|
|||||||||||||||||
الكبر
البدايه اقول الف شكر لاعضاء المنتدي وعلى راسهم الاخ العزيز السلطان على الوسام واقول يعلم الله انه شرف كبير لى,,,,, واشارك بقصيده كتبتها بعد ماحصل لى موقف مع ضابط نصيته انا وخوي لى في موضوع بسيط ميرالله ماكتب له يتجمل ولا أقول الا : الله لايكثر من امثاله واتمنا ان تحوز على رضاكم الكبر
الكبر وسم الردي والاش وزناد الضعــــــوف=ناقله ماهو حظيظ ولانقل غير الضعـــــــــافه
حيلة الى من رداه وضعفته عينه تشـــــــوف=كل هالعالم تحته وكل هالدنيا خــــــــــــــلافه جاهل درب العناله والتعب ماهو مخلــــــوف=من ورد عده يصدر بالضما وقل الكـــــــلافه للمره واهل المصالح راهي وداني قطــــوف=وللمطاليق ان نصوه محول تاليها تعـــــــافه في السعه سيفه يذب الروس من بين الكتوف=بالهروج ذراعه اطول مد من عنق الـــزرافه ولا في وقت الله الله لويواجه له هنـــــــــوف=راح ابوزيد بلهمها وضاع محرافه وقـــــافه وياولد نجمه تواضـــع وارفق اشويه وروف=لايغرك مظهرك بالبدله وحسن القيــــــــــافه راح قدامك ميات وراح قدامك الـــــــــــــــوف=لاعليك ولاعليهم لاوجود ولاحســــــــــــــافه الحسافه عل الذي شروي نفل دمث الوصوف=وابن عبدله وابو مشعل مقربة المســـــــافه زينة الرجال لامنه غدا رجل معـــــــــــــروف=يعسف مهار اللوازم لادخلا وجهه عســـــافه لايقصر كان يقدر يقضي لزوم الضـــــــــيوف=وكان مايقدر يسوق العذر من عقب الضيافه والله انه لايعيد الحظ الاقشر والضـــــــــروف=يوم حدتني على الى يسمي الفزعه لقــــــافه يوم حدتني على الى منطقه منطق ضـــــعوف=امتكبر والكبر زاده على مابه ضـــــــــــعافه
|
08 Jul 2009, 10:29 PM | [ 2 ] | |||||||
شاعر
|
فهد بن رزيق صح لسانك والله لا يحدك ولايحد الطيبين على الضغوف وأردياء النصيب بالفعل لو تعذر بعذر ٍ يجمله كان افضل له يقول الشاعر الاجواد مثل النور في ليلة الدجى=والانذال غدرا ً تايه ٍ من سرا بها والاجواد مابذرت فيها لقيته=والانذال جرعا ً تجحد اللي ذرابها |
|||||||
|
||||||||
09 Jul 2009, 01:28 AM | [ 3 ] | ||||||||
شاعر
|
فهد بن رزيق العلم الطيّب يكسبونه أهل الطيّب اللي ضارينبه أو يكسبونه رجال لهم بالطيبات والمواقف حظ وبعضهم نسأل الله السلامة لا ضروةٍ على الطيب ولا حظ وأنت وشرواك من الطيّبين يدركون ذلك جيداً , والمشكلة يوم يكون رخمة وماسك منصب . صح لسانك والله لا يحد الطيّب على الردي . بيتين بهذه المناسبة للشاعر علي بن بلال اليامي : وجيه السرب اللي يخيب الرجاء فيها كبار الكذاب مكثرين التمداحي رجال بوقت الضحك تكبر عزاويها تهبد الصحن وتفطح الهرج فطاحي وعند الازوم يبين للناس خافيها يضيعوون ويجي للعزاوي تبطاحي ويقول شاعر آخر عن الطيبين : الطيب لا تستغربه من هل الطيب اللي لهم بالطيب موطن وخبرة أوسع على الطيب من فيضة شعيب واضيق على الرديان من ثقب الأبرة المعذرة على الإطالة لأن الموضوع أعجبني كثير وسلامة الجميع
,,,,,,,,, |
||||||||
|
|||||||||
09 Jul 2009, 02:14 AM | [ 4 ] | |||||||
جود القلم
|
صح لسانك أخوي ابيات قمة في الروعه والجزاله
لاهنت تحياتي |
|||||||
|
||||||||
09 Jul 2009, 02:53 PM | [ 5 ] | ||||||||
مؤسس شبكة الشدادين
|
بيض الله وجهك أخوي وشاعرنا فهد ولا هنت على اتحافنا بهذه الرائعة ويشهد الله ما كل ذكر يقال عنه رجال الطيبين لهم مواقفهم والردي واللاش ما يجي منه خير أبداً صح لسانك ولا هنت يا الذيب |
||||||||
|
|||||||||
12 Jul 2009, 03:44 PM | [ 6 ] | ||||||||
|
كثيرين من هم بهذا الشكل والأسلوب ولا هو كبر يا شاعرنا هذي تسمى رخامة صح صح صح إلسانك مدد بلا عدد والله لا يحوجك ألا لكل شهم وطيب يا طيب .. ونفل نفل الله يرحمه ما يجي مثله في الفزعات لربعه أحد ,, ما أقول فيهم قصور بس تراني مجرب ,, |
||||||||
|
|||||||||
16 Jul 2009, 07:57 PM | [ 7 ] | ||||||||
شاعر
|
اخوي تركي الشدادي الله يسمع منك ويبيض وجهك ومثلك وشرواك من الشعار يعني لنا رايه الكثير تقبل تحياتي,,,,,,,,,,,, |
||||||||
16 Jul 2009, 08:03 PM | [ 8 ] | ||||||||
عضو متميز
|
صح لسانك ياأبن رزيق وفقك الله |
||||||||
16 Jul 2009, 08:06 PM | [ 9 ] | ||||||||
شاعر
|
اخوي واعي بيض الله وجهك وان اشهد انك اسم على مسمي اثريت الموضوع وبالعكس كان بودي لو مابخلت علينا واستطردت اكثر واستشهدت اكثر بابيات الحكمه التى تحفظ منها الكثير لامافيها من فايده لى ولكل من شاهد الموضوع الف شكر والله لايهينك تقبل تحياتي,,,,,,,,,,,, |
||||||||
16 Jul 2009, 08:09 PM | [ 10 ] | ||||||||
شاعر
|
الاخت فاقده ابوها الله يعطيك الف عافيه وشكرا على المرورالعطر تقبلى تحياتي,,,,,,,,,,,, |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الكبر لله وكل إبن آدم صغير | بندر النايف | قصائد مختارة | 26 | 25 Mar 2009 05:36 AM |
الكبر لله | من رؤس بنيوس | بحور القوافي | 32 | 26 Sep 2008 08:24 PM |
الكبر والعجب | وسمي | المنتدى الاسلامي | 5 | 11 Jun 2006 08:06 PM |
أدوات الموضوع | |
|