مداهيل تعلم الرجال في الرجال

‏مداهيل الحياة تعلم الرجال بالرجال
ثلاث اشياء ماهي بالريجيل معروفة

ثلاث تبين لك ولاهي على كل حال
حسب شخصك وكبرك وصغرك كان بتشوفه

ملامح باهته ماهيب في بطال
ولاهيب في شخص ب الأمجاد موصوفه

تبين بعين من دقق بها واختال
وشاف الحقيقه واضحه له ومصروفه

كبير السن مهما طال عمره اذا احتال
يجيك بحيلة تبعد عن الفكر وتطوفه


وترا الداهيه لا صار لك حق ولك معدل
ولا حطو لهلها حد يثبت لك وقوفه

ثلاث ليال مرت عشتها فالخلا بالحال
ولا اقولها مثل الذي يشرح اضروفه

ثلاث عشتها ماهي ثلاث الايال
بكل الوجيه اشوف الألوان مخطوفه

ملامح خويي واضحه مآ عليها اضلال
مابين أصعب مواقف باين وقوفه

وقوفه قليل ياقفه لأمن حصل رجال
مغير اشوف البريق اللي تلامع سيوفه

بريق بعينه كنها كلمة تنقال
بوجهه إلى اقبل خصم يقرا بها جوفه

ملامح واحد مالقا مدخال
ونحرها وجيه تنعرف له ومالوفه

خويك خويك خل عنك القيل ويا القال
ليا صف مع صفك فلا تلحق احسوفه

خويك خويك خل عنك المال
عليه الدموع ان غاب تستاهل اذروفه

خويك لاحفظ سرك وصانه مرت الأجيال
امامك بفضل الله تمر وكلش تطوفه

الله الله
تسلم ابن نايش
لاخلا ولاعدم
دائما تاتي الينا بجديدك الجميل
استمر والله يحفظك
شاعرنا
مبدع

لا هنت يا شاعرنا العزيز
أبو نايش
ولا هان غاليك وبيض الله وجهك
على طيب تواجدك وجميل حضورك

صحة ابدانكم جميعاً وشكراً لكم ولمروركم الجميل والكريم

صح لسانك
ولا هنت أخوي
كل الشكر والتقدير

صح لسانك ويا هلا بك يا ابن نايش
والله يبيض وجهك ويعلي قدرك
تواجدك مشرف وحضورك
يبيض الوجه

سلمت وسلم غاليك
ولا هنت وصح لسانك
والله يبيض وجهك ويرفع قدرك