قصيده قيلت في الشيخ هلال بن بعيصيص الشدادي

بسم الله الرحم الرحيم

هذه قصيده قيلت في الشيخ / هلال بن بعيصيص الشدادي

عندما صدم حفيده / فهد أبن سعد أبن هلال بن بعيصيص الشدادي

عام 1419هـ وتنازل الجد حين علم أن الشاب الذي صدم حفيده مشهود له بالصلاح تنازل بسرعه

وكانت هذه القصيده أهداء ورد جميل لما بدر من الجد

بداية كل مــبدأ ذكر رب حام المعمور= وحما البيت العتيق اللي من أنحاء الكون رواده

عزيز الشان مايخفى عليه من الأمور أمور =مكون كــــل شئ وراضي الإسلام لعباده

ألا يالله وفقنا وجنبنا كلام الــــــزور= وثــبتــنا نهار أن الصراط أثبت أوتاده

وبعدها ياسلام الله على أهل الحفل والجمهور= أقوله من هواجيس لها رد الثناء عاده

أقوله فالرجال اللي لهم فالطيبات أشبور= وحنا للجميل أقول محنا بجحاده

رجال فالقدايم فعلهم بين العرب ماخبور= ليا صوت بني شداد جو للحرب شداده

منول يوم بقعاء فالجزيره حبها منثور= مقابيس البلاء فالضيق حلاله وعقاده

يعزون الصديق ورجلهم يركض على الطابور =وكلام دليم فيهم جاء على قولي من أشهاده

يديرون المعارك يوم بقعاء ماتخلي سور= صواريم الحرار اللي نهار الكون هداده

سليمين لمن سالم ويعبا لشرور أشرار =حديدتهم إلى حمى الوغاء ماهي براده

وبعد راع الذلول عن العناء نزل حبال الكور= لهم فالمجتمع باع طويل بطيب ورياده

ألا ياهلال ألك من عندنا رد الثناء ماثور= عساه يدوم رجل سن مبداء الطيب لأولاده

عفا يرجى الثواب من الله اللي يجبر المكسور =عساها في حسابه يوم كل توزن أعتاده

تنازل قبل لايسمع كلام وفكرة الدكتور= وهذا يجلب أفروح أصدقاه وغيض حساده

وفي باب الجمايل والوفاء ألكم بيرق منشور= ولانستغرب العلم الجميل اللي من أسياده

رجال خلد أولهم في منهاج الوفاء دستور= وكل من خلفهم راح ينهج منهج أجداده

هذا وأرج السماح أنكان جاين فالكلام أقصور= وصل الله على اللي حرر الإسلام بجهاده


قائل القصيده الشاعر الشيخ / مشعل بن نوار العتيبي

أهلا وسهلا أخي الشادي

القصه قديمه ولكن كتب ربي أن

الإصابه تكون على فهد خفيفه

والله يوفقهم في حياتهم

ويجزاء الشيخ هلال الف خير

وصح الله لسان ولد عتيبه

تحياتي

اخي الفاضل
أبن جبيري
الشكر لك ولحضورك الذي وصل شذاه قبل وصـولك
شكرا لهذا التوهج ..!!
وهذا الحضور المشرف
تقبل خالص احترامي وتقديري

أخوك : الشادي.

ونعم بالعم هلال

ويستاهل القصيده الجزله

وشكرا اخوي على النقل الرائع

تحية لكـ

يستاهل أبو فهد كل علم غانم

والشكر موصل لك يالغالي: مشعل

ع مرورك ومشاركتك الرائعه

أتمنى لك التوفيق..

يا هلا والله وألف مرحبا بأخونا
الغائب عنا الشادي
نورت المنتد بحضورك وطلتك

يستاهل والله أبو فهد كل علم غانم
وصح لسان الشاعر العتيبي
وتسلم يمينك

أخوي الغالي : أبو عبدالله

منور المنتدى بوجودك
ممتن لك ع هذا الحضور والتشريف الرائع
أشكرمرورك وتواصل عطرك الذي نثر جمال قلمك ..
لك مني ارق المنى على مرورك
ولك خالص احترامي وتقديري