صبح الربوع

الجديد بين يديكم اتمنى ان ينال على اعجابكم ويرتقي للذائقه ,,


صلو على رسول الله

يا وجد حالي وجد مسجون مظلوم=ضاقت به الدنيا وشاف العجايب
الحكم في قصّه قريّب ومختوم=واللي شهد با الزور بعض الحبايب
يلمح صور طفله وبا الدمع مزحوم=لا نوم لا ضحكات والحال طايب
ما مرّه من ضيق وهموم يا قوووم=ياهي " ربع زفره " قفتها العقايب
الضيقه اللي طيّرت عنّي النوم=صبح الربوع مركزات النصايب
ضيقه غبن مهموم موجوع مكتوم=ما كنّي الا موجدٍ للمصايب
منها لحقني من محبيني اللوم=من شوفةٍ منها العقل كان غايب
الصده اللي قبلها حبّة خشوم=يا مرّرّرّرّها لا جاتك امن القرايب
وش جاه منّي غير لا ضاق به يوم=فزعت له ما قلت ويش السبايب
ياما سعيت لخاطره والغلا كووم=اقووول لعيوونه تهون الصعايب
راحت مراح طيور لا راحت تحوم=" افعال طيبي " طيرتها الهبايب
ماهي حسافه " كثر ما كنت ملطووم=من صدةٍ شبّت علينا اللهايب
مدرري ردى مدرري حدٍ ناقل علوم=الحمل ما يحمل بليّا ركايب
كانه ردى يبقى الوجع يجلب هموم=لانّه قريب لّي ولاني بطايب
وان كان سامع له علومٍ من رخوم=هو يعرف انّي مثل وبل السحايب !
ياما نفعته والنفع رايمه رووم=ماني بدوّر من وراها كسايب
نقدر نحط عقوم تبلشبها قروم=ويش استفيد من الردى والطلايب
الطيب يدفعني على نفعة القوم=من رااس والدنا نسد النوايب
يا كيف لا كان القريّب له لزوم=اسووق نفسي لجل عينه وهايب
ويا قووم لو صديت ماني بمليوم=والوصل والفزعات ماهي غصايب
لاكن هناك " حساب " والامر محسوم=اما فلاح العبد او قيل خايب
اللي قطع من له صله قيل محروم؟=عن العمل لو كان وفى الضرايب
بيتٍ بنيته قبل ماهو بمهدوم=ماني بقاطع ربّ انا منه هايب
نمد حبل الوصل والبغض مذموم=لا بدّ ما تركز علينا النصايب

وسلامتكم جميع

الله الله
يا شاعرنا العزيز أبو سلطان
والله يبيض وجهك على هذا التواجد المشرف
وهذه القصيدة الرائعة المميزة
وصح لسانك ملايين يا بعدي

قصيدة رائعة جداً
صح لسانك ملايين أخوي
كل الشكر والتقدير لشخصك الكريم

صح لسانك يا شاعر
لاهنت على القصيدة الجزل

قصيدة جزله
صح لسانك ودام نبضك
وسلمت الأياادي

الله الله ياشاعرنأ ،
كلمات رائعة بحق ،
سلمت هاليمين يارب : )

اللهم صلى وسلم ع نبينا محمد
مبدع ومميز
هلابك وهلابجديدك

اشكر الجميع على المرور المميز والله يجملنا مع الطيبين شرواكم ..