آخر 10 مشاركات |
مختارات | لا تكن رأسًا فالرأس كثير الأذى |
|
||||||||||||||||||
عسى ربي يلمّ اثنين .. تاهو في الحنين شهور [1]
وددت ان اضع بين ايديكم الجزء الاول من رواية ( عسى ربي يلم اثنين تاهو في الحنين شهور ) القصة من تأليفي ،،،، في إحدى القرى النائية وفي أحد المنازل الطينية هناك ،، كان فيصل بالسيارة مع صاحبه مشاري ويمشون باتجاه منزل فيصل كانت الجريدة بيد فيصل ،، وكل شوي يقرأ اسمه وكأنه خايف يتغير شي ،، وقفت سيارة مشاري الددسن عند باب بيتهم ،، ونزلوا ،، مشاري راح باتجاه بيتهم،، وفيصل راح يركض وبيده الجريدة باتجاه بيتهم ،، لين وصل الباب فتح الباب بسرعة ،، توقع يلقى أمه بالحوش ،، بس تذكر إن الوقت ظهر ،، ومايصلح جو الحوش بهالوقت ،، دخل بسرعة مع الباب اللي يدخل على البيت لقى أمه جالسة تخيط ثوبها ،، وريم تكنس غرفة فيصل اللي قبال غرفتها على طول ريم سمعت صوته وهو داخل يسلم على أمه ،، تركت المقشة وراحت تركض انتبهت له ريم وبيده جريدة ،، حست إن معه خبر حلو ،، باين من وجهه جت تركض وهي تنتظره يتكلم ،، فيصل نزل وحب راس أمه وجلس جنبها ريم بابتسامة: معك خبر حلو بشرنا فيصل وهو يرفع راسه يطالعها وهي واقفة: إيه أمه بفرح: عساك توظفت؟ تغيرت ملامح فيصل بسرعة من الابتسامة إلى الامتعاض ،، والتفت على أمه : وظيفة؟ توني مالي أسبوعين مستلم نتيجة الثانوية الله يحييك أمه كملت خياطتها وقالت: أجل وش هالخبر الحلو؟ فيصل بابتسامة: جاني بعثة لأمريكا ريم بان على ملامحها الفرح لأخوها ،، أما الأم مافهمت شي أم فيصل: وش جاك؟ ريم وهي تجلس جنبها: يمه فيصل بيسافر يدرس برى؟ أم فيصل: مافيه جامعات عندنا؟ فيصل: فيه الله يحييك بس أنا جتني البعثة على حساب الدولة .. وهذي أمنيتي تحققت أم سعد : تروح ياولدي وتخلينا؟ وحنا مالنا غيرك؟ فيصل: يايمه الله يهديك هذا سعد أخوي موجود أم سعد بتنهد: الله يرد أخوك ياولدي ،، ماندري هو حي وإلا ميت فيصل: إن شاء الله يرجع يالغالية ،، والشيعة نهايتهم قربت أم سعد : الله يوفقك ياولدي ،، كانك تبيها رح ياولدي وادرس وارفع راسي فيصل وهو يحب راس أمه: فديت قلبك يالغالية ريم بأسى: فصول باشتاقلك فيصل: مافيه روحة قبل شهر بتملين مني ههههههههههههههه ريم : والله لو باقي سنة بتطير في يوم فيصل باستهبال: طيب وشرايك تروحين معي؟ وهناك لاتلبسين عباية اللي بيشوفك بيقول امريكية هههههههههههه أم سعد بعصبية: وش هالحكي الله يهديك؟ ريم: ههههههههههههههههههههه يمه يمزح .. ماتعرفينه دايم يعلق على شكلي فيصل: يمه ليه أنا ماجيت حلو مثلها؟ أم سعد: بسم الله عليك تهبل ولا ازين منك فيصل: لا قصدي ابي اكون اشقر مثلها أم سعد: هي وسعد طالعين على عمتكم الله يرحمها وأنت جاي على خوالك فيصل: الحمدلله،، يارب يجون عيالي على عمتهم ههههههههههههه أم سعد: والله ودي إنك تدرس عندنا يمكن نحتاجك وإلا شي،، بس اللي يريحك ياولدي فيصل: يايمه الله يرضى عليك ،، ترى حتى لو درست هنا ،، مافيه جامعات ولا كليات إلا بالرياض ،، يعني نفس الشي بكون بعيد عنكم ريم: لا فصول ،، الرياض مابينا وبينها إلا 200 كيلو ،، لو احتجناك تقدر تجينا ،، وخميس وجمعة بنشوفك .. يعني مو مثل أمريكا،، ليتك تدرس بالرياض عشان أقدر أروح معك وأدرس أنا بعد أم سعد: وشو ؟ ماعاد إلا هي ريم : وشفيها يمه؟ أم سعد: ماعاد فيه دراسة خلاص ،، يكفي اللي درستيه فيصل: يمه وش يكفي؟ ،، العلم ماينتهي أبد ،، مافيها شي لو تآخذ سكن وتدرس هناك أم سعد: أذكر الله،،هذولي البنات كلهن مادرسن ،، على راس اختك ريشة؟ ،،، الله يرد سعد إن شاء الله قبل ماتروح فيصل وهو يقوم: إن شاء الله خلال هالشهر يكون سعد رجع أم سعد : آمين ياولدي الله يسمع منك ريم وهي تقوم: يالله لا تنام بحط الغداء تغدوا ،، ونام فيصل إلى وقت صلاة العصر،، صحصح ،، وراح للمسجد يصلي وطلع يتمشى شوي ،، وقابل مشاري ،، وجلس هو وياه يسولفون ،، هنا في هالمكان ،، وعند باب بيت أهل مشاري،، جلستهم المعتادة واللي مايرتاحون إلا فيها ،،، مشاري: أنا نسبتي ماراح تدخلني كليات ولا جامعات فيصل: الله يهديك أهملت المذاكرة ،، ماكنت تذاكر زين مشاري بتنهد: آآآآآآآآآآآه بس ،، والله إني ندمان ،، أحلم اتخصص بالهندسة بس حامض على بوزي فيصل: ههههههههههههه الله يكتبلك اللي فيه الخير يارجال ،،إنت قدم وشوف مشاري: إن شاء الله فيصل وهو يطالع صلوح من بعيد: صلوح ،، صلوح ،، تعال ،، تعال صلوح وهو جاي: هاه فصول وش تبي ؟ ( صلوح هذا مجنون ،، وفيصل أكثر واحد في الحارة يحبه ويشفق عليه ) فيصل وهو يقوم ويحط يده على كتوف صلوح: باركلي بسافر صلوح وهو يبعد يده عنه بزعل ويركض لبعيد: لا لا لاتسافر لاتسافر لا تسافر كان فيصل يتأمله بأسى وحزن ،، وده يسويله شي ،، مسكين ،، من يومهم أطفال وهو يحبه ،، وحبه له خلاه يحلم بأنه يتخصص في طب النفس ،، قسم يعشقه وبعد ماتفوق في الثانوية ،، حس إن تحقيق حلمه قرّب ،، صح ماكان متوقع إنه يحقق هالحلم برى ،، بس ماتفرق عنده .. برى ولا هنا ،،أهم شي يتخصص بهالقسم مشاري وهو يقوم: أنا بروح لأبوي عند الابل ،، تخاويني؟ فيصل: تخاويك العافية ،، برجع للبيت أجلس مع أهلي مشاري: أجل أشوفك عقب العشاء فيصل بابتسامة: على خير دخل فيصل البيت .. لمح شوق بنت خالته تدخل المطبخ بسرعة لأنه أقرب مكان ،، هذي فتاة أحلامه من يوم كانوا صغار،، يحبها ،، وهذي أول مرة يشوفها بعد ماتغطت عنه شوق هذي بعمر ريم أخته ،، بس الفرق بين ريم وشوق إن ريم تدرس وشوق لا بسبب أبوها المتخلف اللي مادرس ولا وحدة من بناته .. فيصل وهو يحب راس خالته: وشلونك خالتي أم شوق ة: بخير يامال الخير وشلونك أنت؟ فيصل وهو يجلس: الحمدلله أم شوق : عالبركة هاللي سمعنا فيصل بابتسامة: وش اللي سمعتوا؟ أم شوق: يقولون بتدرس في الخارج فيصل : إيه إن شاء الله .. أدعي لي ياخالة أم شوق بهمس: ياولدي لاتروح إلا معرس .. ترى البلا هناك واجد فيصل بضحكة : ههههههههههههههههههههههه وين ياخالتي أعرس منه تخبرين الحال أم سعد: ياولدي أنا رايي من راي خالتك .. واذا على المهر بنبيع مزرعة ابوي الله يرحمه فيصل : لا يمه الله يهديك أنتي وخالتي .. تبيعون ورثكم عشان تزوجوني أم شوق : مافيها شي ياولدي .. أنت مثل ولدي ونصيبي في الأرض حلال عليك .. تخبر ماعندي عيال .. ماعطاني الله الا بنيات الله يستر عليهن .. كلهن اعرسن وماعاد الا شوق ومتى ماجاها نصيبها بتروح .. وش نبي بهالدنيا إذا مانفعناك أنت وأخوك؟ فيصل : طيب وشلون أتزوج قبل أخوي؟ صعبة أم سعد: لا ياولدي مهيب صعبة .. بنخلي نصيب أخوك لين يرجع لنا بالسلامة .. وأنت ياولدي بتسافر خمس سنين مهيب شوية بعد العشاء كان فيصل ومشاري بمكانهم اللي تعودوا يجلسون فيه كل يوم .. ويسهرون فيه كل ليلة مشاري: يعني بتتزوج؟ فيصل: تبي الصراحة فرصة جتني .. المهر جاهز .. والبنت اللي أحبها أضمن إنها ماتروح .. أخاف أرجع وماألقاها مشاري: قرار أهلك تمام بس ماتشوف توك بدري على الزواج؟ فيصل بابتسامة: لا تنسى إنا قعدنا في أول ثانوي ثلاث سنوات مشاري: هههههههههههههههههه .. طيب لا تنسى إنت رايح على حساب الدولة فيصل: وهذا اللي مريحني .. عشان الدولة تتكفل بوجود سكن خاص لي أنا وزوجتي مشاري: ههههههههههههه .. ياكبرها منك كلمة زوجتي فيصل: هههههههههههههه دعواتك لي يامشاري مشاري وهو يضرب على كتفه: الله يوفقك يافيصل .. ويحقق لك كل أمانيك .. وعقبالي فيصل وهو يغمز : تزوج وخذها معك للرياض بتنجن لو ماكملت دراسة هههههههههههههه مشاري بابتسامة: ياليت والله .. بس أمك والله ماتعطيني إياها لين أتوظف فيصل بتنهد: الله يعين .. بحاول أقنعها مرة ثانية عشان تسمح لها تآخذ سكن .. والله حرام تتحطم كل أمانيها مشاري بتنهد: ياعمري عليها .. والله كاسرة خاطري فيصل وهو يقوم: يالله أنا جاني النوم .. تصبح على خير رجع فيصل للبيت ونام .. وصحى على أذان الفجر .. طلع وصلى ورجع للبيت ولقى أمه مجهزه القرص كالعادة وجلسوا يفطرون مع بعض بدون أي كلام .. وبعدين بدأ فيصل يتكلم فيصل: أقول يمه أم سعد: سم ياولدي فيصل: يمه أنا فكرت في كلامك أنتي وخالتي البارح وخلاص أنا موافق أم سعد بفرح: ياجعله يفرح قلبك ياوليدي مثل مافرحت قلبي .. قل آمين فيصل بابتسامة: آمين يالغالية أم سعد: اليوم إن شاء الله بندور لك انا وخالتك بنت الحلال فيصل: لا يمه بنت الحلال موجودة أم سعد: من هي ياولدي؟ فيصل: شوق بنت خالتي أم سعد بحزن: بنت خالتك راحت لولد عمها فيصل بصدمة: وشو؟ متى هالكلام؟ أم سعد: من زمان وأبوها معلم أمها .. والبارح تعلمني أختي إن ملكتهم قريبة فيصل وهو يقوم: ليه ماعلمتوني؟ أم سعد باستغراب: وشو له نعلمك؟ فيصل حس الدنيا ضاقت فيه .. راح دخل غرفته وأندفن في فراشه وقعد يبكي مثل الطفل على فقد حبه .. يسمع صوت أمه وهي تنادي ريم أم سعد: يا ريم ريم وهي جاية: لبيه يمه أم سعد: تعالي وأنا أمك افطري وشبلاك ماقمتي ؟ ريم وهي تجلس : صليت وقعدت أكوي ثوب فيصل أم سعد: وين بيروح له؟ ريم : يقول بيمر الوزارة عشان يزين أوراق البعثة أم سعد: الله يوفقه ريم وهي تتلفت: وينه؟ أم سعد بتنهد: زعل وراح لحجرته ريم باستغراب: وش مزعله؟ أم سعد: يقول وافق يعرس .. ويبي شوق ة بنت خالته ويوم درى إنها اعرست ضاق صدره وراح لحجرته ريم وهي ترفع حاجبها: الله .. كل هذا عشان شوشو بنت خالتي؟ أم سعد وهي تقوم: أكثر ماهنا البنات خلصت ريم من الفطور .. وشالته وودته للمطبخ وغطته .. وطلعت وراحت لغرفة فيصل اللي لقته متسند وماسك دفتر أشعاره ويكتب ريم وهي متكتفة: فصول .. من متى تحب شوق ؟ ( وغمزت عينها ) فيصل ابتسم بحزن: تعالي ياريم ( واشر لها تجلس عنده ) ريم وهي تجلس: اول مرة اشوفك متضايق كذا فيصل بتنهد وهو يلعب بالقلم : من البارح وأنا أخطط لأحلامي مع بنت خالتي اللي كنت أبيها من يومي صغير ريم: من جدك فصول؟ وتتوقع أبوها بيزوجك؟ خواتها كلهم زوجهم لعيال عمهم وهي مشت على نفس الطريق فيصل بتنهد: الله يوفقها ريم : ياخوي لا تضيق صدرك وإن شاء الله ربي يعوضك بأحسن منها ( وأخذت الدفتر وتصفحته ) .. الله .. الله .. وش هالأشعار .. ياعيني فيصل وهو يآخذ الدفتر ويشق منه ورقة : ريم أبيك تعطين هالورقة لشوق ( وقعد يكتب ) ريم باستغراب: وش بتكتب فيصل؟ فيصل وهو يكتب : اصبري بس انتهى فيصل من الورقة وطواها وعطاها ريم .. وريم فتحتها وقرت اللي فيها : حبيبـي لا يبكيـك الفـراق ولا يـهـد حيـلـك اخاف الدمع من عينك يجفف صورتـي ببالـك..! تعال احتاج اسولف لك عـن الايـام واشكـي لـك وافض غيم الحزن وانثر حنيـن الشـوق بقبالـك تعال وحـط فـي قلبـي همـوم الفرقـا واشيلـك لان القلب ماهو قلب اذا فـي نبضـه مـا شالـك ريم باستنكار: شوق تدري إنك تحبها؟ فيصل بتنهد: إيه .. وتحبني بعد ريم وهي ترفع حاجبها: وشدراك؟ فيصل : كان بينا رسايل .. كنت ارميها لها في الحوش بعد صلاة الفجر .. وهي بعد صلاة الظهر تحطها في فتحة عند جدار بيتهم ريم وهي تميل فمها يمين وشمال: الله الله .. حركات من ورانا فيصل بترجي: ريوم روحي ودي لها الورقة الحيييييييين ريم وهي تقوم: خلها بعد الظهر يمكن نايمة فيصل وهو يقوم: وين نايمة هالوقت؟ .. روحي الحين لا تذبحيني ؟ ريم ضحكت على شكله وراحت لغرفتها تلبس عبايتها .. وطلعت وشافته يلحقها ووقف عند الباب الخارجي .. وراحت تمشي باتجاه بيت خالتها .. فيصل سمع صوت أمه تنادي ريم .. ودخل بسرعة فيصل: لبيه يمه أم سعد: وين ريم ؟ فيصل بارتباك: ريم راحت لبيت خالتي تقول بتجيب منها ورقة أم سعد: جعلها الريح .. وش ورقته؟ فيصل: ورقة حقت المدرسة تقول ناسيتها عندها أم سعد: انهبلت هالبنت ريم كانت تمشي .. وفي الطريق تقابلت مع مشاري اللي جاي لفيصل مشاري بابتسامة: صباح الخير ياريم ريم بصوت خفييييف: صباح النور مشاري بابتسامة: مبروك النجاح ولو إنها متأخرة ريم : الله يبارك فيك ( وراحت ) ومشاري كمل طريقه لفيصل .. وريم تقابلت مع سامي اللي سكر عليها الطريق بكل وقاحة سامي: حيا الله بنت سعود ريم انحرجت منه وماردت عليه ونزلت راسها تنتظر منه يبعد عن طريقها سامي: وشلونك ان شاء الله طيبة ؟ وريم لا زالت ساكتة وكمل: بشري عساك نجحتي؟ ريم : لو سمحت بعد عن طريقي سامي بابتسامة: يسلم لي هالصوت رجعت ريم للبيت بسرعة وحست إنه يمشي وراها .. والتفتت وفعلاً كان يمشي وراها وبينها وبينه مسافة مترين .. صارت تركض بسرعة .. لين وصلت البيت وشافت فيصل ومشاري واقفين عند الباب .. انتبهوا لها وهي جاية تركض إنتهى الجزء الاول ،،،،
|
26 Jan 2012, 01:08 AM | [ 2 ] | ||||||||
|
رد: عسىٰ ربي [ يلم إثنين ] تٱإهۆ في ٱلحنين ! شٰھۆر
يعطـ الله العافيه اختي خياليه ــيكـ |
||||||||
|
|||||||||
26 Jan 2012, 06:20 PM | [ 3 ] | ||||||||
مؤسس شبكة الشدادين
|
رد: عسى ربي يلمّ اثنين .. تاهو في الحنين شهور [1]
الله الله اختي خيالية ما اروع هذا الحضور وما أجمل هذا الفكر وأعذب القلم احسنت طرح الجزء الأول وسوف يتم تقييمه والتنبيه عليه وبانتظار بقية الأجزاء متمنين لك كل خير وسعادة وشكراً لطيب وروعة حضورك |
||||||||
|
|||||||||
26 Jan 2012, 06:30 PM | [ 4 ] | ||||||||
|
رد: عسى ربي يلمّ اثنين .. تاهو في الحنين شهور [1]
ههههههههههههههههههههههههههههههههه وربي تخيلت الاشكال بعد ,, واسم الله على ريم ليتها تبقى ماسكه عقلها لان بجد تحمست بس ليت تعجلي بالجزء الثاني ابي اعرف وش صار |
||||||||
|
|||||||||
26 Jan 2012, 07:13 PM | [ 5 ] | ||||||||
|
رد: عسى ربي يلمّ اثنين .. تاهو في الحنين شهور [1]
