حفظك الله يا ابا متعب

اخواني في منتدى الشدادين

اسعد الله اوقاتكم بكل خير

اعلم اني تاخرت عليكم ولكن لظروف احكام

ولكن جئتكم بما جادت به قريحتي في ملك الانسانيه الذي اسر قلوبنا بطيبه

لن اطيل عليكم فستجدون في طيات القصيده ما ينال اعجابكم واستحسانكم

على باب القريحه فاق هوجاسي من الاجراس = ترن وفي عجل قامت تساعا له قوافيها
تقول افرح معي يا هاجسي ماعاد به مجلاس = بعد ما عاد ابو متعب ذرى الدوله و حاميها
هلا يا مرحبا والفٍ هلا يا سيدي لا باس = عدد ما لاح براق المخايل من مناشيها
اقوله واعلنه حب وولا من صادق الاحساس = محبه لو توزع تكفي الدنيا بما فيها
بعد ما غبت عنا صابنا همٍ بغير قياس = غمامه والغمامه نطلب من الله يجليها
مدامعنا تبل خدودنا وارياقنا يباس = ترقّب جيتك يااعدل ملوك الارض تسقيها
ترقبّك اليتامى واليتامى وضعهم حساس = لجل عينٍ تمسح دمعها واخرى تداويها
وجا يوم الربوع وعمت الفرحه جميع الناس = تجي تستقبلك ما عندها عذرٍ ينحيها
الك حبٍ جرى بعروقنا و مخالط الانفاس = حقيقه والحقيقه واضحه وش لون نخفيها
حفظك الله يا نسل المكارم يا عريب الساس = يابن عبدالعزيز موحّد الدوله وبانيها
حفضك الله يا قايد وطن يانور يا نبراس = ليا ساد الظلام عيوننا نورك يقديها
حفظك الله يا بنك رخا مايعرف الافلاس = عطاياك الكثيره تكسي شعوبك وتغنيها
حفظك الله وعيونك سهيره فوقنا حراس = تفرق ماجتمع من شلةٍ خابت هقاويها
حفظك الله يا عاسف رقاب العيس والافراس = على ارض المعركه خابت عداك اللي تباريها
حفظك الله للبيتين خادم والشعوب اجناس = تجي بحمايتك حتى مناسكها تاديها
حفظك الله يا ركنٍ حجا درع وذرى ولباس = صحيح ان الرعيه ما حماها غير راعيها
نهار ان الشعوب اليعربيه وضعها منحاس = نبادلك المشاعر باول الدنيا و تاليها

وسلامتكم

اخي مشعل بيض الله وجهك على هاالنص الجميل
وابو متعب يستحق منا الكثير والكثير والله يطول عمره ويمتعه باالصحه والعافيه
تقبل تحياتي

نهار ان الشعوب اليعربيه وضعها حساس
نبادلك المشاعر باول الدنيا وتاليها
صدق اخوي مشعل وصح لسانك مليارات واللهم لاتجعلنا من الشامتين على احد والله ينصر اخواننا على كل ظالم وطاغيه ولايولى علينا ظالم ويخلي لنا نور العين ابو متعب ويطول في عمره
تقبل تحياتي,,

الله الله
يا أبو الجازي

والله إنك أبطيت بالحيل
لكن من جاء ما أبطى يا شاعرنا
وصح لسانك ملايين
ويستاهل أبو متعب كل خير وكل حب وتقدير

عساني ما اعدمكم وبيض الله وجيهكم على هالردود الطيب

صح لسانك واعتلا شانك

قصيدهـ جزله من شاعر

وجعلها الله أخر الغيبات

ياولد عتيبه

تحياتي

صح لسانكـ وبيض الله وجهكـ
قصيدتن جزله من شاعر جزل وابو متعب يستاهل اكثر
ولا هنت ولا هان غاليكـ يا مشعل الجعيد
<>
تحياتي

صح السانك ملايين اخي مشعل الجعيد

ويستاهل ابو متعب القصيد

وبيض الله وجهك

تحياتي

صح لسانك ملايين ومايسدون يامشعل

قصيده أكثر من رائعه ولاهنت والله

صح لسانك يابو سلمان وبيض الله وجهك