ما همه ألا زاد بطنه ونومه

بسم الله الرحمن الرحيم

السلام عليكم ورحمة الله وبركاته ..

قصيدة آمل ان تنال رضاكم واستحسانكم ..

لا واهني اللي ليا نام ما قام = ماهوب مثلي يزعجنه همومه
خطو الهبيل اللي من الوقت ما انضام = ولا شاف من صكات بقعاء نقومه
عايش حياته كنه الثور عرام = ما همه ألا زاد بطنه ونومه
وأنا ليا جاء الليل قاسيت الاوهام = آخذ مع الهاجوس تسعين حومه
مرات يم الشرق وامرار للشام = ومرات ينحيبي ليا اقصى تنومه
اداير الافكار والخلق نيام = ولالي نديم ألا القمر مع نجومه
يالجتي لجة معاطيش ٍ احيام = على قليب ٍ حايرات ٍ جمومه
والوقت قيض وصار للشمس مرسام = والعج تسافهم ذواري سمومه
ما جت لي الدنيا على الكيف يا حزام = والله يلوم اللي لقلبي يلومه
لاعدت يا وقت ٍ تشيخ ابك الاقزام = وقت النعايم والردى والنعومه
واللي زمان ٍ فات راعي وخدام = اليوم شيخ وطيبات ٍ علومه
وأهل الشداد امتيهت كل مرزام = بارت بهم شهب الليال الصرومه
راحوا كما حلم ٍ غدى بين الاحلام = وعليهم الأيام ما هي رحومه
اومت بهم هوج العواصف والانسام = والوقت فيهم بينات ٍ وسومه
ما عاد يمديهم يجارون الأيام = يوم الزمان اركى عليهم سهومه
واللي نكبهم قول قدام قدام = إليا دعى الداعي سعوا في لزومه
من دون واجبهم يحثون الاقدام = ولا فيهم اللي باردات ٍ عزومه
رجالهم في حزة الضيق طهطام = يوم الردي يجفل نهار الخصومه
واليوم عقب العز والمركز الهام = راحوا كما قصر ٍ تهاوت رسومه
والله يديم الأمن ويعز الإسلام = فيه استوى الشيهان مع فرخ بومه

فيصل بن مهرس

		المشاركة الأصلية بواسطة : فيصل بن مهرس اقتباس
	بسم الله الرحمن الرحيم السلام عليكم ورحمة الله بركاته .. قصيدة آمل ان تنال رضاكم واستحسانكم .. واليوم عقب العز والمركز الهام = راحوا كما قصر ٍ تهاوت رسومه والله يديم الأمن ويعز الإسلام = فيه استوى الشيهان مع فرخ بومه فيصل بن مهرس

اشهد انك صادق وارحب يابوزايد منور المنتدى
وصح السانك مليون قصيده جزله من راس جزل
اعذب التحايا

شاعر وامير ومن هل الراي والشور \ وعليك من راع البواضا ملامح
فيصل انا متابع قصايدك من زمان المقروءه والمسموعه
من ايام المرثيه اللي كتبتها في ابوي الله يرحمه
قصايدك جزله وقريبه من قصايد الشيخ عايض ابن شجاع الله يرحمه
ولكن انت شباب عط الشباب حقه في قصايد الغزل وقصايد الحداثه
ان شاء الله نسمعها في الايام الجايه لكن بعد الاختبارات موفق الله يحفظك

يا هلا والله بشاعرنا الجميل والمبدع أبو زايد
والله يحييك في منتداك اللي اشتاق لرجوعك كثير

كفو والله يا فيصل
وبيّض الله وجهك
وننتظر منك المزيد دائماً

وأنا بعد أطالبك بقصائد الغزل
ما فيها شيء يا أبو زايد دامها ما تجاوزت المنقود
فالغزل غرض من أغراض الشعر وأكثرها رغبة من الناس

الله الله الله يابو زايد

احس ان القصيده هذي تختلف عن جميع قصايد فيصل بن زايد السابقه

القصيده فيها ندم واضح من قبل الشاعر

وفيها توجد قوي جداً

والسبب

تقلب الوقت وعدم إعطاء كل ذي حقاً حقه

وتفريق واضح بين الوقت السابق والوقت الحالي

وقت الرخاء على قولتك يابو زايد

صح لسانك لين ترضى وبيض الله وجهك شاعر كبير وعلم من اعلام القبيله

وتراها ماتضيق الا تفرج يافيصل

الله يرحمنا برحمته

ويديم القلوب التي تهتم لأمور الأمة وأحداثها ,.

