وان ضاقت الدنيا بزحمة طواريك--الليل الاسود مايطول ظلامه

مابيك تستغرب إذا قلت مابيك=قلبي من اللي صار غير كلامه
تدري وش اللي حدني يوم اناديك؟=بودعك واقول مع السلامه
بودعك وانسى زمانك وماضيك=وداع من ذاق الجفا والملامه
لكن , ودي أسألك قبل اخليك=وابيك تعطي للسؤال إهتمامه
في ذمتك , وشلون غيرتني فيك !=وخليتني استغرب غلاك ونظامه ؟
وانا عشانك كل ما تطلب يجيك=رفعتلك هامه ونزلت هامه
ماعاد لك في داخلي حي يبكيك=صدري قبر كل الحواس بعظامه
اغليك ! صح , انا اشهد إن كنت انا اغليك=والحين راس المال منك السلامه
لا تقول ليه ؟ وكيف ؟ وشلون ؟ وشفيك ؟=ماضيك يعطيني لبكره علامه
ماودي اضيع حياتي بأياديك=دام إن من عزك تنزل مقامه
غلاك ماعلمك تكسر تغليك ؟=وغلاي اثبتلي الوفا والشهامه
كافي نضيع وقتنا في بلاويك=ما يرجع اللي راح كثر الندامه
وإن ضاقت الدنيا بزحمة طواريك=الليل الاسود مايطول ظلامه
والحين تعرف ليه انا قلت (مابيك)=وقلب يحبك ليه غير كلامه
ودعتك الله لاتجيني ولا أجيك=ولاعاد تسأل خاطري وش علامه
ولا تنصدم من بسمتي يوم احاكيك=احيان تلقا بالجريح إبتسامه !

وان شاء الله ت ع ج ب ك ووووووو م ^_^

تستحقين تشاركين في شاعر المليون قصيدة جميلة ولا اجمل

ههههههههاااااي
اشارك في قصيده زارفتها

مايمديني
اخاف يكشفون اني زارفتها واروح فيها ^_^


شاكره تواجدك ^_^

		المشاركة الأصلية بواسطة : اقتباس
	ودعتك الله لاتجيني ولا أجيك=ولاعاد تسأل خاطري وش علامه ولا تنصدم من بسمتي يوم احاكيك=احيان تلقا بالجريح إبتسامه !

تسلمي يارب انتقاء رائع تستحقين عليه البيرق
ههههههههه



لاحرمنا من جديدك

سبوت
ههههههههههههههههههههااااي
فديتك والله

وشاكره تواجدك الراااااايق والله ^_^

ت ج ن ن تسلمين ام الفزعات
تقبلي مروري

مرحبا بك من جديد يا أم الفزعات
والله يعطيك ألف عافية على هذا الاختيار الطيب
ولا هنتي ولا هان غاليك

أم الفزعات
تشكرين جل الشكر على قوة نقلك للقصائد المختارة
وفقك الله

قصيده رائعه ام الفزعات .. يعطيك الف عافيه وتسلم يمينك ^ ^

الله يعطيك العافية
قصيدة رايقة وذوووق تحياتي