قم أطلق قيود أنفاسك وحسك المسلوب

بعد التحية والسلام ،،،

عليك الله أكبر يالبنادم متى بتوب=عثت غفلتك فـ . سنين عمرك وحاقتها
ترقرق بك أوهامك وهي ما قضت لك نوب=تقول إبك من عالي سماها .. لرقّتها
لياليك صحفٍ تنطوي والعمر محسوب=تفاصيل وقتك فاقت الوصف دِقِّتها
قم أطلق قيود أنفاسك وحسّك المسلوب=من أسر الظلام وكبت نفسك وضيقتها
تهاونك بصغار المعاصي ملاك شحوب=وعرّضك لدروب الضياع ومشقّتها
لا تطغيك عافيتك وفنجالها مشروب=ولا تآمن سهوم المنايا وزرقتها
ولا تستعـيب الناس لوّك خلّي عيوب=دع الخلق لـ .الخالق بصيرٍ بخلقتها
ترى مال مخلوقٍ محاصٍ عن المكتوب=ولا كلّف الله نفس أحد فوق طاقتها
عن أكثر تصنّاع الآوادم بطيب قلوب=مع الله نفسك لا تضيّع علاقتها
أقوله وأنا ماني لك الله قليل ذنوب=ونفسي على التوبه يا مكثر شفاقتها

فهد سفر

الله الله صح لسانك ي ابو سفر ولاهنت استمر متابعين لك ،

شكرا ،،

.





الله يتوُب علينا جميع وَ يجعلنا من اللذين طاب ذكرهم
مُجمّلين الصحائِف .

صح الله منطوُقك وَ سَلِم بنانكْ أبيات ذات أحساسٌ عميق المعنى
عِشت وَ لا هنت . . تحايا التقدير لك .

يا هلا والله بشاعرنا العزيز
أبو سفر
والله يحييك اليوم ودوم
مبدع ومتميز والله يبيض وجهك
وتستاهل الطيب كله

ابو سفر
صح لسانك وبيض الله وجهك
على قصيدة النصيحة طابت
ايامك بكل خير

صح لسانك ملايين
مشكور أخوي
ولاهنت

		المشاركة الأصلية بواسطة : عبدالعزيز مسلط اقتباس
	الله الله صح لسانك ي ابو سفر ولاهنت استمر متابعين لك ، شكرا ،،

صح الله بدنك يابو مسلط وعلى راسي متابعتك لا خليت منك

		المشاركة الأصلية بواسطة : ! سارة الغيد ! اقتباس
	. الله يتوُب علينا جميع وَ يجعلنا من اللذين طاب ذكرهم مُجمّلين الصحائِف . صح الله منطوُقك وَ سَلِم بنانكْ أبيات ذات أحساسٌ عميق المعنى عِشت وَ لا هنت . . تحايا التقدير لك .

اللهم آمين .. اللهم آمين
وصح الله بدنك إختي الكريمه سارة الغيد ..

		المشاركة الأصلية بواسطة : السلطان اقتباس
	يا هلا والله بشاعرنا العزيز أبو سفر والله يحييك اليوم ودوم مبدع ومتميز والله يبيض وجهك وتستاهل الطيب كله

إبك المهلا يابو هلا ..
الله يبقيك اليوم ودوم وتستاهل الطيب ياراعيه

		المشاركة الأصلية بواسطة : خيال الشدادين اقتباس
	ابو سفر صح لسانك وبيض الله وجهك على قصيدة النصيحة طابت ايامك بكل خير

الله يطيب حالك وفالك يا خيّال
وصح الله بدنك ، لا خليت منك