ناصر الفراعنه يرثي ابنه

نص المقدمة والقصيدة كما وردت عن الشاعر ناصر الفراعنه :

{ قد يستغرب الناس كيف يرثي انسان ابنه وقد ولد ميتا ولم يره امامه وليس له ذكريات معه الا انني هنا رأيت ذكريات أغفلها الشعراء وليس هناك من لم تمر عليه وهذه القصيدة رثاء في مولودي وهدية مني إلى أمه ربط الله على قلبها وعوضها فيه وجعله شفيعا لأبويه }

ما أراني فاعلاً في الليل إن أرخـى سدولـه؟ =ما أراني فاعلاً والصبح قد حـان احتضـاره
طفلي اللي مات في اول يوم مـا ذاق الطفولـه =عاجله سهم القدر واختـاره الله فـي جـواره
طفلي اللي مات في غمضة طرف ما حال حوله =يوم عمر الآدمي مـا كـان يومـاً باختيـاره
يا وجودي يوم لفّوا شاحـب الأكفـان حولـه =ما تقـول إلا شظيّـة لؤلـؤٍ داخـل محـاره
يا وجودي يوم أطالع فيه,في عرضه وطولـه =تنتحر في العين منـي دمعـةٍ كنْهـا شـراره
نفس عين آبوي عينه بل ونفس الزول زولـه =وبالأماره, فيه من عمه(شبيـبٍ) كـم أمـاره
جابه الله مثل هتّـان المطـر ساعـة هطولـه =ديمٍ احيـا بهجـة امـه تـارةٍ وآبـوه تـاره
ويوم شاف الشرّ من صوب آهلهْ يشعب ذلولـه =حطّ دون صدورهم صدره من الرحمه ستـاره
ومات توّي مـا بعـد بإيـديّ لبّستـه نعولـه =مات توّي ما بعد ساويـت فـي ثوبـه زراره
كنّ عينه يوم مات تقول:بابا, ويـش هـو لـه؟ =يوم تبكي وانت تدري مين انا ذلحين جـاره!
كلنا راحل وخيـر النـاس مـن زوّد رحولـه =باغتنام الصالحات وكـلّ كسـرٍ لـه جبـاره
طفلي اللي صوّبت كبده قبل ساعـة وصولـه =بندقٍ من عين حاسد واودعت قلبـي طشـاره
يا وجودي ما لقيت أنسـب لمولـودي مقولـه =من مقولة: يا وجه صبحٍ تحرّر مـن خمـاره
أو ثغـر بـرقٍ تهامـيٍّ تبسّـم فـي ثعولـه =ضوح مصباحه عليه يـورّد النجـدي بكـاره
يوم اشيله ما تقول اشيـل شـيٍّ مـن نحولـه =آتشمّم ريحته -من فجعـة القلـب- بحـراره
يوم جيت العب معاه وغاب قلبي مـن ذهولـه =يوم ما شفته تبسّم لي وانـا فـي اول زيـاره
قمت أحدث عنه نفسي- والعرب حولي وحولـه=ليت ما هو ميْتٍ؟إلا ميت! ما تبغى استشـاره
اتْخنقنـي عبرتـي يـوم آتذكّـر مـا تقولـه =عنه أمّه يـوم أنـا فـي ديـرةٍ ماهيـب داره
آتذكّر يوم هو فـي بطنهـا يحـرّك رجولـه =وانتعيرّ:ليت ما هـو أقشـرٍ؟ لبّـى القشـاره
كم سهرنا معه ليله كاملـه مـن كبـر هولـه =لين صرنا نعَرْف موعد قومته داخـل قـراره
وان تأخّر ما صحى في موعده قمنـا نصولـه =ننغزه يا من يميـن البطـن وإلا مـن يسـاره
ما نبي شيْ بسْ نبي نضحك على ردّة فعولـه =ننغزه ويفز خايف مـا درى ويـش العبـاره
من يدي غيمة على أيـدي الملائكـة محمولـه =غيمةٍ من نور ما تشبـه نضارتهـا نضـاره
يا إلاهٍ كل ما في الأرض طـراً سبّحـوا لـه =شفّعه فينـا غـداً واجعلـه لابوانـه بشـاره
في نهـارٍ فيـه أعنـاق الشياطيـن مغلولـه =يتلقّفنا مثـل مـا يلقـف الحـاوي صـراره

أبيات مؤثرة

الله يعوضهم ويجعله شفيعاً لوالديه يوم القيامة

الله يعوضه خير ويجعله شفيعا لوالديه

شاعر كبير


وجعله الله شفيعا لوالديه

مشكور اخوي

قصيدـه أليمه مشكور ابو سلطان على إختيار القصيدـه

الله يعوضه

ناصر يستاهل كل خير

مشكور اخوي على هالنقل

الله يعوض الشاعر الكبير ناصر الفراعنه خير قصيدة في قمة الرثاء
مشكور ابوسلطان على النقل تقبل مروري
تحياتي ,,,

شكرا لكم جميعا على قرائتكم للموضوع ..

تمنياتي لكم بالاستفاده .

تحياتي

الله الله يا أبو فارس

مبدع بكل معاني الابداع

القصيدة تحتاج فقط إلى تنسيق

ونحن نعاني من ظاهرة عدم التنسيق كثيراً

وفقك الله أخي

الله يعوضة بخير أن شاء الله ويجعله شفيع لوالديه

من أجمل المرثيات وأصدقها
أسأل الله جل قدرته أن يجعله شفيعاً لوالديه
وأن يعوضهم خير منه

أبو سلطان
مشكور أخوي على نقل هذه المرثية
الرائعة والمعبرة بحق عن هول المصيبة
التي حلت بالشاعر الكبير ناصر الفراعنة

دمت بحفظ الرحمن
أبو حسام