ابن فطيس .... ابيك

ودي بـك وابيـك وابــاك وابـغـاك=جمّعتهـا لـرضـاك واخـتـار فيـهـا
شف ويش منها يتبع احكـاك ورضـاك=اللي لـك اسقـي مسمعـك لا ضميهـا
غديت (افر)احكـاي واسايـر احكـاك=انــا تـشّـرف لكنـتـي واهتويـهـا
مضمونهـا ودي بشوفتـك واهــواك=اللـي دروب اهـل الـردى مـا تجيهـا
صانـك ولـي امـرك وحبـك وداراك=لاقــدر ردع الحـظـوظ ومجـيـهـا
نفسـك مهذبهـا وعــز الله ربّــاك=ايـدري ان جيـش الهـيـام يغزيـهـا
الله قسـم يبـلاك بـي وانـت يبـلاك=اللـي سواتـي فـي العـرب يرتجيهـا
محبة (ن ) ذربه مـن القلـب تكسـاك=حبـة (ن) صـدق الـهـوى يكتسيـهـا
يامـرك قلبـك بالوفـا لـي وتنـهـاك=اس (ن) علـى لامـاك تفـرك يديـهـا
رزيـن عقـل ومـن مزايـا مزايـاك=فـسـك تـحـب وعفـتـك تمتطيـهـا
تطيع عقل (ن) مـا بعـد زل واغـواك=شاعـرك تعصـاه ..وانـت تعصيـهـا
ماشفـت منـك الا عيونـك ويمـنـاك=حبـة (ن) راع الــردى مــا يبيـهـا
يقبـض فـوادي لا تخيلـت فـرقـاك=اشـف عيـن (ن) مـا سـواك يعنيهـا
وياعزوة اخوانـك ومطلـب هـذولاك=اس (ن) محـبـة والــدك تدعـيـهـا
نـاس (ن) تخـدم ابيـك كلـه لعينـاك=هـو يحسـب ان الله علـيـه يهديـهـا
ياجعلها تفـدى علـى الارض ماطـاك=الله بـمـن هــو مثلـهـا يبتلـيـهـا
لكـن لعـب فـي ياوليفـي تـغّـلاك=نفسـي غـلاك مـن الصـدود يحديهـا
تبطـي علـي وانـا هنـا واتـحـراك=كبـدي لواهيـب الصـبـر تشتويـهـا
اجمّـع علومـك امـن هنـاك وهنـاك=الله لـو انهـا تنـشـرى لا اشتريـهـا
وعذرك (انا لاهي) يا ويش اللي الهـاك=اهـي ومر(ن)مـنـت لاهــي تليـهـا
كانك مشكك في الوفـا والغـلا هـااك=والـي اقـر القائـمـه كــل ابيـهـا
رقمك مع (الصادر) ولا (وارد ) اسواك=الناس في اللـي ( لـم يـرد عليهـا ).
وايــاك واياني...وايـانـي ايـــاك=من غيبـة (ن) مـن دون عـذر يحميهـا

تحيــــاتي

رائعه من روائع الشاعر ابن فطيس

سلمت اياديك اخوي الشدادي على النقل

سلمت يديك أخوي الشدادي

وصح لسان الشاعر ابن فطيس قصيدة رائعه

وقافيتها صعبها للغاية ولكنه جدير بإتقانها

صح لسان الشاعرابن فطيس ومشكووووور على النقل الرائع

		المشاركة الأصلية بواسطة : اقتباس
	ودي بـك وابيـك وابــاك وابـغـاك=جمّعتهـا لـرضـاك واخـتـار فيـهـا

عجبني التكرار المختلف في بعض الحروف<<اعطاها جمال..

عجبتني من وقت ماسمعتها

تحيتي يالشدادي

إختيار موفق..

ماننحرم

رائعه بالفعل يا الشدادي وصح لسان ابن فطيس

ابدع فيها ... قصيده راقيه

كل الشكر لك يا الشدادي ويعطيك العافيه

الى اللقاء

صح لسان ابن فطيس الشاعر الائع شاعر المليون
زتسلم ع النقل لاهنت يالشدادي دمت بوووود برق الوسم

ما فيه حيله المحيط الهادي

وانا اتوقع بان يكون شاعر اسطوري للخليج بشكل عام وتصير امسياته تكتض بالجماهير لانه شاعر يبحر بك في اعماق بحور الشعر والمعاني الجزلة والمشاعر الرقيقة .

مليون شكرا للشدادي والله لا يحرمنا

شاعري المفضل من الآن

استحق الفوز بجدارة رغم كل شيء

اختيار موفق يا أبو مشاري

صح لسان شاعرها وسلمت يمنى ناقلها


كل الشكر اخوي