القبول اليوسفي

السلام عليكم ورحمه الله وبركاته =انقل لكم قصيده القبول اليوسفي
من رقـا عـز المعالي يكثرون احسوده=فالوكاد انه يعزم هـمته في حينه
المكارم والقبول الـيوسفي والـجوده=في ثغر من حل فوق النايفات بزينه
والله اني من صدوده ما حسبت العوده=والله يصبر ظنيني في فراق اظنينه
الركايب نايخه والذود بشدد قـوده=وارتحل من ديرة فيهاالغبن بيهينه
تستهل العايفه والجايحه فـي عوده=مثل شبات الهشيم اللي تشب اسنينه
يا وجـودي وجد مسجون يحل اقيوده=لكن الكلبوش عيا لا يــفك ايدينه
هـمت المشتاق همه والعهود اعهوده=للوفا ما دام راسه ما سكن بالطينه
مرحبا ياطلت الظميان فـوق اعدوده=يا وساع الجو يا كبر البحر يامينه
من ربا في جال بحرك ما حسب للنوده=والطوايف خاتله بتعظمك وتهينه

شعر: عائض حمود مفلح الحارثي/ترج

مرحبآ يالنايف تراحيب المطر

قصيدة في قمة الروعة

المكارم والقبول الـيوسفي والـجوده
في ثغر من حل فوق النايفات بزينه



انشالله ما تكون آخر نصوصك


ودي

المكارم والقبول الـيوسفي والـجوده
في ثغر من حل فوق النايفات بزينه

انا اشهد

قصيده مميزه وذات معاني قويه
من العيار الثقيل
النايف
تشكر والله على النقل
وصح لسان شاعرها

الله يحييك أخوي النايف
بهذه القصيدة الطيبة لشاعرنا عايض بن حمود
ونقول له:
صح لسانك ملايين ولا هنت

ونقول لك أخوي النايف:
الله يبيض وجهك على نقل هذه القصيدة لنا
ونتمنى أن تتحفنا بالمزيد من هذه القصائد
وفقك الله