قصيده قالها في ليلة زفاف حبيبته

أبد ماجيت أبارك لك ولكن جيت باوصيك=على الله ناوي(ن)تدخل بها الليلة..معذبتي
ترى لولا الظروف اللي عطتك وحدت محاكيك=قسم بالله ماتدخل عليها لو على رقبتي
ولكن النصيب أقوى ولاأدري ويش أسوي فيك=نعم..صارت معزبتك,,ولاصارت معزبتي
كذا شاءت بنا الأقدار تحرمني لجل تعطيك=كذا لازم عشان تفوز أنت,,أنا أخسر بتجربتي
تراها غالية جدا..وتكفى..والله يخليك=تدللها..تدلعها..تنسيها مصاحبتي
أنا من كثر مااغليها أحس اني بديت أغليك=ولاتسأل بأية حق والاوش مناسبتي
لآنك لو بتسألني بتسمع شي مايرضيك=لذا ياخوي لاتسأل ولاتسمع لأجوبتي
أبيك تحطها في داخل عيونك وبين ايديك=وهي دلوعة إعتادت على كثرة مداعبتي
فداعبها شوي شوي حتى تشتهي طاريك=وشاغبها إلين تقول:بطل من مشاغبتي
واذا هي مالها خلقك,,ولاتضحك ولاتسليك=تحملها وإسألها:ياعمري ليه عصبتي
وبالك أسمع انك يوم تضربها وهي تشكيك=مايحتاج أوري لك بفن الضرب موهبتي
صحيح انك بتملكها ومعك العقد بالتمليك=وانا عارف حدود الله ومن حقك معاقبتي
ولكن قل لها:المجنون وصاني وهو يعنيك=يقول انه بينتظرك لو شيب وشيبتي
وانا مجنونها اللي مانساها وانت مايمديك=تغطي ذكرياتي..في هواها وربع تجربتي
أحس أني تماديت بكلامي,,والغضب حاديك=ولو انك في مكاني ماتفكر في محاسبتي
كفاك اني تركت الليله أشغالي عشان أجيك=دخلت القاعة برجلي ولاأدري ويش عاقبتي
وأنا ماجيت أخرب عرسك الليلة ولاأذيك=أنا جيتك عشان أخاطبك وأسمع مخاطبتي
توصى..وانتبه..واحرص عليها والله يهنيك=ترى كل الكلام اللي طلع من ضيقتي وكبتي
ولكن ماقدرت اني أقوله وأنت مايخفيك=أخاف اني اذا قلته تقوم وتقطع رقبتي

منقووووول

تسلم اخوي دخيل على هالآبيات ،

سلم احساسك وبوحك ولاهنت على النقل


استمتعت بكوني هنا

تحياتي لك

ولا انت , اخوي تركي اسعدني استمتاعك بالقصيده ومرورك

قصيدة رائعة ومؤثرة أخوي دخيل
والله لا يهينك يا الذيب على نقلها
وامتاعنا بقراءتها
وننتظر جديدك دائماً

صح لسان الشاعر
الله يعطيك الف الف عافيه على النقل العذب يالغالي

السلطان : من قال مايهان وتسلم على المرور
رعـــــــد : الله يعافيك وسلمت على المرور

تــراهــا غـالـيــة جـدا..وتـكـفــى..والله يـخـلـيــك

تـدللها..تـدلـعـهــا..تــنــســيــهــا مـــصـــاحـــبـــتــــي

أنا مـن كثـر مااغليهـا أحـس انـي بديـت أغليـك

ولاتـــســـأل بـــأيـــة حــــــق والاوش مـنـاسـبــتــي

قصيده جدا رائعه يعطيك العافية اخوي

قصيده جزله وناقلها جزل والله يحفظك

عســـــــــوله : تسلمين خيتووو على المرور
خيال : وانت الاجزل ويحفضك ويحفض الجميع الله

الله الله يالحب وفعايله
عزالله انه خطير
صح السان شاعرها
وتسلم يمينك على نك يادخيل
دمت بالخير