|
|||||||||||||||||
يا نخلتي
كنتي كذا واسقيكِ بكفوف اليديـن=والطير ماحامت على روس الجريد اسقيكِ وادعي كل ليلـه يامعيـن=الطف بهـا يالله واجعلهـا تزيـد وابرح عن الجون الحنييّن باليمين=والشوك ازيله واجعله جونك فريد الين صرتي فوق ياصاف الجبيـن=متهيئه للعـذق والـذوق الجديـد سعايفِك تزهى على الجون المتين=الكل منهـا رزتـه مثـل الحديـد وانا آترقب يامتى نجمـك يبيـن=واشتب على عذقك من اللقح العقيد ومن هنا يبدا معـك كـل الحنيـن=والعين ترقب يامتى حيـن المفيـد اصون عذقِك وارقبه في كل حيـن=واحزى متى تهدل عذوقِك بالوليـد وانا ادعي الله لا يجي لِك سهم عين=تفسد شبابِك واخسر اليوم السعيـد وفي هالعمر أخشى عليكِ العابثين=أكلاكِ عن حد القطيع ورجم حيـد اسهر عليكِ مع الدجى واظهر ونين=واصبر على الهوجا ولفحات البريد وفي النهار ابعد عيون الناظريـن=اهل الحسد لايقربوك بسـو كيـد واذا استويت وصار لِك مبدى يزيـن=وحان عذقِك قلت ذا وقـت الحصيـد أخرج زكاتِك واغبط القلب الأمين=كي مايضام وكي يفتـز الرصيـد هل ياتري يانخلتـي عقلـي فطيـن=ام هل تريني كنت في عشقِك عنيـد العالـم الله لِــك وداد الخافقـيـن=حتى ولو عيني تخيلِـك مـن بعيـد يانخلتي حني على القلـب الحزيـن=لاتظلمينـي لاتقـولـي ذا بلـيـد انا علـى عهـدي خذيـه بكلمتيـن=ان كنت خنتك جعل نصرك في الوريد وش لي بروحٍ ماتبلغني اليقين=والله محذرنا من اليوم الشديد ان تقبلي عذري هلا بك مرتين=وان ماقبلتي ماعن الدنيا نشيد مع كامل التفاصيل في ديوانية : مجموعة إنسان .. حياكم الله ..
|
18 Mar 2013, 09:34 PM | [ 2 ] | |||||||
|
رد: يانخلتي
.
. وِشْ ليْ بروحٍ مَاتبلغنيْ اليقيِنْ ؟! وِشْ ليْ بروحٍ مَاتبلغنيْ اليقيِنْ ؟! وِشْ ليْ بروحٍ مَاتبلغنيْ اليقيِنْ ؟! الله يحييكْ وَ يبقيكْ ’ صَّح الله بوٌحكْ وَ يسلَّم قافكْ نصٌ مُعانِقْ لـِ النَخيِلْ فيْ علوُهـ وَ هيبتَّه للهِ دُركْ وَ لا هِنتْ وَ عسَاكْ ععَلىْ القوُة دوُمْ ’ # يَعتليْ الثُريَا ثَلاثّة أيام + . |
|||||||
18 Mar 2013, 09:43 PM | [ 3 ] | ||||||||
عضوة متميزة
|
رد: يانخلتي
صح لسانك وبيض الله وجهك يعطيك العافية ولاهنت ~ |
||||||||
|
|||||||||
21 Mar 2013, 01:33 PM | [ 4 ] | ||||||||||||||||||||||||||||
ممنوع من المشاركة
|
رد: يانخلتي
والله يصح بدنك ويعلي شأنكِ شرفني حضوركِ وشاكر لكِ التمييز وقواكِ الله . ــــــــــــــــــــــــــ طبق الأصل طبق الأصل ياسائلين .. كالليله اللي صبحها غطراف عيد متى يحين العيد ومن العايدين .. وتؤكل اللحمه من أكتاف العضيد |
||||||||||||||||||||||||||||
23 Mar 2013, 03:49 AM | [ 5 ] | ||||||||
|
رد: يانخلتي
صح لسانك مدد بلا عدد شاعرنا سلمت ولا ندمت |
||||||||
|
|||||||||
23 Mar 2013, 11:38 AM | [ 6 ] | ||||||||||||||||||||||||||||
ممنوع من المشاركة
|
رد: يانخلتي
لاهنتِ يابنت الرجال وحياكِ الله .. |
||||||||||||||||||||||||||||
23 Mar 2013, 12:21 PM | [ 7 ] | ||||||||
مؤسس شبكة الشدادين
|
رد: يا نخلتي
الله الله يا شاعرنا الكبير أبو حمد أبدعت والله وأجزلت وهذي عوايدك كفو والله يا مبدع وصح لسانك ملايين |
||||||||
|
|||||||||
17 Apr 2013, 11:28 AM | [ 8 ] | ||||||||
ممنوع من المشاركة
|
رد: يا نخلتي
صحت أبدانكم جميعاً شرفني حضوركم وتواجدكم ياكرماء .. |
||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|