الى انحش جيتك مع التحية

البارحه ياليل وسط المحيطات=والشعر بحرً مالحقنا عموقه
واخذتلي من ماحصل منه شربات=وروحي على الشرد تراها سبوقه
والشاعر اللي فاهمن في العبارات=تراه ياصل ماتضيع احقوقه
ياراكب اللي من جديد الموديلات=جكسار تكتب بنقليزي وفوقه
اليا مشى ياخذ يسار المسارات=وصعبً على اصغار المواترلحوقه
يرسي ليا جتله عطوف الملفات=لوكان حول مع ملفات غوقه
وسواقه اللي لو تطول المسفات=لازاد طول الخط يزتاد شوقه
نصه إرجل العرف واهل البطولات=فواز تعجبني نوادر اطروقه
ابشر بهيلً والشبب كل الاوقات=وترحيب من عقال يعجبك ذوقه
تلقاءبني حديد بهاك العمارات=وصديقهم مرتاح محدً يبوقه
وعدوهم يمسي وحوله مخافات=وياكثر في كبده لاهايب إحروقه
والعبدلي كله شجاعه وطالات=والحر وكره في الجبال الشهوقه
وقصيدتن تنزل ويقرون الفات=في منتدى السلطان بين وثوقه

الله الله يابوعلي

بيض الله وجهك على القصيده الجزله

ويستاهل فواز

لاهنت ولاهان غاليك

صح لسانك ياابو علي وتسلم يمناك ولاهنت

انا اشهد يبطون اصغار المواتر لحوقه
صح السانك مليون ولايفكون قصيده جزله من شاعر جزل ومسندها على شاعر جزل
في انتظار رد ابومحمد
اعذب التحايا

كفو والله يا أبو علي
ويستاهل فواز كل خير وطيب
وأنت راعي الطيب يا شاعرنا
وصح لسانك ملايين

يستاهل فواز كل خير
والله يقويه ويسلمه

مشكور اخوي وصح لسانك

كفوو كفوو يابوعلي صح الساانك
وفي انتضااار يابوبسيس

الله الله يافارس الكلمه
صح لسانك يابو علي الله يعيني على الرد

صح لسانك يابو علي

ويستاهل ابو محمد العلم الغانم

والله يديم المحبة .. ولا هنتوا يالاد شداد