شدادينٍ تمثّل فيهم الطيبه لباسٍ زين

ترف
صح لسانك وشكراً على طيب الكلام
اتجاه تلك القبيلة العريقة الشدادين
فاانتي معذوره وفقكِ الله

		المشاركة الأصلية بواسطة : وحي الألم اقتباس
	ياسلام عليك والله يبارك فيك . لأن الصدق لو جاوز مساحات الكلام يبين / ولو انا نخبي صدقنا لابد يحكينا والله عن الف بيت ماشاء الله عليك والله كان في بالي قبل اجي المنتدى هذا ان الشعر النسائي ماله طعم بس شهادة حق انتي الحين وقبلك اختنا شيهانه على كف صقار أثبتوا لي العكس وغيرتوا وجهة نظري صح لسانك وكفيتي ووفيتي وبارك الله فيك تقبلي مروري وتحياتي

أهلاً بك وحي الألم وشهاده من شاعر أعتز فيها

		المشاركة الأصلية بواسطة : اقتباس
	والله كان في بالي قبل اجي المنتدى هذا ان الشعر النسائي ماله طعم

كأنك أطلقت حكم إن كل الشعر الرجالي له طعم ونكهه
مع إن صدق عاطفة الأنثى أقوى من الرجل ~


صح بدنك ياخوي وشرفني حضورك

امتناني

		المشاركة الأصلية بواسطة : الشذى اقتباس
	صح لسانك ملايين ولايسدون ياصديقتي وكلك وفا الله يعطيك العافيه

صح بدنك يالغالية

وياهلابك قد نبض القلوب

ممنونة لكِ

		المشاركة الأصلية بواسطة : حطاب ليل اقتباس
	نعم اختي ترف فاالصدق لابد ان يحكينا ويتكلم عن مشاعرنا بمثل هذه الدره الثمينه التي ابدعتي في صياغتها بعيدا عن المهايط والتصنع وحب الذات ومدحها الزائف والخيلاء واختلاق الاعداء فنحن هنا اخوه نكتب ونقرا ونحاول كللا بمجهوده للرقي بهذا الصرح الشامخ شكرا على امتاعنا وتفضلي بقبول فائق الاحترام

الله ولا بعض الدخلات اللي مدري وش تبي

تمنيت انك تكلمت عن موضوع ترف مثل غيرك وطلعت

ولا فتحت على نفسك ابواب انت في غنى عنها

اول شي .. انا امازح ترف في شي بيني وبينها ولا لحد دخل فيه

ثاني شي انت وش محرق رزك يابن الحلال اهايط ولا اجلس

اعتقد اني ما هايطت من كيسك

		المشاركة الأصلية بواسطة : السلطان اقتباس
	من جاء ما أبطأ يا بنت مطير والله يحييك يا شاعرتنا المبدعة والحاضرة دائماً بكل جديد ومميز لا هنت وصح لسانك ملايين وألف شكر لك على المشاركة

تحيا وتدوم يالسلطان ويدوم منتدانا بكل خير

وأهلاً بتواجدك وصح بدنك ياخوي

امتناني

صح لسانك يا " ترف "
قلت فأبدعت .
و جعل الله هذا المنتدى عامرا بأهله .

دمت بسعادة .

		المشاركة الأصلية بواسطة : الغربي اقتباس
	ترف مع التحيه . . سداسية ترف ينبض لها وسط الجسد عرقين=وانا اقول العروق الباقيه تكرم لغالينا.. ابا اطلع واترك الموضوع خلفي وامسك الخطين=واساقط من يفكر بس فالسكه ايحادينا.. انا شاعر ومتمكن ومتفلسف واجيب الزين=واحير من قرى حرفٍ رسى في جال شاطينا.. ولا يالمترفه جتك القوافي قاضيه للدين=عساها ترضي اللي بالغلا والذوق شارينا.. وانا عارفك عن مغزى البيوت الصدق ماتدرين=ولكن اقبليها ياعسى المعبود ياهدينا.. حلمت بحلم موحش فيه نار وبندق وسكين=واشوف الخصم يقرب ويتعنز لجل يرمينا.. ولكني صحيت امن المنام اللي مخيف بحين=واخذت سلاحي اللي من يشوفه ماطمع فينا.. بديت ابحث عن اللي زارني فالنوم مدري وين=ولكنه هرب من قبل لا حلمه يصحينا.. بعدها جيت مسرع والتفت ايسار ثم ايمين=واذا الدوار قدامي ولا فادت بروارينا.. سحبت بريك وصياح الفرامل يفجع الغافين=وبالقوه وقفت وسلم المعبود تالينا.. تبين الصدق .. لو متنا ولا عشنا مع الحيين=بعدنا ساحة الامجاد ماتقبل بديلينا .. . . تحياتي

أهلاً بك يـ الغربي

صح لسانك ولو إني مافهمت قصدك

والله لايفجع الغافين ~

شكراً لحضورك

		المشاركة الأصلية بواسطة : حطاب ليل اقتباس
	نعم اختي ترف فاالصدق لابد ان يحكينا ويتكلم عن مشاعرنا بمثل هذه الدره الثمينه التي ابدعتي في صياغتها بعيدا عن المهايط والتصنع وحب الذات ومدحها الزائف والخيلاء واختلاق الاعداء فنحن هنا اخوه نكتب ونقرا ونحاول كللا بمجهوده للرقي بهذا الصرح الشامخ شكرا على امتاعنا وتفضلي بقبول فائق الاحترام

أهلاً بك حطاب ليل وحياك

الله يديم الأخوّه بهالصرح ويرتقي للأعلى دائماً

امتناني

		المشاركة الأصلية بواسطة : هديل ~ اقتباس
	رائعة يا ترف الله يحميك ما شاء الله لا قوة إلا بالله أبدعتِ يا شاعرتنا و مثالنا الأروع هنا تسلم يمين اللي كتبت و عقل اللي أبدعت و روح اللي أعطت ~

أهلاً بك يـ الهديل كثر المطر وأكثر كثير

شكراً لـ اطرائك العذب

ممنونة لكِ

		المشاركة الأصلية بواسطة : بعيد المدى اقتباس
	صح لسانك ترف والوفاء لايستغرب من اهله اعجبتني حروفك جداً يعطيك الف عافيه

أهلاً بك يابعيد المدى

صح بدنك ياخوي وشكراً لـ اطرائك

امتناني