قصيدة مدح في عيد بن مسلط الشدادي

هذه القصيده قلتها في مدح الشيخ / عيد بن مسلط الشدادي ( ابو فوزي) وفي مروي بن نجر الشدادي (ابو خالد)عندما زرنا الجبوب انا والشيخ / عبيد بن باين والشيخ / صالح بن هلال والشاعر صالح بن هميجان الشدادي وهم يستاهلون اكثر ونرجوالمعذرة عن التقصير

الجبوب ديـار ذربيـن الايمانـي= ديرة ٍ ياعلّها الغيـث يسقيهـا
ديـرةٍ للطيـب والمجـد عنوانـي= مجدها المعروف مـن طيـب أهاليهـا
في جبوب السهـل كنـك بعمانـي= الهوا نسناس والـرب حاليـهـا
والسمـاء تمطر والامزان هتانـي=وعيد بن مسلط سكن في روابيهـا
راعي الفزعات بالضيـق مزبانـي=مـن رياجـيل ٍ تزبّن مذاريها
اشهد انه شيخ من رووس شيخاني=من شيوخ ٍ بالقسـى ننتخـي فيهـا
بالشدايـد دايم فعولـه سمـانـي=طيّب الافعال والنعـم شاريهـا
باذل ٍ طيبه للأقصين والدانـي= مـا يحسّـب مدّته وش تواليهـا
وجاوره في ديرة العز شجعانـي = نسل قوم ٍ نطلب الرب يحميها
جاوره مـروي سلايـل كحيلانـي= من رياجيل ٍ تنومـس مباديهـا
والسموحه كان بالقيـل نقصانـي=والتحيه يم الاجواد نهديها

الشاعر عبدالله بن حمود بن جربان

ونعم فيك وفي من جا معك
ونعم في من جيتهم
ويامرحبا تراحيب المطر

والنعم في الجميع صح لسانك

ياشاعر ولاهنت طال عمرك

والله ونعم فيك أخوي ابن جربان

والجبوب راح كلك نهبات وسرقة أراضي

وأشكرك وصح لسانك وبيض الله وجهك

صح لسانك يا بن جربان

ويستاهلون المدح ابوفوزي وابوخالد والنعم فيهم وفيك ومن معك

صح لسانك وسلمت

صح السانك

والف ونعم بالجميع


أرق التحايا

سقا الله الجبوب واهلها .. والنعم وصح لسان شاعرها ..

يستاهلون ربعنا كل مدح وكل طيب

صح لسانك يا ابن جربان وعساك على القوة

تم التعديل يابن جربان

===================

صح لسانك يابن جربان
قصيده جزله في رجل يستاهل
تقبل تحيااااتي