ياالله يالي فاتحن للخلق بابه

ياالله يلي فاتحن للخلق بابه=انت ربي لاتصك الباب عني
يالمطوع دوك مردود الاجابة=شفت انا قيفان شعرك واعجبني
مرحبا بأبيات شعرك مرحبا به=المثل صايب خذ التوقيع مني
في مريض القلب ما تفيد الطبابة=منطبع فيه البلاء من صغر سني
ان رقد ما قام تقويمه طلابه=وان صحى في طاعت الباري يمني
عارفن طرق الصلاح من الخيابة=مير شيطانه بقلبه مستكني
كل ما سمع النداء بان البلا به=انهزم وانحاش وهومسلم وسني
عنده المذن مثل صوت الذيابه=مايبى المذن ويطرب للمغني
يعرف الداشر بتطويله ثيابه=دايمن شلان ثوبه يسحبني
ساقطن عند البشر ماله مهابه=مثل وصف الجرب لازم يطردني
والشباب اليوم ماهو بمتشابه=الديانه والطبايع يفرقني
فيهم الي دوم يقرا في كتابه=حافظن دينه وقلبه مطمئني
عز ابوه وعز امه والقرابه=والمراجل ما تهيا بالتمنى

بيض الله وجهك

وصح الساااااااااااااااااااااااااااااااااانكـ


وفيت وكفيت




لآهنت؛؛

لآهنت؛؛

لآهنت؛؛

صح السانك وبيض الله وجهك يا ثامر على هذي القصيده الطيبه وعزالله انك كفيت وفيت ياغالي ومايلحقك قصور
وايه هذا الشعر للي يطرب له اسمع ويشوش له راس وافي بيض الله وجهك لاهنت ولا هان غاليك ومغليك فيه بيوت اعجبني كثير وهي بصراحه كل القصيده بشكل العام اعجبتني بس فيه بيت في ا
لحكمه تقول فيه ساقطن عند البشر ماله مهابه مثا وصف الاجرب لازم يطردني
وهذي بيت بعد وصف دقيق جدا في الشباب يقول فيه
يعرف الداشر بطويله الثابه دايمن واثيلان ثوبه يسحبني
عزالله اوفيت وكفيت ياغالي ولاهنت لاهنت لاهنت ولا هان مغليك وغاليك
تقبل مرور اخوك بدر الشد ادي

أخي العزيز ثامر
هل القصيدة من قولك أم منقولك؟

ألف شكر لك على حضورك ومشاركتك
وتسلم يديك اليوم ودوم

صح سانك
بيض الله وجهك
...........................

قصيده رائعه ولاهنت ياثامر

............

صح لسانك يا ثامر
وبيض الله وجهك ولاهنت ولاهان غاليك
والله يعطيك العافيه

بيض الله وجيهكم يا الربع ولاهنتم هذه القصيدة سمعتها ولا ادري من صاحبها واعجبتني ابياتها فكتبتها لكم ولكم تحيات اخوكم ثامر

اخوي ثامر تسلم على النقول الجزل

وسلم شاعرها

وهوى معروف وكل جزل مطلوب

ولك تحياتي