نزعتي الرمح من صدري.....

كتبت الشعر مو لجلك ولكن فاض بـي بركـان =ولا انتي فلا تسوين قصيدة فـي نظـر عينـي
حلفتي لي تصونيني إذا صـار الزمـان خـوان =وأول ماعثـر حظـي علـى دربـك خذلتينـي
كسر رمح الزمن صدري وجيتك اشتكي حيـران =نزعتي الرمح من صدري وفي ظهري طعنتينـي
خسارة كيف حبيتـك ؟؟ نعـم والله أنـا ندمـان =غبـي أدري نعـم ادري مـدام انـك سكنتينـي
ثلاث سنين من عمري وانا في لعبتـك غرقـان =أشيل الشوك من دربك وجرحـي كـان يدمينـي
وكنت أبكي إذا تبكي وأكـون لبسمتـك فرحـان =وكنت أقرب من رموشك لعينـك يـوم تبغينـي
عرفتك للأسف صحرا وحولتـك الـى بستـان =وشلتيني غصن اخضر وفي صخرك زرعتينـي
حفرتك داخلي ظني تصونـي عشرتـي أزمـان =وكنت احفر قبر موتي علـى ساحـل شرايينـي
على كف الشقى نامت جروحي والالـم سهـران =يحطمني ... يبعثرني ...وفي صحارك يرمينـي
ولكن عزتي تفرض اكون ....بدنيتـي سلطـان =وإن ظنك أجي أركـع لرجلـك ....ماعرفتينـي
أنا مو من عادتي أشحت من أمثالك رضا وإحسان =أموت بعزتـي أرحـم ولا ذلـك ....يغطينـي
ومادام الوفاء عندك يـدور لـه علـى عنـوان =بدور لي على قلـب يصـون الحـب وسنينـي
ولو قلبـي ذكـر حبـك بولـع فيـه بالنيـران =وبكسرهـا أنـا رجلـي إذا صوبـك تودينـي
ولو دار الزمن ضدك وجيتـي تطلبـي الغفـران =وجبتي الشمس في كفـك لعنـدي مـا بتلقينـي
تقول الناس في وصفك جميلة مثل عـود البـان =وأنك أجمل و أحلى بشر مخلـوق مـن طينـي
وانك غالية واثمـن مـن الياقـوت والمرجـان =يقوم الكون مـن شانـك وتقعـد لـك بلادينـي
حساااااااافه غرهم شكلـك وياماتخـدع الالـوان =عموما قد بقـت كلمـة اخيـرة لـك وسمعينـي
إذا كنتي بنظر غيري ملاك فـي شكـل إنسـان =قسم بالله ماتسوووين قصيدة فـي نظـر عينـي

لـلـشـاعـر : سـلـطــان الـعـلــوي

كسر رمح الزمن صدري وجيتك اشتكي حيـران
نزعتي الرمح من صدري وفي ظهري طعنتينـي

خسارة كيف حبيتـك ؟؟ نعـم والله أنـا ندمـان
غبـي أدري نعـم ادري مـدام انـك سكنتينـي


الامير يسلمو اياديك على النقل
الرائع الذي يدل على ذائقتك الشعريه الرفيه

صح لسان الشاعر لاهنت اخوووي تقبل
كل اللووود برق الوســــــــــــــــــــــــــــــم

برق الوسم

سلمت يالذيب على الرد الجميل

ولا عدمناك وبيض الله وجهك.

عشت يا الأمير ولا هنت على اختيارك

الجميل وذوقك الفريد

يا ليت بس لو تنسق القصائد

لأنها والله متعبتنا في تنسيقها

تسلم يمينك يالامير على النقل الجميل وصح لسانك ولسان شاعرها تقبل مروري
تحياتي ,,,

السلطان

لاهنت على المرور يالذيب

أما التنسيق والله ما عرف

وسلمت على تعبك ودمت بود.

ابن مهرس911

مرور جميل ووجهك أبيض

يالقرم لاعدمناك.

الامير صح لسان الشاعر وسلمت

على الاختيار الجميل

وبالنسبه لطريقة تنسيق القصايد تجدها على هذا الرابط

وهي سهله جداً

http://www.shdadeen.com/vbq/showthread.php?t=2702

كل الود

عبدالله

لاهنت وإن شاء الله أحاول أنسق

القصايد بارك الله فيك.

قصيده رائعه وصح لسان الشاعر سلطان العلوي

الامير مشكووور على نقل القصيده الجميله ولاهنت

تقبل مروووووري

تحياتي لك

... المحـــــكوم ...