عازف القيثاره

اعضاء وزوار
منتدى الشدادين
اقدم لكم هذه القصيده
راجيا ان تنال استحسانكم

المنتدى سلام يازواره=وادارته واهلا هلا ياذوق
ترجمت نوتة عازف القيثاره=واقفيت لا عاشق ولامعشوق
وايقنت لا بخلي ولا ايثاره=يقدر يرقع ثوبهاالمشقوق
الهرج يمك واسمعي ياجاره=امر مقدر نازل من فوق
ياويله اللي كان ياذي جاره=اليوم طق وبعدها مطقوق
جار حشيم وما تعدا داره=ما هو بناقص زلة المطفوق
جاب الفتيل وشب فيها ناره=وابن ادم افاته من المنطوق
ماظني اخطي لو رميت الشاره=اسوقها قلب الرميه سوق
الين تصبح صيدتي منهاره=دمها يسيح ولحيها مدقوق
اول من اجل الجار قامت غاره=وافتز حتى عبدها المعتوق
واليوم لاكرت ولا صفاره=تستنزع الخانق ولا المخنوق
اللي تربى مع عيال الحاره=يجيك لاوي شدقه المشدوق
ضيع مبادي ربعه المختاره=لاجاب علم ولا مشا برفوق
قزقز من الفصفص ولم قشاره=وصرقع اصابيعك عساك تروق
عمر وكيف ولع السيجاره=واليا انتهت لفلف بوسط السوق
على الرجل ولا على السياره=وتال النهار اشرب حليب النوق
كم قصر عالي هدمته الفاره=ولا يهلك الرجال غير البوق
لادرهمت بالنعره النعاره=تشلع سما ثمن يجيها العوق
الفقر بيدين النشاما عاره=والبخل باعناق الشراذم طوق

صح لسانك وبيض الله وجهك
ياسفيرنا وياشاعرنا
والجار وصى به خاتم الانبياء والمرسيلن
عليه افضل الصلاة واتم التسليم
ولكن من يفقه ذلك ,,

تقبل مروري المتواضع

صح لسانك اخوي
ولاهنت على القصيدة
ويعطيك العافية على الحضور الراقي

الاخ
الباحث عن الحقيقه
مانطق لسانك الا بالحقيقه
لاهنت ولا هان ربعك والحاضرين
اسعدني مرورك العطر
تحياتي

الاخت
شيهانة المرقاب
لاهنتي
يابنت الاجواد
اسعدني مرورك على صفحاتي
الله يقويك
تحياتي

أبيض وجه شآعرنا
صح إلسانك ولاهان شانك
شكري وتقديري

الله الله ياشاعرنا السفير
الجار من جارة ..ومن جاور القوم 40 يوما صار منهم
بيض الله وجهك يالقرم .
قصيدة جزلة من شاعر جزل وشهادتي فيك مجروحة
لاهنت وصح لسانك .

		المشاركة الأصلية بواسطة : الشذى اقتباس
	أبيض وجه شآعرنا صح إلسانك ولاهان شانك شكري وتقديري

الاخت
الشذى
لاهنتي يالنشميه
والمعذره على تاخري بالرد
نورتي المكان
ياشذى
تحياتي