قصيدة للشاعر مطلق بن دوخي..ملاحظة وعتب!

بسم الله الرحمن الرحيم
(السلام عليكم ورحمة الله وبركاته)
هذه قصيده فيها ملآحظه وعتب على مصور الساحه..
واترككم مع الابيات:

الاياظروف الوقت روفي ببن جدلان =طواه الزمان وبيّن الصوت والصوره
وانا يعلم الله يوم اغني ترى زعلان=وكلن على ما قيل بيجيب مقدوره
لحيث زامل بين القاف للعربان=وبين خفايا العلم لوكان مستوره
وانا ادرنه بعزوه كبيره عظيمة شان =لها صيت بين القبايل ومشهوره
وهوسلطتن شاعر ليا طب في الميدان=لكن البلى في النفس والنفس ماموره
وعيبن علي ان قلت شعرن بلا برهان=حقيقه عَلم واضح مثل راس تنوره
مذيع الحفل حاقد وان قلت له شمتان=واشوف العرب من فعلته غير مسروره
عقيم الفكر ناوي يهّد اطول الضلعان=جبل في الجزيره للشعر ساطع(ن) نوره
وابختم كلامي يااهل العرف بالرحمان=كريم(ن)رحيم(ن) يجبر عظام مكسوره

وسلامتكم

قصيدة رائعة
صح لسانك أخوي
واعتلى بالخير شانك
ولاهنت

كفو والله يا النشمي
ولا هان شاعرنا مطلق بن دوخي
راعي طيب ويستاهل كل خير
وصح لسانه ولا هان

.
.



سَلمتْ وَ دمتَّْ ، وَّصح الله لسآنكْ وَ لآهِنتْ

صح اللسان الشاعر الكبير مطلق وفي الحقيقه ان الشي اللي شفته
شفناه وكما احزنك فنحنوكذالك احزنا ولاكن كما يقول المثل
الانسان طبيب نفسه واشكر الشاعرالجديدنشمي مطلق
تحياتي وتقديري

		المشاركة الأصلية بواسطة : النشمي الحارثي اقتباس
	مذيع الحفل حاقد وان قلت له شمتان=واشوف العرب من فعلته غير مسروره عقيم الفكر ناوي يهّد اطول الضلعان=جبل في الجزيره للشعر ساطع(ن) نوره وابختم كلامي يااهل العرف بالرحمان=كريم(ن)رحيم(ن) يجبر عظام مكسوره

صح لسان ابن دوخي
وبيض الله وجهه على هذه الرائعه
سيبقى ابن جدلان على عرش هرم الجزاله
رغم خسة أعداءه وحماقة وحقارة مناوئه