مثل هداج مشروب - الشاعر عبدالله بن حنيف بن مهرس

بسم الله الرحمن الرحيم

السلام عليكم ورحمة الله وبركاته..

أخواني الكرام إليكم هذه القصيدة للشاعر عبدالله بن حنيف بن مهرس " أبو دليل " يوصي بها أخوه فواز بن حنيف وتعد القصيدة من نوادر الشعر النبطي, وأشتهر الشاعر عبدالله بن حنيف بالحكمة والأبيات الجزلة كقوله في إحدى قصائده:

حنا ترانا من بني عم وأخوان = وبعض السوالف صدق ياشينهنه
يضحك بنا اللي كاين ٍ ما بعد كان = يلوي شدوقه والردى وسطهنه

إلى أن قال:

وترى الدراهم عند بوم ٍ وغربان = وألا الصيارم قاطع ٍ سوقهنه
قامت تعومس عند ذربين الأيمان = وألا الردي جاهن وهن طاوعنه

ويقول أبو دليل في قصيدته:

يالله يالمعبود يا خير مطلوب = يا والي ٍ كل الخلايق برجواه
تفرج لعبد ٍ كل دنياه منشوب = ما فيه يوم ٍ يكبر الحظ وش جاه
فكرت في الأجواد من غير عذروب = وكل ٍ يقدي خطوته صوب ممشاه
ياخوي أنا بنصحك بأخلاق وأسلوب = بنصحك عن درب الردى لا تهمقاه
أحذر تشيل الحكي وتقول بتوب = ترى الحكي سم الكبود المعافاه
وأدمح خطاء ربعك ولو جاك بصعوب = ولا تستمع للخبل لو زانت أرياه
وخلك لربعك مثل هداج مشروب = لا ينهدم طيه ولا ينقطع ماه

وإن شاء الله في الأيام القادمة

نحاول أن نأتي بقصائد أبو دليل وكتابتها في منتديات الشدادين

سمو سيدي فيصل بن مهرس

تسلم على نقلك لنا قصائد أبو دليل وهذا الرجل شجاع فارس حكمه عقل شاعر

ولاتنسى أخوه ابو عبد الله فواز قصائده جزله وتستحق النقل لنا

لأن الشاعران كبيران ويستحقان المدح لجزالة علومهم الغانمه

وشجاعتهم الباهره وحبهم للجميع ولك تحياتي

أخوي الكبير أبو مشعل

لاهنت على مرورك وردك الجزل يالذيب

أبو دليل نعم الرجل والله

وصح إلسانه

وسلمت يا إبن مهرس على نقل قصائده

وأنا نقلت الموضوع لمشاهير الشدادين لأنه يستحق أبو دليل

بارك الله فيك يا بندر النايف

وما عليك زود يا سنايدي

لاهان راسك

صح لسان ابو دليل وبيض الله وجهك
ولاهنت اخوي ابن مهرس وتقبل احترامي

أخي وأبن عمي ابن مهرس2008

شكراً على مرورك المميز ولاهان راسك يا سنايدي

فيصل بن مهرس
مقر الجزالة والعلوم الطيّبة
في نظم القصيد أو في نقله المميّز
دام عزك على الطاعة وبيّض الله وجهك
دمت بخير ,,,

صح لسان الشاعر
ابودليل اعجبتني اخير بيتين

شكـــرآ يا فيصل