زبون الطايلة

هذه القصيده كتبتها في مناسبة زواج حريميس ابن عويض
عندما ناسب الخنافر من قبيلة قحطان

ياابومحمد يازبون الطايله في كل حين=ياماسكن سبل المراجل من زمام ايدينها
ياللي لك المجد التليد منزلٍ صفح الجبين=عندك صعيبات الأمور الكايده يهوينها
يامزبن الملهوف لامن حدته غبر السنين=والله مالومه لانشد عن ديرتك هي وينها
انا اشهد انك كاسبٍ في ذا الزمن دنيا ودين=وياقل من يجمع سواتك ياولد ثنتينها
جيتك وانا شايل معي نفحات فل وياسمين=ماكل واحد قادرٍ يجمع شذى تكوينها
عسفتهن عسف المهار إلين صارلي ذعين=عسف المهار اللي تطاوع لمر عسافينها
ثم قدتها قود الجمل اللي مطاوع للرسين= وليلة زفافك ياعريب الساس لك مهدينها
فيها التهاني مثل همال المطر وبل الغشين=سحايبٍ تمبت هشيم الارض من غشينها
وقول ماقالوه قدامي هل الراي الثمين=قول الرجال اللي ماحنا ياولد غاوينها
عرب نسب ولدك ياطلق المحيا واليمين=يشفيك لامن لوصت شهب السنين ابعينها
ونته تخيرت النسب من روس قومٍ غانمين= من روس قومٍ كم وكم من سربةٍ مفنينها
قحطان من يجهل بني قحطان عوق المعتدين=اللابه اللي فالمعارك خسروا معادينها
ودام الخنافر هم خواله ادحم بجنبٍ متين=ذروت سنام المجد من وقتٍ مضى راقينها
وعمانه عمان السعد هم لابتي درعٍ حصين=اهل السيوف اللي من ادمي العداء مروينها
الليا ضمينا ماروينا لين نشرب نبع عين=كبودنا عن بعض شربات العرب مغنينها
والجار ماينهان بحمانا وحنا غايبين=وشلون لو صرنا بوسط الديره وحامينها
والضيف ياكل واجبه كبشاً يقدمله سمين= خصله ورثناها ولا حنا بعد ناسينها
وختامها قولوا معي قولوا معي ياسامعين=الله يعزز حكم دولتنا وينصر دينها

صح لسانك يابو متعب

رااائعه من روااائعك تسلم ولاهنت يالذيب

كل الود

صح السانك وعلى شانك
قصيده جزله من راس جزل
تقبل مروري

صــــــــــــــــــــــح لسانك


اخوي

قصيدة جزلة

		المشاركة الأصلية بواسطة : صالح بن هميجان اقتباس
	هذه القصيده كتبتها في مناسبة زواج حريميس ابن عويض عندما ناسب الخنافر من قبيلة قحطان ياابومحمد يازبون الطايله في كل حين=ياماسكن سبل المراجل من زمام ايدينها ياللي لك المجد التليد منزلٍ صفح الجبين=عندك صعيبات الأمور الكايده يهوينها يامزبن الملهوف لامن حدته غبر السنين=والله مالومه لانشد عن ديرتك هي وينها انا اشهد انك كاسبٍ في ذا الزمن دنيا ودين=وياقل من يجمع سواتك ياولد ثنتينها جيتك وانا شايل معي نفحات فل وياسمين=ماكل واحد قادرٍ يجمع شذى تكوينها عسفتهن عسف المهار إلين صارلي ذعين=عسف المهار اللي تطاوع لمر عسافينها ثم قدتها قود الجمل اللي مطاوع للرسين= وليلة زفافك ياعريب الساس لك مهدينها فيها التهاني مثل همال المطر وبل الغشين=سحايبٍ تمبت هشيم الارض من غشينها وقول ماقالوه قدامي هل الراي الثمين=قول الرجال اللي ماحنا ياولد غاوينها عرب نسب ولدك ياطلق المحيا واليمين=يشفيك لامن لوصت شهب السنين ابعينها ونته تخيرت النسب من روس قومٍ غانمين= من روس قومٍ كم وكم من سربةٍ مفنينها قحطان من يجهل بني قحطان عوق المعتدين=اللابه اللي فالمعارك خسروا معادينها ودام الخنافر هم خواله ادحم بجنبٍ متين=ذروت سنام المجد من وقتٍ مضى راقينها وعمانه عمان السعد هم لابتي درعٍ حصين=اهل السيوف اللي من ادمي العداء مروينها الليا ضمينا ماروينا لين نشرب نبع عين=كبودنا عن بعض شربات العرب مغنينها والجار ماينهان بحمانا وحنا غايبين=وشلون لو صرنا بوسط الديره وحامينها والضيف ياكل واجبه كبشاً يقدمله سمين= خصله ورثناها ولا حنا بعد ناسينها وختامها قولوا معي قولوا معي ياسامعين=الله يعزز حكم دولتنا وينصر دينها

صالح بن هميجان

صح لسانك من اول بيت الى آخر بيت ..

ابدعت ومدحت واجزلت ... فلله درك والله لايظرك..

جدد الاعجاب

		المشاركة الأصلية بواسطة : عبدالله الشدادي اقتباس
	صح لسانك يابو متعب رااائعه من روااائعك تسلم ولاهنت يالذيب كل الود

ابو عابد

صح بدنك والله لايهينك

مرور مميز وتقبل ودي وحترامي

صح لسانك اخووي و لا هنت و يستااهل ابوعويض هالقصيده و النعم فيه و في كل الطيبين


يعطيك العاافيه اخووي و ما قصرت


بانتظار ابداعاتك الراائعه



تقبل مروري

بيض الله وجهك يا ابن هميجان

ويستاهل حريميس بن عويض كل خير

ونعم به وونعم بعوال الشايب كلهم

صح لسانك ولا هنت يا شاعرنا

اخوي صالح

صح لسانك وبيض الله وجهك
وتقبل تحياتي

العباد

صح بدنك لاهنت يالغالي