والله يصلح حالنا ,.

حياك الله وصح إلسانك .

فيصل بن مهرس


صح لسانك وبيض الله وجهك على النص الرائع


لا خلا ولا عدم

		المشاركة الأصلية بواسطة : فيصل بن مهرس اقتباس
	بسم الله الرحمن الرحيم السلام عليكم ورحمة الله وبركاته .. قصيدة آمل ان تنال رضاكم واستحسانكم .. لا واهني اللي ليا نام ما قام = ماهوب مثلي يزعجنه همومه خطو الهبيل اللي من الوقت ما انضام = ولا شاف من صكات بقعاء نقومه عايش حياته كنه الثور عرام = ما همه ألا زاد بطنه ونومه وأنا ليا جاء الليل قاسيت الاوهام = آخذ مع الهاجوس تسعين حومه مرات يم الشرق وامرار للشام = ومرات ينحيبي ليا اقصى تنومه اداير الافكار والخلق نيام = ولالي نديم ألا القمر مع نجومه يالجتي لجة معاطيش ٍ احيام = على قليب ٍ حايرات ٍ جمومه والوقت قيض وصار للشمس مرسام = والعج تسافهم ذواري سمومه ما جت لي الدنيا على الكيف يا حزام = والله يلوم اللي لقلبي يلومه لاعدت يا وقت ٍ تشيخ ابك الاقزام = وقت النعايم والردى والنعومه واللي زمان ٍ فات راعي وخدام = اليوم شيخ وطيبات ٍ علومه وأهل الشداد امتيهت كل مرزام = بارت بهم شهب الليال الصرومه راحوا كما حلم ٍ غدى بين الاحلام = وعليهم الأيام ما هي رحومه اومت بهم هوج العواصف والانسام = والوقت فيهم بينات ٍ وسومه ما عاد يمديهم يجارون الأيام = يوم الزمان اركى عليهم سهومه واللي نكبهم قول قدام قدام = إليا دعى الداعي سعوا في لزومه من دون واجبهم يحثون الاقدام = ولا فيهم اللي باردات ٍ عزومه رجالهم في حزة الضيق طهطام = يوم الردي يجفل نهار الخصومه واليوم عقب العز والمركز الهام = راحوا كما قصر ٍ تهاوت رسومه والله يديم الأمن ويعز الإسلام = فيه استوى الشيهان مع فرخ بومه فيصل بن مهرس

اخوي/فيصل بن مهرس
والله ونعم وسبعة انعام
صح لسانك وسلم بنانك على هذه القصيده الشامخه
من ارقى ماقرئت فالقصايد هذه الايام
لاهنت يالغالي ولاهان بوحك السامي
تفضل بقبول مروري المتواضع وخالص تحياتي

وانا لياجا الليل قاسيت الاوهام
اخذ مع الهاجوس تسعين حومه
وانا لاقريت قصيدك الجزل اطرب واشوش واعود عليه واقراه واشهد شهادة حق يابو زايد انك شاعر بمعني الكلمه وان امثالك من الشعرا قليل مبدع وجزل بناك ومعناك للقصيده متميز ولايشابهك في احد صح لسانك مليارات واكثر والله يعطيك الف الف عافيه
تقبل تحياتي,,,,,,

صح إلسانك ملاييييييين يا فيصل

منجد صدقت والله يصلح الاحوال كلها,,وكل شي يتغير


تسلم اناملك ويسلم قلبك
لاهنت