تعال يالشلاحي

		المشاركة الأصلية بواسطة : غالي اقتباس
	صباحكم ورد أبو عماد الله يحييك وحنا نتابع على الصامت لأن بعض المشاركات تشوش على الشاعر وتاخذون راحتكم في المتصفح لا زلنا نتابع الله يعطيكم العافيه

بالعكس اخوي عالي

الشاعر ماشوشة عليه الصفوف والجمهور بحضوره بالصوت والصوره

ماهو التواجد من خلال متصفح الانتر نت ومحاوره مالها متابعين ومداخلات مالها طعم مهما كانت جزالتها

شاكر ومقدر لك تواجدك والشكر موصول لكل المتواجدين من الاخوه والاخوات وياهلا بالجميع

:

الغربي

,هلا يامرحبا ترحيبة تسـوى ميـة مليـار=ارحب عن بني شداد واهل الصرح ورجالـه
تقدم يالمطيري والمعانـي تشتعـل كالنـار=نبي نلعب معك واطلق شنب مشروب فنجاله ,

:

ابوعماد

,يدوم إلك البقا ياصاحبي والعلم له مسعار = اقوله بالنيابه عن مطير العز والطاله
انا حضرتلك مهتاض بالي والعلوم اسرار = على مانشتهي يمشي القدم والطيبه فاله ,

:

الغربي

انا ابغاها تحدي يالمطيري والدروب كثار=ترى للقاف عشاقه ترى للخيـل خيالـه
ولكن ياسند ياصاحبي خل الطوال قصار=ترى من عاند الغربي مع الايام يرثالـه ,

:

ابوعماد

ماقدمك غير ضلع ٍ لاصدمته رحت منه اطيار = لكن اركد ودربٍ يالتهور مالك وماله
انا بشدك يالغربي عن اللي في بلدكم صار = بعد جمعتها في بيت غط البيّن اضلاله

:

الغربي

انا خيري سبق خيرك وكل اهل الوفا حضار=الا كم ليلة روح سنـد مقطوعـه حبالـه
ابشرك البلد كلـه رجالـن فعلهـم جبـار=لهم ميقافهم في كل يومـن يكثـر اهوالـه ,

:

ابوعماد

, تسويها على كيفك لكن بسالفتك احتار = ليامني طلبتك بالدليل اتروح تبراله
انا لاحظت شيٍ ونت غافل عنه يالبيطار = تحسبن العرب ماتفهم الموضوع و احواله,

:

الغربي

,انا ماقلت غير الصدق لكن ليش دمك فار=ترى الدعوى بسيطه والسوال إيجيه حلاله
بعد جرعت حمران النواظر كاسة الامرار=عسى راع الرساله من كلامي ينشرح باله,

:

ابوعماد

ياعيد الله يعيد المعرفه دعواك لاتنهار = لياجانا كلام الصدق يالطيب فرحناله
انا ماليبي الا كلمت ٍ ما القالها عبار = خدعك إبها المراسل بالرساله في هاك القاله

الله الله
متابع بقوه
شدوا حيلكم وأزهلوا الصفوف

علامك تترك الحله وترحل وانت راع الكار=انا خابرك رجالن شجيع وتكفي افعاله
ولاياصاحبي جيتك مسير لين حد الدار=ولا رحب في اللي لجل قدرك شدد رحاله

غالي

الغريق

ترف

حياااااااكم الله ولاهنتوا على متابعتكم المميزه

لا اوصيكم الصفوووووف

.
.

ابو عمااااااد حياك الله من جديد

ولا هنت على التنسيق الرائع

خلوووووووووها معكم

تثبت من كلامك واعرف انا في البلد حضّار= وانا دايم على خبر الصحيب بما يوراله

انا رحبتبك ترحيب صافي ماعليه اغبار = لكن الضاهر ان الشوف عندك فيه محواله

		المشاركة الأصلية بواسطة : الغريق اقتباس
	الله الله متابع بقوه شدوا حيلكم وأزهلوا الصفوف

الغريق

سعداء بتواجدك ومتابعتك المشرفه ولاهنت

كلامي واقعي يالقرم مايحجب عليه ستار=عسى برق على دارك يلوح إيهل هماله
زمانن فات مانحسب حساب مجمع الاخبار=لكن اليوم جاء للهرج بياعه ودلاله

اخوي الغربي

صح لسانك وتصبح على خير انت وكل من تكرم علينا بمروره

		المشاركة الأصلية بواسطة : الغربي اقتباس
	كلامي واقعي يالقرم مايحجب عليه ستار=عسى برق على دارك يلوح إيهل هماله زمانن فات مانحسب حساب مجمع الاخبار=لكن اليوم جاء للهرج بياعه ودلاله

ياخوي انت على النمط المخفي والا وش بلاك?

كل مانهيت المحاوره على انك غير موجود بالمتصفح اجدك منزل ردك !

على العموم صح لسانك مرارا وتكرار ولاهنت .

والطاروق اخذ حقه بمافيه الكفايه وتصبح على خير