|
|||||||||||||||||
يا ليت سود الليالي ما انكشف غيبها
هذه الابيات مرثيه في عمي الغالي/عايض بن فدغوش رحمة الله عليه عساه في جنات النعيم ويرفع الله درجاته في عليين جاني خبر كن وقعه مثل وقع السهام=فالنفس واركى على كبدي لواهيبها فايز بن جزاء بن فدغوش
عقب السفر راحت الدنيا بعيني ظلام=ياليت سود الليالي ماانكشف غيبها عدة ليالي وعيني ماتذوق المنام=تقول فالعين جمره كل مااغضيبها اكف دمعي وينزل مثل وبل الغمام=وانهر عيوني عن الدمعه وانا ادريبها نهرتها عن بكاها لين قالت حرام=خل المدامع ترى يكفيك تعذيبها يالعين لو تذرفين الدمع مابه ملام=من يوم بقعا عوى فالنايفه ذيبها لاوالله الا فقدنا الشيخ عال المقام=اللي فعوله مع العالم نماريبها الدين مايثلمه ياكود فقد الامام=اللي حريصٍ على السنه ويوصيبها اللي خذا ورثة محمد عليه السلام=كرَس حياته على الدعوه واساليبها كلٍ يعزا بفقده ياعساه الرحام=الدار بانت بعد فقده عذاريبها هذاك ابويوسف بوصفه يحير الكلام=اللي حقوق الخوي يوفي مطاليبها سمح المحيا عليه من المكارم وسام=يازين الاخلاق والافعال ياطيبها دايم لربعه ظلال وزابنه مايضام=والنايبه مايجنب عن مواجيبها وان جيت تستفزعه حط بيمينك حسام=كلمة وفا بالفعايل ينجلي ريبها وياحلة الطيب يادار الكرم والكرام=ياحلةٍ تكرم الطرقي معازيبها ياكم قلط فيك من شروا الرجال الحشام=هو وين من يعطي الجزله ويوفيبها هو وين من شوفته للضيف غاية مرام=اللي ليا شاف ضيفانه يهليبها قالت خذته الليالي ميتمات الفطام=مع سكةٍ كل خلق الله بتمشيبها محدٍ مخلد ولله البقا والدوام=تنبيك الايام لادارت دواليبها قلت الله يعوضنا بالصبر والالتزام=دنيا العنا ماسلمنا من عواقيبها دنياً تقلب بنا مانعرف الها نظام=متى على الله تبى تصفي مشاريبها تضكني ضيقةٍ ضك الوسط بالحزام=لين اني ابدي على القمه واعديبها من كثر ماابدي على الشمَخ وروس العدام=زاحمت سحم الذيابه في مراقيبها ويالعبد وشلون تهنا في شراب وطعام=وسهوم الاقدار ترسل لك مناديبها في كل يومٍ وليل وكل شهرٍ وعام=واشيب عينك من الايام واشيبها ويالله ياربنا المعبود محيي العظام=ياللي تواجر على الحسنه وتجزيبها تكتب لبويوسف الجنه وحسن الختام=تدخله جناتٍ الانهار تجريبها وصلاة ربي عدد من حج بيته وصام=على محمد نبي الله نصليبها
|
16 Nov 2008, 10:37 PM | [ 2 ] | ||||||||
مراقب عام
|
فائز الشدادي صح لسانك مبدع وشاعر وموفق ان قدمت هذة القصيدة في رجل الله يرحمه مثل ابو يوسف رجل المواقف والأنسانيه الله يرحمه بواسع رحمته , وأنت الله يجزاك الخيرعلى أن ذكرتنا بقصيدة جزله تكلم عن أنسان قدم كل مايجعله بصمات له في حياته ومماته, |
||||||||
|
|||||||||
17 Nov 2008, 05:47 AM | [ 3 ] | ||||||||
عضو متميز
|
صح لسانك أخوي فايز .. والله يرحمه ويرحم اموت المسلمين اللهم امين يارب.. |
||||||||
|
|||||||||
17 Nov 2008, 07:54 PM | [ 4 ] | |||||||
عضو متميز
|
اخوي فايز مرثية حزينه بالفعل وصح لسانك ونسال الله الرحمة والغفران لشيخنا الدكتور عايض ابو يوسف والله انه في القلوب ما حيينا وتقبل احترامي |
|||||||
|
||||||||
17 Nov 2008, 08:51 PM | [ 5 ] | ||||||||
شاعر
|
صح اللسانك ملايين اخوي فايز
قصيدة رائعه في شخص يستاهل الله يرحم ابو يوسف ويسكنه فسيح جناته دمت بخير أخوك / ,,,, عناد القــــاف |
||||||||
17 Nov 2008, 08:59 PM | [ 6 ] | ||||||||
|
صح إلسانك يا فايز ورحم الله عمك قصيده جميله جدا . |
||||||||
|
|||||||||
18 Nov 2008, 05:24 AM | [ 7 ] | |||||||
|
اخوي فايز مرثية حزينه بالفعل وصح لسانك ونسال الله الرحمة والغفران لشيخنا الدكتور عايض ابو يوسف |
|||||||
|
||||||||
18 Nov 2008, 06:16 AM | [ 8 ] | ||||||||
كلامه يقوطر عسل
|
صح لسانك أخوي فايز مرثيه محزنه في فقيدنا الغالي أبو يوسف رحمة الله عليه رجل لطالما كتبت في الاشعار وقيل فيه ما قيل عن أفاعله المشرفه لن نوفيه حقه .. رحمة الله عليك يا أبو يوسف وأسكنك فسيح جناتك مشكور أخوي فايز وبيض الله وجهك يا الذيب |
||||||||
|
|||||||||
19 Nov 2008, 09:20 AM | [ 9 ] | |||||||
عضو متميز
|
صح لسانك أخوي فايز .. والله يرحمه ويرحم اموت المسلمين تحياتي ,,, |
|||||||
|
||||||||
21 Nov 2008, 03:43 AM | [ 10 ] | |||||||
نائب المشرف العام
|
الله يرحم فقيد الجميع الشيخ ابو يوسف ويدخله جنة من اوسع الابواب اللهم امين فايز صح لسانك ونحن نفتقدك اتمنى استمرارك هنا كل الود |
|||||||
|
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
فاز من قام الليالي | بادي الحارثي | الشيلات والقصائد الصوتية والمرئية | 10 | 28 Aug 2012 10:50 AM |
أحلام الليالي | تركي الشدادي | بحور القوافي | 29 | 08 Feb 2009 06:42 PM |
الليالي مدرسة | فارس الشدادي | بحور القوافي | 11 | 05 Nov 2008 01:40 PM |
ليلة ولا كل الليالي | الأمــــــــير | مرافئ البوح | 15 | 28 Jul 2007 01:43 PM |
دورات الليالي | ابن مهرس | قصائد وأقوال وشيلات في الشدادين | 16 | 02 Apr 2006 02:22 AM |
|