قصيده للشيخ رباح بن سويلم رحمه الله في مسلط ابن فهيد العواضي الشدادي

ابن فهيد اللي من المجد يختار =ورثه من الجدان اخذها عشاقه
له ماقفٍ يعرف اللي صار ما صار= ولا له مع الرديان ساس وعلاقه
مسلط ليا منه لفى البيت خطار =ارهوا علي كبش يعلق بساقــــــــــه
اليا جاه خطارٍ من أيات الاقطار =اجناب ولا خاطرينه رفاقــــــــــــــه
اول كلامه مرحبا شبوا النار =مهوب مفلول حصيله نفاقــــــــــــه
ولا هوب من صكات الايام جظار=قد جرب الحالي ومره وذاقــــــــــــه
اشقر خشن يعرف مطيره اليا طار=مهوب شبوط كفوفه رقاقــــــــــــه
بلهان شيال الحمل وافي الاشبار=وشيال حمل اللي عجز في الوساقه
وصايفه عندي مثل ضلع سنجار=شاهوق مزموم وصعب مواقــــــه
من راس فراج المسمي بالاذكار=اليا جا لعطران الشوارب حماقه
هديه للربع ذربين الاشوار =فيها شذي العنبر لذيذ مساقـــــــــه
وصلاة ربي عد هتاف الامطار =اليا جا من الغربي صدوق حقاقه
علي النبي الهاشمي سيد الابرار=محمد المبعوث وخيره خلاقــــــــــه

رحم الله الشيخ رباح بن سويلم وأسكنه فسيح جناته

ويستاهل أبو سعود كل خير عسى الله يطول في عمره

ومشكور يالذيب على مثل هذه المشاركات الطيبة

وننتظر بقية قصائد المرحوم رباح الله يغمد روحه الجنة

الله يرحم رباح ابن سويلم ويغمد روحه الجنه

اشكرك اخي الكريم على طرحك المميز

مودتي

أبو سعود من الرجال اللي عليهم القول والفعل

ورحم الله الشيخ رباح رحمةً واسعة

وسلمت يدينك على هذا النقل أخوي الذيب

يستاهل أبو سعود المدح والاطراء

ورحم الله أبو سويلم ومشكور يا الذيب

الله يرحمك
يا رباح بن سويلم
ويوسع لك في قبرك

صح لسان الشاعر ومشكور اخوي

على نقل القصيده الجميله

تحياتي

رحم الله ابو سويلم رحمة واسعه

ويستاهل ابوسعود القصيد وويكفى ان شاعرها الشيخ رباح الله يرحمه ويغمد روحه الجنه

صح السان الشاعر

ولا هنت النقل

كفوووووووووووو والله ابو سعود ويستاهل المدح
ورحم الله ابو سويلم رحمه واسعه
ولاهنت اخوي الذيب على النقل