|
||||||||||||||||||
خلاص بطلنا غزل
يالله ياقابل صلاة المصلين=احفظ بلدنا من خطر طامعينه حنا فدى الدوله وحنا فدى=ماعاش من فرط بداره ودينه في حكم ابو متعب على الراس والعين=صقر العروبه جعل ربي يعينه مثله يجيبن العذاراء قليلين=يستاهل القبلات عالي جبينه ال السعود مرجحين الموازين=يبقى العلم بوجودهم رافعينه ويبقى الشعار اللي بنخله وسيفين=ويبقى الوطن شامخ رغم حاسدينه خلاص بطلنا غزل ياشدادين=بكتب نصايح للعقول الفطينه اصحو وربو جيلكم يامربين=شبابكم على الهواء تاركينه الابن ضايع واسرته عنه لاهين=همه على الجوال يسمع رنينه الام غالب همها رز وطحين=والابو مايدري عن الابن وينه العلم مشى ناس من دون رجلين=بس البلا في طالب العلم وينه امشو مع العالم شف الناس ماشين=ليه الخواجه مخ وانتم طحينه نبغى الشباب تسوي المي بنزين=ونبغى الحجر يصنع جواهر ثمينه سوو مثل شباب طوكو وبكين=اما اخترع دفرنس والا مكينه نبغى شباب يخترع لو بليتين=نفرح لاصار لغيرنا مصدرينه نبغى شباب كنهم عالم الصين=امس اكتشاف وبكره مطورينه ماهو شباب مفخخين الصوالين=اللي تفجر كل يوم بمدينه ماينفعك لاصار مسجون في دين=ويبقى الوطن والمجتمع ناطرينه والا انحرف والتف له ناس غاوين=تبقى العيون الساهره مراقبينه وجت صورته من ضمن سته وعشرين=واصبح عليه ابوه يصفق يدينه وسلامتكم
|
13 May 2009, 04:06 PM | [ 2 ] | ||||||||
شاعر
|
حضوووووور اول خلالالالالالالالالاص بطلنا غزل يالشدادين بيض الله وجهك يا انحش جيتك على هذي القصيده الرائعه والتي تحكي الواقع وصح لسانك ملايين تحياتي لك الغربي |
||||||||
13 May 2009, 05:13 PM | [ 3 ] | |||||||
شاعر
|
ورب البيت انت مبدع
وليس للنقد على شعرك طريق تحياتي خيو |
|||||||
|
||||||||
13 May 2009, 05:33 PM | [ 4 ] | ||||||||
شاعر
|
انحش جيتك صح لسانك ملاييين والله قصيدة جزلة ونصائح قيمة ولا على القصيدة أي مآآخذ , ولكن تلبية للدعوة بالنقد والتعليق , من وجهة نظري أرى مايلي : ( تبقـى العيـون الساهـره مراقبينـه) في هذا الشطر كسر أو تقول(مرقبينه) نبغى الشباب تسـوي المـي بنزيـن (يسوي) أفضل من تسوي سـوو مثـل شبـاب طوكـو وبكيـن طوكو أو طوكيو ماشية ,على مافيها من ثقل بس عن تحريف الأسم وعن غيره حط مثلاً لندن . هذا من وجهة نظري وأنت والله ما كتبت هذه
الا شاعر جزل ومتمكن لكن النقد سهل أحياناً . ومثل هذه القصايد هي التي قد تكون صعبة إذا كانت ذات هدف سامي ومخاطبة للجميع , تقبل مروري دمت بخير ,,, |
||||||||
|
|||||||||
14 May 2009, 05:38 AM | [ 5 ] | |||||||
عضو جديد
|
صح السااااااااانك قصيده تحكي الواقع الي حنا عايشينه سلم فكرك وبنانك |
|||||||
14 May 2009, 06:45 AM | [ 6 ] | ||||||||
|
وهذا هو الشعر وهذه أسمى اهدافه نعم هذا التوجه الحقيقي وسلمت وصح كلك على كلك جزله وانت راعيها |
||||||||
|
|||||||||
14 May 2009, 10:35 PM | [ 7 ] | ||||||||
مؤسس شبكة الشدادين
|
تغير جذري في الأسلوب يا ذيبان وعز الله كفيت ووفيت وما قصرت وبيض الله وجهك يا شاعرنا المبدع وصح لسانك اليوم ودوم |
||||||||
|
|||||||||
15 May 2009, 03:42 AM | [ 8 ] | ||||||
|
انحش جيتك قصيده في البنا والسبك والحبك رائعه جداً ولاكن فيه بعض المعاني في القصيد عندي تحفض عليها وياليت اعرف هل انت شدادي ام لا وصح لسانك واتمنا انت ترد على سؤالي ولك احترامي وتقديري |
||||||
|
|||||||
15 May 2009, 01:40 PM | [ 9 ] | ||||||||
شاعر
|
صالح بن هميجان تحياتي لك ياخوي مقدر اخبي عليك
اليا بغيتو تعرفوني انا من=بقولها بيتين ماهي طويله انا ولد من حاور الجن في عن=وخالي علي محماس شيخ القبيله حفيد اخو قطنه سفر ياهل البن=من ربعكم والدم نفس الفصيله وعذرني على باقي القصيده بوجها لتركي عبدالله الشدادي |
||||||||
15 May 2009, 02:09 PM | [ 10 ] | ||||||||
مؤسس شبكة الشدادين
|
ونعم والله معروف يا ذيبان من أول دخول لك خمنّاك وبعدها تأكدنا منك والمنتدى منتداك ويشرفنا حضورك معنا دائماً |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
خلاص أبنسى | عابرة في ديار الغربة | قصائد مختارة | 14 | 18 Feb 2010 09:42 PM |
خلاص الخرج | البطاوي | بحور القوافي | 21 | 09 Oct 2009 10:51 AM |
خلاص | عيد الشدادي | بحور القوافي | 31 | 16 Feb 2008 07:08 PM |
بطلنا شامي يتوج بماراثون باريس | بسمة | عالم الرياضة | 6 | 19 Apr 2007 05:24 PM |
خلاص ياقاســــــي ... | عايشة بعز أبوها | قصائد مختارة | 11 | 28 Jan 2007 01:50 PM |
|