مساجلة بين الشايب والشباب

أعظاء وزوار منتدى الشدادين الكرام السلام عليكم ورحمة الله وبركاته أقدم لكم هذه المساجله
التي بيني وبين الشاعر الكبير صالح بن سفر بن هجود عسى أن ترتقي
لذائقتكم الشعرية

وقت الهوى ياعزيز فاتت عصوره=اجيالكـم ماتعرفـه غيـر بالطـاري
في مامضى الود بين اثنين مقصـوره=علـى النقـا ياعزيـز والله الـداري
واليوم صار الهوى بالصوت والصوره=اجيالكم تختلف عـن جيلنـا ضـاري
صار الهوى عندكم بالعيـن منظـوره=وليا بغيت اتصل به واسـر ياسـاري
اصبح خبرها بوسط الناس منشـوره=لو قلت ابا اخفي الحقيقه قالها غاري
ناس تعبط الهوى بااطباع مسعـوره=ولاينعرف مكسب البيـاع والشـاري
وانته وانا بخير والاعراض مستـوره=والله يديم الستر مـن عـزة البـاري
ادعوا عسى بلادنـا بالعـز معمـوره=عز ٍ يورخ لهـا يقـرا بـه القـاري
دار الحرميـن بالاسـلام مشـهـوره=مرفوع راس المواطن فوق ويمـاري

رديت عليه بهذه القصيدة

حياالله اللـي غيابـه يفـرض حضـوره=شايب هواوي ويملـك صـرح معمـاري
كنـه مـع الجيـل هـذا مـاخـذ ٍ دوره=يعـرف اساليبهـم وانــا بـهـا داري
يشوقنـي قافـه المحبـوك وبـحـوره=واغوص واسبح بحر واصـداد غـداري
ذيب ٍ يبـوج الخـلا ويلاعـب طيـوره=وذيب ٍ حـداه الزمـان وعـود اجبـاري
لو هي على الحب واهل الحب مقدوره=قلـت الليالـي بخيـر وخيرهـا جاري
واكـب زمـان التقـدم والعـب الكـوره=وارقـد نهـارك وخـل الليـل سمـاري
النفـس فـي وقتهـا مهيـب معـذوره=جـوال فرلنـدي وجــوال هنـقـاري
هاذي حياة التـرف والنـاس ميسـوره=لاعـاد تنشـد عـن الكتـاب والقـاري
الوقـت كلـه تغيـر عنـد اخـو نـوره=قد شاف ظلم الزمـان الشيـن فمكـاري
نـاسٍ تعـذر وهـي ماهـي بمعـذوره=وناس ٍ تشره بعـال الصـوت وتثـاري
ماتـدري ان الزمـن لومـات جمهـوره=لـو انـي اقــدره مـاقـدره غــاري
يعني تـرى جيلنـا ماهـو بهالصـوره=مثل اختلاف الاصابـع واسـر ياسـاري
لكـن لـه كلمتـه والشيـب لـه دوره=وتقدير شيابنـا فـي سلمنـا اجبـاري
سدد وقـارب يزيـن الوقـت واومـوره=انـت الدليلـه ليامن ضيع الساري

مع تحيات / الرحااااااااااال

والله مبدع يا أستاذي الكبير..((الرحال))
وكلمة مبدع قليلة بحق أبياتك...أقف أعجابك لكل بيت كتبته
يعطيك الف عافيه وبأنتظار جديدك
ولا عااااااااااااااااااد تطول الغيبات ترى المنتدى فاقدك حيييييييل

		المشاركة الأصلية بواسطة : عســــــــــولة اقتباس
	والله مبدع يا أستاذي الكبير..((الرحال)) وكلمة مبدع قليلة بحق أبياتك...أقف أعجابك لكل بيت كتبته يعطيك الف عافيه وبأنتظار جديدك ولا عااااااااااااااااااد تطول الغيبات ترى المنتدى فاقدك حيييييييل

ياهلا والله ياعسولة وإعجابك يسعدني ويشرفني والله لايهينك

وإن شاء الله هذه بداية الخير والتواصل المستمر

الرحال

		المشاركة الأصلية بواسطة : اقتباس
	كنه مـع الجيـل هـذا ماخـذ ٍ دوره يعـرف اساليبهـم وانـا بهـا داري

من جد مبدعَ وردكَ جميل جدا

يعطيك العافيهَ لرصدك مثل هذه الابياَت

دمت ب سعادهَ

صح لسانك أخوي الرحال


مبدع دائماً ولكن ياليت يدوم التواصل

الله الله يا شاعرنا صالح بن سفر
وشاعرنا عزيز بن ضاوي

والله إن كل شيء تغير
وما عاد التالي مثل الأول

لا هنتوا وصحت ألسنتكم
وإن شاء الله نقرأ لكم المزيد
من المساجلات
وعساكم على القوة اليوم ودوم

صحت السنتكم
لاهنت اخوي الرحال
مبدع كما اعتدناك

مساجله من اجمل المساجلات واجزلها

وانت خير من يمثل الشباب يابو ضاوي

صح لسانك ولسان ابو خالد

والله يبيض وجيهكم

تحياتي

صح لسانك ويعطيك العافيه
ابداع وروعه قليله
الله يجزاك خير
لك تحياتي

,’

يعطيك الف عافيه يا شاعرنا

جد ابدعت في ردك

سلمت و بيض الله وجهك


,’