لا يا بعد روما وباريس و جنيــف

أنت تمنـّــى طريف ما صيدك طريف=صيدك تعس الـديـره الي وراهـا
اما انا لطـريف مبطـي علـى جـريـف =مبطي وانا عيـنـي ترفّ إلـقـاهـا
الديـرة الي ما مثل صـيفها صيــف=ياعلنـي فـدوه نسايم هـواهــا
لا يا بعد روما وباريس و جنيــف=وباقي الديار اللـي على مستـواهـا
ديرة أهل الطولات ما هي سوالـيف=هم مبتدأ العلـيـا وهم منتهاهــا
عدوهم يشرب مـرار التحاسيف=وقصيرهم نفسه تزايد رضاها
تعرفهم الامجاد والعز والسيف=والخيل و البيداء واللي وطاهـا
والنار والخطار والبن والكـيف=والطيب والترحيب بي لـفـاهــا
ياعنك ماهم حاسـبين التكاليـف=في حزت الشده وحزت رخـاها
من ظافها ما يشعر انه بها ضيف=ومن غاب عنها زاد شـوقه وجاهــا
ما جابني لطريف ألا غلى طريــف=ينبض بقلبي من غلاكم غلاها
يارب تاقاها السخط و الصواديف=وتسعد مساء اهلها وتسعد مساها

خلف مشعان العنزي

لا يا بعد روما وباريس و جنيــف
وباقي الديار اللـي على مستـواهـا
ديرة أهل الطولات ما هي سوالـيف
هم مبتدأ العلـيـا وهم منتهاهــا
قصيدة رائعه
صح لسان شاعرها وسلمت يمين ناقلها
مشكور اخوي

صح لسان شاعرهاااا رااائعه

القصيدة في انتظار جديدك

خلف بن مشعان شاااعر راقي ويعجبني قصيده
صح لسان الشاعر وصح فكرك وذوقك

ابو فارس

قصيدة رائعه وشكراً لك على حسن الاختيار ويعطيك العافيه

خلف مشعان شاعر كبير وله مكانته

الشعرية في السعودية والخليج

اختيار جميل يا أبو فارس

سلمت ولا هنت

صح لسان شاعرها خلف بن مشعان
وسلمت يدين ناقلها

كل الشكر لك أخوي أبو فارس
تحياتي لك