الزين والأزين

الاخوه الاعزاء اداري واعضاء
((شبكة الشدادين الرسميه))
اسعد الله اوقاتكم بكل خير
اطرح على انضاركم هذه القصيده المتواضعه للتواصل مع اعتذري عن التواصل الايجابي
الذي يستحقه مني هذا الصرح الشامخ وذلك لتكالب الظروف التي فاقت اخر الاستطاعه
التمس العذر من الجميع وترقب حسن الظروف وان شاء الله قريبا ،،والسلام عليكم ورحمة الله وبركاته

أجي واروح وخاطري صدق معقود=والوقت فاضي والظروف المكيده
كلآ يحب الزين والزين معهود=وألأزين أغلى والغلى فالعقيده
أللي من أول كان غايه ومقصود=أليوم ماله بالمحاني وكيده
راح الحسب وابن النسب وجد مفقود=بنت الردي واللاش تقطع وريده
كلآ يعرف الناقصه مالها زود=وكلآ يعرف الهينه ماتفيده
لاورث الضافي من الحسن منقود=أولك للتالي نقد بالوعيده
بنت الردي مجموعة البيض والسود=التربه اللي ماتوالي حميده
ريحانة الدمنه قوايم وعنقود=عار التمني لاتمنى حفيده
يستكثرالدمعه على الخد مولود=ويستدبر الهيه نهارالمجيده
كم كاعبا طلت على الزين مردود=تعمي سماك أبزينها والجريده
واليا فقدت الطيب من كل مشهود=انت الفقيد اللي خدم بالفقيده
فداك زين الخد والقد والعود=لاجبت قاله والعزايم بليده
لاتحسب الدنيا شرف دون مجهود=وتحسب على الطارف نجيب البعيده
بين من التربه بزرعك ومحصود=افصح من القصه وبيت القصيده
العين وأملاها وبالعين مقرود=والوحده اللي فشلتك الوحيده
وكل الذي قلناه ونقول ونعود=قالوه قبل اهل العقول الرشيده
وحتى ان رفعت الحرف واضفت عبرود=كل العيون اللي تشوفه سعيده
عفوآيغيب المد والود موجود=ونريد والله كاتب اللي يريده

يا مرحبا يا شاعرنا أبو محمد
والله إننا نفتقدك كثيراً
لكن اللي ما يعذرك ما فيه خير
وأنت شاعر كبير ومخلص لهذا المنتدى من سنوات
ووجودك فيه أصبح من العلامات الفارقة ولا نستغني عنك

صح لسانك يا بعدي
والله يبيض وجهك

حياك الله وبياك

صح لسانك ولاهنت

على القصيدة الجزلة والرائعة

صح لسانك
يعطيك العافيه

ودي وتقديري لسموك

وكلآ يحب الزين والأزين أغلى
الله عليك ياجزل البيان فاقدين هالقصيد الزين
والمعاني الجزله وأهل العقول الرشيدة الله يكثرهم
والحين فيه تربه تقدر تزرعها وتحصدها
وتربه ماتنتج إلا الخسارة والله يبعد الجميع عن الردى
صح لسانك مليون ولايسدون ي المبدع
وناطرين جديدك ،،

صح منطوقكـ يا جزل البيان

و قوآك الله

صح السانك واعتلا شانك
غبت وجبت سمان المعاني
تقبل مروري

بـيـن مــن التـربـه بـزرعـك ومـحـصـود
افـصـح مــن القـصـه وبـيــت القـصـيـده

صح لسانك ياجزل البيان وبيض الله وجهك

جزل البيان


صح لسانك ياالامير ووفقك الله لكل خير وتقبل مروري واحترامي

		المشاركة الأصلية بواسطة : السلطان اقتباس
	يا مرحبا يا شاعرنا أبو محمد والله إننا نفتقدك كثيراً لكن اللي ما يعذرك ما فيه خير وأنت شاعر كبير ومخلص لهذا المنتدى من سنوات ووجودك فيه أصبح من العلامات الفارقة ولا نستغني عنك صح لسانك يا بعدي والله يبيض وجهك

اخوي الغالي
((السلطان))
البقى ياراعي مرحبا سلمك الله
يعلم الله ان مابكم باخوكم من ناحية الفقد
ولكن انتم خير من يقدر وتعلمون ببعض اللامور التي نعاني منها
نسئل الله ان يصلح الشان فالقريب العاجل
وجودي معكم شرف لي كبير والله يحفضكم ويرعاكم
وعساكم على القوه ومن احسن في احسن دئما
وسنعود ان شاء الله قريبا
شكرا عزيزي على الاطراء العطر والمرور الزاكي
تقبل تحياتي وخالص الود
ودمتـــــــــــــــــــم