قصه شعور

قصه شعور

يالله وانا طـــــــــــالبك تغفـر لـي ذنوبـي يـا غفـور=ارجيك والجا لك وانـا سالـك واعيــــــــــد المسألـه
لوما تطهرنـي بعـفــــــــــوك مـا تطهرنـي البحـور=جيتـك وذنبـي قـد تعـلاّ غــــــــــــــاربـي يـا مثقلـه
أنا مــــــن الطين انخلقت , أخطي ولانيـب معـذور=قامت علـي الحجّـه بــــــــــدعـوة رسلـك المرسلـه
مؤمن بتوراتـك و إنجيلـك و مـــــــــؤمـن بالزبـور=و بسنّـة محمـد وآيـات الكـتـاب المنـزلـــــــــــــــه
لكن خُدعت بزخـرف الدنيـا وزادتنـي غـــــــــــرور=أبـدت مفاتنهـا و ورتنـي مـن العمـر اجــــــــــملـه
طبعاً بما إنــــــــــــي بنـي آدم حصـل منّـي قصـور=واذنبت يـا مــــــــــــولاي ذنـبٍ بالخفـا مـا تجهلـه
أسألك تغفر لي و تستـر موقفـي يــــــــوم النشـور=اليا اقفلت خلقـك صحايفهـا وهــــــــــي مستذهلـه
من يستلمها بالشمال افلـس وهـو يـــــدعـو ثبـور=ومـن يستلمهـا باليميـن افــلـح لخيـر المنزلــــــــه
واسألك يا ربـي تعاونّـي علـى نيـل الأجــــــــــــور=أحيا حيـاةٍ مكسبـي فيهـا مــــــــــــن البـر افضلـه
واسألك جاهٍ مع هـل الدنيـا وحــــــــــــظٍ مـا يبـور=أيضاً وعرفٍ مـع هـــــــل الحكمـه ورزقٍ تكـــفلـه
من لا تهيّـا لـه مقـامٍ مـــــــــــع طويليـن الشبـور=يبكي على ما ضاع مـــــن عمـره وخيبـات عملـه
وان شاب راســـــه لا ترجّى فيـه تجبيـر الكسـور=لا خير فـي تالـي زمـانٍ مـا تغانمـت اوّلــــــــــــه
ومانيب ناسي قصـــــةٍ صـارت وانـا ازورالقبـور=لازلـت افكـر فـــــــــــــي غرابتهـا وبالـي تشغلـه
ساعة ظهر لي شايبٍ له حــــول قرنيـن محجـور=في جوف قبرٍ عن هـل الدنيـا طــــــــواه ويعزلـه
سلّم وجا صوبي يقول : ابنشـدك يللـي تــــــزور=عن حالة الدنيا وعن وضع الزمـان وعـــن هلـه
أنا مضى وقتي ومرّت بـي طويـلات الــــــدهـور=والباقـي بعمـــــــري بعيشـه بينـكـم واستكمـلـه
قلت : الزمـــــان اللي يبارينا علـى خبـرك يـدور=الوقت نفسـه مـا تغيّـر ماشـيٍ فـي جـــــــــدولـه
أما البشر لا والله الاّ غير من حد الجـذور=صار انتقـالٍ مــــــــن يميـن الـى يسـار المنقلـه
استغرب الشايب من اللـي قلـت وبليّـا شعـــور=حط اليمين اعلى الشمال وخاطـره فيـه اسئلـه
قال : افتني عن حالة الشيبـان والشيـخ الوقـور=أهل الخبر والراي والحكمـه وضـرب الأمثلـــــه
القدوه اصحاب الأمور اللي تطـاع بكـل شـــــور=اللـي يفضّـون النـزاع ويحكمـون المشكـلـــــــه
قلت البعض منهم على ما قلت في وصفك وقور=قدوه ولكـن رايهـم مـا ينفـرض فـي مسألـــــــه
الطاعه العميـا بقـا منهـا مجاملـة الحضـــــــور=اللـي تلاقيهـا مـع اوّل فــــــــــــرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هــــو جمّـلـه
بهيمـةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعـــسّلـه
والبعض الآخر شابت رموشه على درب الفجور=ينقـل جـوازه للسفـر مـن مزبلـه لا مــــــزبلـه
أشيمطٍ زانـي قضـا عمـره بحانـات الخمـــــور=والعايلـه ورعٍ يغـرّر بــــــــــه وبـنـت مهمّـلـه
قال افتني عن حالة الخفرات ربّـات الخـدور=اللـي تصـان ببيـت عايلهـا و بــــــابـه تقفـلـه
شيهانةٍ تشمخ عفاف وتصقـل فـروخ الصقـور=بيـن الفريـق ببشتهـا الضافـي وتـوبٍ تسبلـه
قلت العـذارى فـي زمنّـا ببغـاوات الطــــيـور=تقليد هرج و عـرض ريـشٍ خلفهـا تستخملـه
تلبس عباةٍ ضيّقت حـول الردايـف والخصـور=فضيحةٍ تكشـف جسدهـا مـن عـــلـوّه لاسفلـه
وموضة شيالٍ تكشف الوجنات والـوان الشعـور=والمحـرم تـبـدّل بـجـوالٍ بيـدهـا تحــــــــمـلـه
لا فوّحت صفر الدلال ولا عرفت غـش القـدور=تطـبـخ لـهـا خـدّامـةٍ بالعايـلـه متــــــــــوكـلـه
الأم ما صانت عفاف البنت مـن عمـر الزهـور=والأب ديّـوثٍ تحكـمـه حـرمـةٍ مسترجــــــلـه
وشلـون يتربّـى عيـال ام التبـرّج والسـفـور=الاّ خنـازيـرٍ دمـاهـا بـــارده ومغــــــــــــفّـلـه
قال : افتني بحال الشباب الصلب صيّـاد النمـور=الفـارس اللـي ينطـح خصومـه بزنـدٍ يفتلــــه
الوافي الشهم الغيور اللي لعرض الجـار سـور=البار عنـد امّـه وابـوه وعلـم ربعـه يشغلـه
قلت : الشباب بوقتنا وجهه مثـل بـدر البـدور=والجسم من زود الرخا مـا تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى الاّ عـالـمٍ متبنطـلـه
نـاسٍ فلنتينـو ونـاسٍ تلـبـس كرستانـديـور=صـار التنافـس بينهـم فـي لبسهـم والجنتلـه
من كان يشرب من قرار البير مشروبه بيـور= والابل راعيها غـدا يشـرب حليـب النستلـه
مامنهم اللي قام دون اعـراض جيرانـه غيـور=من قام قالو وشملقّف حضرتـه وشدخّلـه
والوالدين حقوقهم ضاعـت وعنهـم فـي نفـور=ان غـاب عنهـم لا تذكرهـم ولا جـاه الـولـه
بدّا عليهم شلّـةٍ تهـوى الوطـا بيـن الجحـور=لو تعزلـه عنهـم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور=حتى ابن عمّه يعرفـه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور=وان شاف ضيف يخش حتى انّه يفـارق منزلـه
ناظر لي الشايب بعيـنٍ تجمـع السبـع البحـور=يقول انـا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور=ما يقعد الجمّال بـه ساعـه ولـو ضـاع جملـه

