تفضل هنا .. هذه المساحة لك وحدك ..

حبيت الموضوع جداً يا شجون

وحبيت انو اكتب شي ايجابي وشي سلبي ^^

السلبي ..

سمحت لبعض الاشياء انها تعكر مزاجي وكانت اخلاقي في البيت ضيقة
استغليت كوني الاخت الكبيرة واصدرت بعض القرارت ارضاء لنفسي بس ..!
ونسيت اسلوب الحوار والنقاش اللي اتعامل فيه مع اخواتي

..

والايجابي ..

انو عدلت مزاجي الحمد لله ..
وسويت ترتيبات في غرفة العرسان "امي وابي ^^"
معرف ليه مبسوطه بس اهم شي انو انبسطت

,’

نو ون هيـــر .!!

,’
اليوم نومت بعد الفجر وما بدأت حفظي في القرآن مع انو كان المفروض اليوم ..!

ان شاء الله بكره ما انام اذا ربي احياني

يارب

,’

هل من عيوب رمضان ضيق الوقت او هو اهمال من تنظيم الوقت
من دخل هذا الشهر الكريم الى الحين ماطلعت ابارك
المسجات والجوال قايمين بالواجب عني
البارح كانت اول زيارة لي البيت عمي مو قطيعه ولكن امور الدنيا اشغلتنا
والله انفشلت وانا اتعذر يقولي معقوله ربع ساعة ماتقدرين تمرين وتسلمين
قلت ابوي وامي والله ماشوفهم من دخل هذا الشهر الا ساعتين وزين اذا كانت كاملة
اظن بعدها هو عذرني بس انا ماعذرت نفسي
شجون تسلمين على هالركن

أول شي هالموضوع من جد حلو بس قهر الأخت شجون (تركته وغابت)

أنا وربي مو اليوم وبس لا صارلي يمكن شهر ونص وأنا متعجبه من شخص يريد أقتحام عالمي(غصبن عني)
فدايم أقول (وعسى أن تكرهوا شيئاً فهو خيراً لكم..)

يارب يسعد قلبك ياشجون ولازال نبضك هنا يستنطقنا ..."

.................

موضوع حلو وجاء بوقته وتوي انتبه له يعني نفضح أنفسنا بلباقة

أممممم أنا ماسمعت لانصيحة مامي ولاكلام أبوي ولا .. لأي أحد بالبيت لأني ملييييت وماأحب

أحد يفرض شيء علي وحتى أقرب الناس لي ماسمعت كلامه وأدري إني غلطانه بس شاسوي

فيني عناد فتّاك مع إنهم يكلموني بالطيب ويبغون مصلحتي وكله عشان صحتي بس عجزت أتغلب

على فرط العناد لاأحد حاول يبيّن لي غلط أنا أسويه ومضر لي وأنا أحس إنهم يكبرون المسائل

وش فيها لاواصلت يوم مانمت ووش فيها لاانخفض ضغطي ووش فيها لو مر يوم ماكليت شيء أحس

الوضع طبيعي بالنسبة لي بس هم مايستوعبون ومايحسون بوضعي ولكن مع هذا كله ناويه

أريّح قلوبهم لكن بالوقت اللي أنا أحس إن عندي قابلية لتغيير النظام بدون ماأحد يطلب مني

أنام بالساعة الفلانية وآكل بالوقت الفلاني لاللقيود ولاللشروط ولا لفرض الرأي حتى لو كان بأسلوب

حلو أنا كذا شاسوي صعب يروضوني وأنا ضحية للجموح اللي يسكني

^^^^^^^^^^^^^^^^

ذكرتيني ب ( واحدتن ) من الناس مدري من اللي يقلد الثاني منكم .

<< بس ترى أعجبتني سالفة الجموح اللي ساكنك , أحسها طالعه من قلب



اليوم أحس إني بطل و أكوس واحد بالعالم لأني ذاكرت الأشياء اللي كنت مخطط أخلصها و مسكت الكتاب من العصر ما رميته الا الساعه 11 و سبحان الله لما يقرب الإمتحان مدري من فين تطلع هالقدرات و هالإمكانات الكامنة اللي مدري وين تطس بالأيام العادية ,, باقي عالاختبار خمسة أيام ويالله تيسر الأمور

اليوم رفضت أسافر مع أهلي للخبر لأنهم مشو بدري وأنا ودي أجلس بالرياض

وأول مره ارفض بهالطريقة والود ودي ماأحضر الزواج لكن حسيت أبوي وأمي

بيزعلون وجلست مع الدب خالي ع إننا بنسافر ع وحده بالليل والحين ساحب علي

كل شوي يقول بعد ساعة ياشين اللي يعتمد على واحد عزابي ماله راي أقوله

تتحمّل هواش أبوي ونكنسل السفره يقول لو تموتين الهواش بيصير فوق راسي

وأنتي ماراح يجيك شيء والحين جالسة بالبلكونة أشم الهواء الحلو وأطقطق بالنت

وانتظره يعطيني الإشارة عشان نمسك الخط ونشتري كاديه ونسولف هههههههههه

توبه إن خالفت أهلي بشي ثاني مره بروح وياهم بأي وقت وببطل حركات العناد اللي

تمسك معي بدون سبب وآكلها بالأخير

واي الموضوع نايم هيك يحتاج تنبيه لتنشيطه !!

الله يذكرك بالخير ياشجون ماأحتكيت فيك كثير غير بموضوعي

حق لابتوب بنتلي أبو 70 ألف

وقتها قلبتي هذاك الموضوع أنتي والنايف سوالف في الحريم

ترف سلامي معك أمانة لين يوصل شجون