شيله رائعه لمحمد ابن تويم رحمه الله

هذه شيله رائعه للشاعر محمد ابن تويم رحمه الله والغريب فيها انها هلاليه بدون قافيه لم يلتزم بقافيه معينه بل اكتفى بتكرار الشطر الأخير من المروبع

_________________


[poemdarkblue,bold,normalcenter num"]

يالالاله يااااالاله يالالاله يااااالااالاااالال=يالالاله يااااالاله يالالاله ياااااالااالاااال
يالالاله ياااااالالاله يالالاله يااااالااالااااالي=يالالاله ياااالاله يالالاله يااااالااالاااال
رب الملا وفق ابن تويم ويقول ويقول=قولوا معي ياعباد الله ياالمخلصينا
الله يرحمك ياعبدالعزيز السعودي=النقد عنكم بعيد وتستحقون الامداح
ظليت سلطان نجد وملحقاته وأهلها=وأيضا حكمت الحجاز وملحقاته وأهاليه
والله ولاك حكم أم القرى والمدينه=النقد عنكم بعيد وتستحقون الأمداح
مهما مضى من عصور ومامضى من سنينا=نفخر بعبد العزيز ونذكره سر واجهار
مانخبر انّا ياخو نوره نهار ٍ نسيناك=النقد عنكم بعيد وتستحقون الأمداح
ونريد نذكر سعود اللي بتدبير واليه=حكم بعد والده مده طويله عريضه
يامن تمتعت في الدنيا وشدت رحالك=النقد عنكم بعيد وتستحقون الأمداح
في عهدك الأمن عم المملكه والمماليك=كم من مماليك من بعد العفو صارو أحرار
هذا دليل ٍ على حسن العمل والعداله=النقد عنكم بعيد وتستحقون الأمداح
نقوله من القلوب المخلصة والضماير=مانحن من العالم اللي ينكرون المعاريف
ياعارفين الرخا ياعارفين الشدايد=النقد عنكم بعيد وتستحقون الأمداح
ونريد نذكرك يافيصل شعوبٍ وحكام=ياكثر ما سجل التاريخ لك من مهمات
ومن ضمنها العدل ومن ضمنها السياسه=النقد عنكم بعيد وتستحقون الأمداح
لميت شمل العرب على طريق التضامن=ولك مواقيف مع كل العرب والمسلمين
ولك علاقات مع كل الدول واحلفاها=النقد عنكم بعيد وتستحقون الأمداح
ياما وياما دعينا الله رفيع الجلالي=ندعيه يرحمك يافيصل ويذكرك بالخار
يافاعل الخار في عصرك وياحسن الأخلاق=النقد عنكم بعيد وتستحقون الامداح
ونريد نذكرك يا خالد على كل الأحوال=الله يرحمك ياغيث الديار السنيه
ياغيثها بعد مولاها ورافع سماها=النقد عنكم بعيد وتستحقون الأمداح
ياكثر مااثنوا علاك الناس من كثر حلمك=حلمك وعطفك وحسن الحظ متوفره فيك
وانت ابن عبدالعزيز اللي رفيع ٍ مقامه=النقد عنكم بعيد وتستحقون الأمداح
اليا مدحت الملوك بكل غايه ومقصود=والله ماهوبلا نقص ٍ عليه ولا عيب
أنتم معازيبنا آل سعود نعم المعازيب=النقد عنكم بعيد وتستحقون الأمداح
وبعد خالد فهد نعم الملوك الأماجيد=نفخربهم ونتشرف حضرنا والبوادي
ونمجدك يافهد ونمجد اولي عهدك=النقد عنكم بعيد وتستحقون الأمداح
أقوالكم واضحه وأفعالكم نعم الأفعال=ماهي بنكره ولابدعه ولاهي غريبه
أنتم لها منهل ٍ يروى منه كل ضامي=النقد عنكم بعيد وتستحقون الأمداح
ياسامعين المثايل واضحات المعاني=مرت بيوت الشعر مرت على كل الأهداف
أهداف نيشانها يحفظكم الله ياآل اسعود=النقد عنكم بعيد وتستحقون الأمداح

[/poem]

المنسق رفع ضغطي وترى له اربعه شهور عطلان لاينسق القصائد التي نعمل لها لصق ارجو اصلاحه

دمتم بود

مشكور اخوي على القصيده الرائعه
وبيض الله وجهك

سهم المنايا
على يسارك مربع النسخ واللصق مفعل عليك الضرب عليه مرتين
حتى يروح تفعيله ثم نسق القصيدة على كيفك يابعدي