حياكِ الله يا خيالية .. الرواية متسلسلة جيدة وعندك إحترافية روائية إن شاء الله قريبة .. ولكن يا أختي عندي ملاحظات في سرد القصة وقد خانك التعبير فيها ولم توضحي الصورة فيها كثير .. نبدأ في المقدمة الأولى للقصة تقولين (( في إحدى القرى النائية وفي أحد المنازل الطينية هناك ،، كان فيصل بالسيارة مع صاحبه مشاري ويمشون باتجاه منزل فيصل )) وصلت لي الصورة بأنك تقولين أنه بسيارته وسط البيت يمشي ؟!! ولذالك أعتقد بأنكِ تسخرين في القصة ! ! لماذا لم تحذفي جملة وفي أحد المنازل الطينية .؟ وفي توجيهك أن السيارة لـ فيصل .. ولكن في سطر واحد فقط صارت لمشاري ؟! ,, ثانياً ..\\ في روايتك أن الرواية قديمة جداً فلابد أن لا تخلطي بينها وبين التطور الحاصل الآن .. بيت طيني ومكينة خياطة ومقشة وطاحونة قديمة .. وقرية بعيدة عن المدينة جداً ومظاهر التمدن والتي هي الجرائد لم تصلهم .. كيف دخل وفي يده جريدة ؟! ,, ,, ثالثاً \\ لم توضحي لنا لماذا هذا الفرح العارم الذي حل باأخت فيصل وتركت مقشتها حتى تستقبله ؟! أو أنها كلما دخل فيصل بجريدة ركضت إليه .. << إستهبال يعني ولقافة منها .. ,,. ,,. ,,. أنا أكتفي بهذة الملاحظات الآن لأني لم أكمل الرواية ولي عودة .. وأعتبري كلامي نقد هادف لروايتك ولأنني وجدت فيك القلم المميز رددت عليك حتى تحسني منه في الأجزاء القادمة. ولست العالم ولكن أقرأ روايات كثير . وفقك الله . |
||||||||
|
|||||||||
26 Jan 2012, 08:59 PM | [ 6 ] | |||||||
عضو متميز
|
رد: عسى ربي يلمّ اثنين .. تاهو في الحنين شهور [1]
اختي خياليه بدون مجامله روايه رائعه جدا جدا واذا حضرت السياره في القرى النائيه تحضر الجريده بدايه قويه والي الامام وفقك الله |
|||||||
26 Jan 2012, 09:02 PM | [ 7 ] | |||||||
عضوة متميزة
|
رد: عسى ربي يلمّ اثنين .. تاهو في الحنين شهور [1]
السلام عليكم ورحمة الله وبركاته مررت واستمتعت بقرائتها وبلهفة لاكتمال الرواية خيالية جزيل الشكر وبانتظار تتمة الرواية ودي وتقديري |
|||||||
|
||||||||
26 Jan 2012, 09:58 PM | [ 8 ] | ||||||||||||||||||||||||||||
|
رد: عسى ربي يلمّ اثنين .. تاهو في الحنين شهور [1]
السيارات كانت توصل قبل أكثر من 50 سنة للبوادي .. ويقولون لها ( الفرت ) وهي الشاحنه من طراز فورد الـ 56 م بس وقتها كان فيه جريدة يا أوخيي العواضي ؟! ماعليش أختي خيالية رجعت للرد على أبو عبدالله .. |
||||||||||||||||||||||||||||
26 Jan 2012, 11:50 PM | [ 9 ] | ||||||||
عضو متميز
|
رد: عسى ربي يلمّ اثنين .. تاهو في الحنين شهور [1]
موفقة إن شاء الله بداية قوية لك . .... دمت بكل خير . |
||||||||
|
|||||||||
26 Jan 2012, 11:59 PM | [ 10 ] | |||||||||||||||||||||||||||
عضو متميز
|
رد: عسى ربي يلمّ اثنين .. تاهو في الحنين شهور [1]
صدرت اول صحيفه سعوديه عام 1343ه وهي صحيفه ام القرى يوم الجمعه 15\5 لها 85 سنه من ضهورها معليش اختي خياليه رجعت للرد على بندر |
|||||||||||||||||||||||||||