البورش

هذه قصيده تشرفت بتقديمها الى الشاعر/ سعود بن عامر الحارثي
وأن شاء الله نوافيكم بالرد قريبا، مع فائق التحيه والتقدير لأبو هلال:

ياراكـــــب اللي مميز رقم لوحاته = دوبه دخل من قطر لأرض السعوديــــه
جديد كنه يعــــــاقب شن غاراته = كنه يوجه بالأقمار الصنـــــــــــــــاعيه
من وارد ألمـــــانيا مغتر في ذاته = مايحسب حساب الأمـــــلاك الحكوميه
داره خبيرٍ بصيرٍ بأخـــــــتراعاته = عيبه ما يومن بالأديان الســــــــماويه
من وارد البورش فخر الغرب واياته = يفخر به اللي صــنع شكله وبوديه
لو قفلوا وارد أمــــــريكا وكالاته = يبطون مــــــــــــا وردوا مثله ولا زيه
أليا وقف كن شــكله في مباهاته = بعير مغتر تبختر وسط مـــــــــــــــنقيه
وأليا انطلق تطوي الأميال سرعاته = في موخره مــــــــــثل نفاثات حربيه
اللون في داخله تطغى مساحاته = لون الشفق لا بزغ من عـــقب وسميه
متناسقٍ لون أزاريره ومـوجاته = موجات من يرصد الاجوا بـــــــــدوريه
واليا مشا فالعسر من طيب ياياته = كنك على باخره باسطول بــــــــحريه
يسوقه اللي شكيل الليل ما باته = يشكي عنا البعد واخـــــــــلاقه تجاريه
قطع الفيافي وطرد الصيد مشهاته = واليا أستوى الخط مــا فالقلب حنيه
ما يحسب الخط لفاته وهوياته = ويســـــــــــاعده (كايين) لا رحم بوحيه
يبتل من الطايف المانوس بابياته = ابيات شعرٍ تطــــــــــــرزها الموديه
منصاه من يكرم الضيفان لاجاته = ساس الكرم والشكاله والشهاميه
سعود لو البطا طالت مسافاته = وألا حدت بعضنا ضروفٍ ســـــــياسيه
والا حدانا زمنا واخــــــتلافاته = ولا ابعدتنا ضروف الوقت جـــــــبريه
يبقى الوفا بيننا نرفع شعاراته = والله يجازي على الحســـنات والسيه
الوقت يا كثر صكاته ولوعاته = محدٍ سلم من حوادي الـــــوقت موليه
أكبر فشل مجتمعنا فاختباراته = تطبيقنا للقوانين الحســــــــــــــــــابيه
وأكبر تخلف لعقل المرء وافاته = عدم تحليه بالروح الرياضــــــــــيه
وأقبل تحية وفا وأجلال مدعاته = أنك صديقٍ صدوقٍ صــــــــافي النيه

أبدعت وأمتعت
نص رائع .. صح لسانك ملايين
لاهنت

يا هلا والله بشاعرنا أبو سلطان
والله يحييك في منتداك
بكل جديد ورائع
تستاهل كل اشادة وشكر
وصح لسانك مدد بلا عدد

واكبر تخلف لعقل المرء وأفاته
عدم تحليه بالرووح الرياضيه
الله الله يابوسلطان على الوصف
ابدعت وامتعت بوصف السيارة وبوصف سايقها وغيرها
ياغالي يعلم الله اطربتني واشبعتني شعراً يابن العم

لك اعذب التحايا

صح لسانك
ولاهنت شاعرنا
على القصيدة الرائعة

الشكر
الجزيل
على
الاشاده
والثناء

الله
يبقيك
ياطويل العمر
وشكرا جزيلا

الله يبقيك
ما عليك
زود ياخوي
بدر ،وشهادتك
وسام

صح إلسانك ملايين ولايوفون

شكري وتقديري