لاتحسبين الحب لعبه وراعين

قصيده غزليه اتمنا ان تنال اعجابكم

ان كان عني ياحياتي تغلين=والله ماينفعك كثر التغلي
وان كان عن عشقي وحبي تصدين=روحي بكيفك واتركيني محلي
وان كان من هرج الخلايق بتقسين=هرج العرب يابنت ادوسه برجلي
انا ترى مامشي خلاف المقفين=ولا اتبع المقفي ولو كان خلي
يابنت غيرك في العذارى ملايين=غيرك ملايين العذارى تهلي
غيرك يابيني والمخاليق دارين=ويموت لجل يشوف زولي وظلي
هرجي حقيقي واثبته بالبراهين=ماهوب هرج المهزله والتسلي
والله ماتدمع على شانك العين=ولاينجرح قلبٍ همومه تعلي
لاني عطيتك كل شيٍ تريدين=وهذا جزايه يوم انا جيت كلي
فزعت لك يابنت في العسر واللين=وضحيت لك يوم الليالي صفنلي
وبنيت لك في داخل القلب دورين=وعليت شانك يوم قدرك نزل لي
وسهرت لجلك والمخاليق ممسين=لين الحزن والهم كله حصلي
واليوم عني يالبنيه تلفين=وتلتلين القلب يابنت تلي
لا تحسبين الحب لعبه وراعين=الحب في وسط الضمير استحلي
ولا تحسبيني ماعرف وش تسوين=غربي ودربي فيه يابنت ادلي
لاقالوا الغربي تصيح الشياطين=وابليس لا الله يالبنيه يصلي
لكن خلينا حبايب وحلوين=نمشي بدرب الحب كيلو وملي
واعطيك قلبي واسكنك داخل العين=وتصير في عرش الغرام امتعلي
بعطيك فرصه يمكن انك تعودين=ولا يابنت الناس روحي وولي
لانك عليه يالحبيبه تغلين=لكن ماينفعك كثر التغلي

وسلامتكم اخوكم الغربي

يابنت غيرك في العذارى ملايين........ غــــيرك ملايين العذارى تهلي
غـيرك يابيني والمخاليــق دارين....... ويموت لجل يشوف زولي وظلي
ياسلام........... ياسلام
جميله هذه البيتين
.
.
.
تسلم وصح لسانك
تحياتي :6666:

بيض الله وجهك يا الغربي ويا هلا بك من جديد

والله إنا مشتاقين لك ولقصيدك وهالمرة طولت علينا

تسلم ويسلم غاليك

صح لسانك يا أبو عابيد ولا هنت على القصيده الرآئعه كروعة صاحبها


سلمت يالنشمي وكثر الله من أمثالك ..!

صح لسانك
بيض الله وجهك يا الغربي

صح لسانك يالغربي

ودمت بخير

		المشاركة الأصلية بواسطة : حفيد رجال اقتباس
	يابنت غيرك في العذارى ملايين........ غــــيرك ملايين العذارى تهلي غـيرك يابيني والمخاليــق دارين....... ويموت لجل يشوف زولي وظلي ياسلام........... ياسلام جميله هذه البيتين . . . تسلم وصح لسانك تحياتي :6666:

حفيد رجال

صح بدنك ومشكور على مرورك يالغالي

تقبل تحياتي الغربي

الغربي

يطرح قصيدة جديدة ولا عندي خبر افاااااااااااااااا

صح لسانك وبيض الله وجهك على هالقصيد الجزل

ولاهي غريبة عليك يابو عبيد سلمت وسلم إحساسك.

فعلاً قصيدة رايعه من شاعر اروع صح السانك يالغربي
تقبل تحياتي

		المشاركة الأصلية بواسطة : السلطان اقتباس
	بيض الله وجهك يا الغربي ويا هلا بك من جديد والله إنا مشتاقين لك ولقصيدك وهالمرة طولت علينا تسلم ويسلم غاليك

هلا يابن العم ووجهك ابيض يالغالي

والله حتى انا مشتاق لكم بعد لكن

بتشوفوني قريب ان شالله

مشكور على مرورك الرائع

والله يعطيك العافيه

تقبل تحياتي الغربي