غزوة الجياشه على قبيلة العصمه

اطلعت على كتاب في الاونه الاخيره على كتاب ملخص غير متداول بين الناس واسمه (قبائل عتيبه والقبائل المجاوره)
ولفت انتباهي واقعه حصلت بين قبيلة الجياشه وقبيلة العصمه وحبيت ان انقلها في منتديات قبيلة الجياشه
للإطلاع فقط وهذه الواقعه معروفه ولم يقتل من قبيلة الجياشه الا الفارس/شبيكان بن دخيل الله بن شاهر الجياشي
وصوب فيها الفارس/عويض بن محسن بن عواضه بن دريميح الجياشي وهي متداوله مع كبار الرواه من قبيلة الجياشه
ولم يذكر لي فيها قصيده الا بعد اطلاعي على هذا الكتاب والمعروف ان قبيلة الجياشه غزو على قبيلة العصمه
من عتيبه بقيادة الفارس والأمير/محمد بن إسليم بن عاتق الجياشي وليس معه الكثير من الجياشه بل الذين غزوا
معه على قبيلة العصمه عدداً قليل وهم مربعين في وادي الرشا وكان الذي يوالي لقبيلة الجياشه الشفعان
من العصمه ولم يهزم في هذه المعركه احدى القبيلتين بل قتل منهم رجل وقتل من الجياشه الفارس/شبيكان
الجياشي وصوب الفارس/عويض بن محسن الجياشي والذي قتل الفارس/شبيكان الجياشي هو الفارس/سعد
بن مشنوطه المطوع العصيمي وإليكم هذه القصيده التي نقلتها من كتاب (قبائل عتيبه والقبائل المجاوره):

جونا صلاة الصبح شينين الاعمال=من الحجاز بعزوة الحارثيه
يبغون عربٍ دونها اشهب اللال=ماتنوخذ والله رقيبٍ عليه
من دونها ناصر وعادي وهذال=حامينها من بعد رب البريه
جتنا طلايعهم بجيشٍ وخيال=يتلون ابن عاتق زبون الونيه
ودارت رحاها واشهب الملح شعّال=كلاً يبا الناموس واكثر شويه
واللي غدا منا من الربع رجال=واللي غدا منهم ثلاثه سويه
من بينهم راع الفرس طيب الخال=خلوه ربعه كاسياته ادميه
ياطيبهم طيباه في كل الاحوال=اقولها ماابغا وراها جزيه
قومٍ مضراتٍ على نطح الاهوال=ياطيبهم مافيهم المرحميه
لكن حنا فاللقا نبري الحال=ونطنح وجيه القوم والنار حيه
حنا هل الطالات ذربين الافعال=حنا عتابه محتمين الغزيه

من بينهم راع الفرس طيب الخال=خلوه ربعه كاسياته ادميه

والمقصود براع الفرس هو الفارس/شبيكان بن دخيل الله بن شاهر الجياشي
والمقصود بخاله هو الفارس المعروف/شبيب بن رداس الحربي يمكنكم الاطلاع على سيرته
في مجالس قبيلة حرب

مع التحيه/سطام محمد الجياشي الحارثي

لاهنت يا أبو محمد

ورحم الله الفرسان الأوائل وأسكنهم جنات النعيم

ولاانت

والله يرحم جميع المسلمين

مرورك شرف

الله يعطيك العافيه أخوي
والله يرحم أمواتنا وأموات المسلمين

ونعم يابو محمد بك وبربعك وبيض الله وجهك على هذه القصه
والقصيده الجمليه لاعدمتك

الشاعر /سطام محمد الجياشي

يشهد الله انك فخر لكل حارثي
ماقولها مجامله ولا عباده وجيه
دايم طيب وكل ماتروى طيب
يعجبني اهتمامك وحرصك
واقولك جعلك على القوه هي الحاجه الوحيده اللي نقدر
نقولها لك ولا انت تستاهل الكثير والكثير
وتقبل مروري

ونعم والله بربعنا الجياشة وفرسانهم
وونعم بكل قبائل بني الحارث جمرة العرب
من غير قصور أبداً في قبائل الجزيرة العربية
والله يرحم موتانا وموتى المسلمين
ويغمد أرواحهم الجنة
ولا هنت يا أبو محمد

لاهنــت وبيــض اللــه وجهــك ووجــه القبيلــه اللـي انــت منهــا
ونتمنــى منــك المــزيد وحنــا فــي انتظــارك علــى احــر مــن الجمـــر

لاهنت ياسطام على إيراد القصه والقصيده

والله يبيض وجهك ويرحم موتانا وموتى المسلمين

تم تنسيق القصيده لكن مدري وش فيها ماتبي تتنسق

والله الف مليون نعم في ربعناااااااااااااااااااا الجياشه وفعولهم نوماس لكل بني الحارث

وبيض الله وجهك اخوي سطام الجياشي


تحياتي لك