أبيات رائعة للشاعر بسيس موجهها لعتيق ابن شارع

يالله ياللي مايضيع الامل فيك=عند الحساب اقبل صلاتي وصومي
يامرحبا ياعتيق الله يحييك=راع الطلي اللي يسد الزومي
ان كان زعلان علينا بنرضيك=نطرح لك المعدال واخذ السلومي
ضيفي كما ضيفك وعاني عانيك=ولا يترك الضيفان غير الرخومي
والله ماهي بطماعة في مواشيك=ومن يكرم الضيفان حظه يقومي
بين لنا قيمة طليك واخذ شيك=ومجمل حالك وهاذي علومي
جوني عيالك كلهم يوم اناديك=تطلقو عجلين مثل السهومي
كلن يقول اطلب لزومك ونعطيك=نسل الحرار احرار ماهم بومي
الصقر في ايام المجاعه يعشيك=والحايمه حتى عليه تحومي
الحر حر ولايشابه له الديك=والديك له خلقه واذانيه تومي
سلمت ياموسى عسى الله يعافيك=انته صغير وبالمهمه تقومي

		المشاركة الأصلية بواسطة : انحش جيتك اقتباس
	والله ماهي بطماعة في مواشيك=ومن يكرم الضيفان حظه يقومي بين لنا قيمة طليك واخذ شيك=ومجمل حالك وهاذي علومي الحر حر ولايشابه له الديك=والديك له خلقه واذانيه تومي

واذانيه توميunk: ههههههههههههههههههههه
هههههههههههههههههههههههههههههههه

انحش جيتك

يازين القصيد وراعيه


قصيده معانيها سلسه ومفهومه واسلوب راقي


والله ان قصيدك زين واعجبني كثير


تحياتي لك اخوي وكثر لنا من مثل هذي القصايد

الرهاوي الله يزين حظك ياخوي هذا من ذوقك
وابشرو باللي يسركم تحياتي لك

ابيااات .. ومعااااني
في قمة الروووعـَة

صح اللسان الشاعر
وسلمت يمينك
دام هذا الحضور الرااقي

الجزاله بمعناها طريقك

الله يحفظك

الله يرحم أبو فواز ويجعل مثواه الجنة
كفى ووفى وما قصر
وأبو موسى الله يرحمه من الرجال الطيبين الأجاويد
اللي يستاهلون كل خير
عسى الله يرحمهم جميعاً
وألف شكر لك يا أبو محمد على هذه المشاركات الطيبة