قصيدة في اللواء سلطان بن عايض الشدادي

بسم الله الرحمن الرحيم

ابيات لن توفي بحق اللواء سلطان بن عايض الشدادي والذي تشرفت بالقائها امامه
لعل ان تحوز على رضاكم.



تهيض الهجوس بذكر من يبذلون الجود = هل الطيب والناموس والعز والطاله

نباهم يهب بفعلهم مع هبوب النود = وتطرب له اسماع العرب واتٌوحاله

هل المقدريه فعلهم بالوفا مشهود = يحفظه لهم تاريخ الابطال لاجياله

مثل عزوتي سلطان والمدح له مقصود = اسطر له جزال المدايح وتهداله

وانا لي هجوسن لك بجزل القصيد تجود = تجنب دقاق الشعر وتجيك بجلاله

سلامي لبو ثامر سلامٍ بغير حدود = زعيم المراجل والمواجيب والقاله

سلامي على من مجلسه يستضيف حشود = سلامي على من يكرم الضيف وسباله

محله يفوح بريح هيلٍ وبن وعود = ونارٍ بجال وجارها فاحت دلاله

طليق الحجاج وطيب ساسٍ وعرب جدود = رقى المجد يوم ان الردي صعب يرقى له

زبون الذي حط الزمن في يديه قيود = وطبع الرجال تعرف من هو تنصى له

تسوي الجميله ماتحرى لها مردود = وتقول اعتبرها واجبٍ ماهي جماله

ليا جاك من هو من حمول الزمن مضهود = على زود حملك ترتكي له وتشتاله

يمينك كرمها فاق حد الكرم وتزود = عسى فدوتك من باع شيمته برياله

ورثت الطناخه والحميا امن ابوك العود = وتاج الفخر يزهى جنابك وتزهى له

عسى شايبٍ رباك في رحمة المعبود = يبيحه ويجعل جنة الخلد منزاله

لعل اللحود اللي تضمه وساع لحود = ويسقي ثراه الوسم لا هل هماله

ولا مات من خلف على وجه الارض فهود = ليا صار ذكره يحتمونه له عياله

مثل عزوتي سلطان والمدح له مقصود = اسطر له اجزال المدايح وتهداله





كلمات / سامي بن عايض الشدادي

كفو والله يا أبو عايض
وبيض الله وجهك وصح لسانك

يستاهل أبو ثامر كل خير
ويستحق كل اشادة وتقدير
فهو من الرجال القلائل الذين لهم أطيب
الوقفات وأنبلها مع قبيلتهم

صح الله لسانك
ويستاهل
ابو ثامر كل خير
والف شكرلك على المشاركه