زيارة وفد من الشدادين إلى شيخ عنزة

السلام عليكم ورحمة الله وبركاته ..

قصيدة ألقاها الشاعر الكبير / محمد بن عبدالله بن فايز الشدادي ..

عندما زار وفد يمثل الشدادين من حفر الباطن إلى حفلة الشيخ سالم حويل العواجي العنزي في منطقة حائل ..

بعد ما دندن الهاجس وغنا=دعانا داعي الطيب ووصلنا
نسوق اقدامنا والشاهد الله=نضيق ايام وايام انتهنا
سلام الله ياسالم يالعواجي=ياسيفن فالمواقف ما يثنا
ياسيل العارض اللي لا تحدر=يهد قصور عقبه ما تبنا
وعلى ربعك اثني بالتحايا=بني وايل مزبنت المجنا
ليا ضاقت به الأرض الوسيعه=زبنهم لين يلقى ما تمنا
بني وايل مواقفهم تشرف=ياراعي العلم رد العلم عنا
هل الأمجاد متعبت الاصايل=يا كم من راس شيخن ماتهنا
غزاهم طامع ياخذ دبشهم=وقالوا كيف تطمع في ضعنا
رماه اللي على ظهر الاصيلة=ولد شيخ شجيع ولا تونا
يكفيهم من عقاب الفعايل=خذاها غصب برماحن تسنا
يقول شاعر مثل قبيلة=بن الحارث هل السيف المحنا
نسوق ارواحنا والموت واحد=حما المضيوم لا منه زبنا
وسلام الله ياسالم يالعواجي=سلام نختمه بالمسك منا

حياك الله أخوي
وصح لسان الشاعر ملايين
ولاهنت على الإيراد كل الشكر والتقدير

مرحبا اختي بنت النشامى ..

صح بدنك .. شكرا لحضورك ..

صح الله إلسان الشاعر مليون ولايوفون

بيض الله وجهك ولاهنت على هالإيراد

شكري وتقديري.

ونعم والله بالشدادين وشاعرهم أبو عبدالله
ويستاهلون قبيلة عنزة العريقة كل تقدير
وما قصروا ربعي عساهم على القوة
اليوم ودوم

وبيض الله وجهك أخوي
عطه خير

وننتظر منك الجديد والمزيد دائماً

الشذى .. صح بدنك ..

اشكرك لتواجدك .. لاهنتي

معليك زود اخوي السلطان .. صح بدنك ..

نورت بحضورك وتواجدك .. عساك على القوة ..