|
||||||||||||||||||
عطر العيد
نسطّر بالقوافي دورة احداث انقضت ونعيد=ولي من صفحة الايام صفحه والزمان كتاب يجول الفكر بهجوس شعاها ريح عطر العيد=يمر الوقت وتلاقيني الذكرى على الاعتاب بلحظات اللقا بعد البطا ومصافح ايد بأيد=لقانا والهدايا والهنا والبشر والترحاب تقدّي يالمثايل ترجمي نبض الشعور بفيد=وخطّي ما يجول بخاطري ولكل شي اسباب سقى الله كل دار وكل ديره دونما تحديد=بمدّات العطا غيث تناشا وابله منساب سنا البرّاق وارزام الرعود وللصدا ترديد=يخيله من يخيله فارق زين وبها واعجاب تباشير المخايل صبح الاشراق وضحاه تزيد=وتهناه العشايا الممطره من عقب طول غياب تسابقها العوالي بالبشاير دون شرط وقيد=وتنهلّ المزون بوابل يبطي وهو صبّاب يهل وينهل الضامي ومن عقب الثنا تحميد=ويزها لا ارتوى نبته سهول واوديه وهضاب تقر العين مع نبت الحيا والغيث بالتأكيد=وتنسرّ النفوس ليا اسرها المنظر الخلاب زهور الروض ورياض الوسم والما ونبت البيد=ربيعه والسحايب والنسايم واطيب الاطياب ذعاذيع الهبايب والحيا والبر والتغريد=وخطوات طليقه في مروج من مشاها طاب سفير وشاعر
|
16 Aug 2014, 03:05 PM | [ 2 ] | ||||||||
مؤسس شبكة الشدادين
|
رد: عطر العيد
يا هلا والله بشاعرنا الغالي أبو فهد والله يحييك في منتداك من جديد سعدنا بك وبعودتك لنا والله يبيض وجهك وصح لسانك ملايين |
||||||||
|
|||||||||
17 Aug 2014, 11:15 AM | [ 3 ] | |||||||
|
|
|||||||
17 Aug 2014, 08:37 PM | [ 4 ] | ||||||||
|
رد: عطر العيد
صح لسانك
ولاهنت أخوي كل الشكر والتقدير |
||||||||
|
|||||||||
17 Aug 2014, 10:18 PM | [ 5 ] | |||||||
عضوة متميزة
|
رد: عطر العيد
صح لسانك وبيض الله وجهك ولاهنت |
|||||||
|
||||||||
19 Aug 2014, 09:08 AM | [ 6 ] | ||||||||
عضو متميز
|
رد: عطر العيد
صح منطوقكـ و يعطيكـ العافية
قصيدة جزله |
||||||||
|
|||||||||
19 Aug 2014, 11:40 AM | [ 7 ] | ||||||||
|
رد: عطر العيد
صح لسانك واعتلأ شأنك يا شاعرنا قصيدة جزل لاهنت |
||||||||
|
|||||||||