الفـل ويفـوح عطـري
وان كنت ميت في هواهـا ومرحـوم=تكفون خلـوا عيونهـا اليـوم قبـري
وان شافها اللي مـن الحـس معـدوم=لا من سرت قبـل المواعيـد بـدري
قام وصـرخ تكفيـن يابنـت مظلـوم=خلك دخيلـك بـدري الليـل نسري
هذي مزاياهـا بـلا عتـاب او لـوم=وقلبـي فداهـا كـان تفهـم وتـدري
من هي تقـدر قيمـة الحـب تسـوم=وحدي مشاعر حب واحساس عـذري
وشعور صادق بين الاثنيـن مضمـوم=واخلاص صامد لا طرى الوقت غدري
اما اعيش العمر فـي حـب وحلـوم=والا قتلـت القلـب وانهيـت عمـري

سااهر

عطاء اختيار غير مسبوق

تشكر عليه وفالك الطيب

مدري
أحسّ إنها شروط و مواصفات فل أوبشن وصعب توفّرها !

لكن الله يرزقه الجنّة والحور العين أخير وأطيب !

ساهر الليل
شكراً لك على هذا الإختيار
ولاهنت يا أبا مشعل على التنبيه

صح لسان الشاعر
اخوي ساهر الليل
ابدعت في اختيار الكلمات
وتميزت بقوة المعنى

شاكر لك نقلك المميز

تشكر أخوية خيال الشدادين على التنبية ولك جزيل الشكر

تحية عطرة لك أخي وشاعرنا ساهر الليل
والله يحييك في منتداك بهذه القصيدة الطيبة
ونقول لك:
صح لسان الشاعرولا هنت
وننتظر مشاركاتك معنا باستمرار

صح لسان الشاعر
وكل الشكر لك على الطرح ياساهر
واتمنى تطرح القصائد المنقولة في قسمها المعتاد

رائعه بمعنى الكلمة شكراً لك يامبدع