صح لسانك والله يعطيك العافيه

ورايتك بيضا

صح لسانك والله يعطيك العافيه
000000000000000000

الله الله
يا أبو سعود
اختيار راقي وجميل وأكثر من رائع
تسلم يديك والله يعافيك
وألف شكر لك

دائماً لمروركم نسمات تهب على القلب
فتحيل الحزن الى خيوط ذهبية من السعادة
سرني تواجدكم ومروركم الذي أعتبره وسام شرف أتباهى به بين الكلمات
شكرا على الكلمات الممزوجه بالشفافية وحسن الأدب
شكرا على الأنطباع الجميل الذي أسعدني كثيرا
والاحساس الصادق الذي عايشته مع كلماتي

لكم مني ارق المنى
وخالص التقدير والاحترام

صح لسان شاعرها
وتسلم يدين ناقلها ..
الف شكر لك أخوي
وماتقصر..

,’

راؤوله عسير

اشكر لكِ تنوير عتمة متصفحي

وأشكر لكِ اطرائكِ الذي اعتز به
يكفيني وصول معاني كلماتي لقلوبكِ.....
ومهما عبرت عن حضوركِ المحفز لقلمي ..
تبقى شهادتي لشخصكِ ولقلمكِ البارع مجروحه !!
>> أشكر لكِ معانقة حروفكِ لحروفي .. <<
أبلغيها لا تبتعد عني كثيراً..

دمتِ بكل الود لمن احببتي ،،

ولكِ مني خالص الاحترام والتقدير

هلا مسفر تسلم على طيب الأختيار
ولكن ياليت تساعدنا بوضع علامة =
بين كل شطر وشطر حتى يسهل لنا تنسقها
وفقك الله

خيال الشدادين

لو ان كل إشراقة شمس ستشرق علينا بشروق حروفك
لتمنيت ان تشرق الشمس كل يوم عدد ماخط قلمك . ...
ونسائم عباراتك
ثورة حروفك الباذخه. ...
عانقت حنايا سطوري المتواضعه...
فأزدان بوحي
بوركت ولك مني كل التقدير والاحترام

اختيار موفق وذائقه مميز

اشكرك كل الشكر ع طرحك العذب

ما انحرم من جديد وحضورك

شكري لك