الطيب منا والوقايع لها رجال

سلام ياعزٍن من الجد والخال=سلام ياربعي على الصوت والشوف
وشلونكم ياعزوةٍ تفخر الحال=وشلونكم ,شحالكم ياغنى الجوف
من دونكم ماعد للوقفه رجال=ومن عقبكم ماظن لي في العرب لوف
ربعي بني شداد شبارة الجال=زبن الدخيل وسر من ضامه الخوف
واخص ساس الحجري بطيب الأفعال=ولابالخوامس نقص والطيب معروف
الاد حجري مخزية كل عيٌال=مثل الرطب في مقدم الزاد مصفوف
وخيامهم من البوادي لها حبال=وخيولهم بسروجها الفرس وقوف
على اساس طيب في ورث الأجيال=جينا بطيب جدودنا عدة صفوف
مانرتضي الزله ولو حبة نخال=ولانرخص الأرواح والعمر منصوف
واقول انا والقول مابه تعجراف=عاشرت في الدنيا ولاني بمكلوف
شفت الرفيق وشفت نقال الأقوال=وشفت الخفيف وشفت بالناس ملقوف
معاد ناثق وانقطع حبل الأمال=والي مجمل في البشر صار مخلوف
جتني رسايل مع غبش ضيقة البال=والعين منها سايل الدمع مذروف
مرسوم فيها بأريش العود تمثال=والباقيه مابين طلسم وزخروف
يفهم معانيها من الأنس رجال=ويجهل معانيه من الأنس معيوف
جوني بها من فوق هودج ومرسال=عقب اولتها حن بالقلب ملهوف
ذكرةٍ خلٍ بالهواجيس عطال=سربال ثوبه كأنه الجَرد والصوف
ابوثمانٍ تشعل القلب اشعال=لاشبح بعينه كما لمعة سيوف
والخد من لون الكرز فيه محتال=لولا الطبيعه قلت به غصن معكوف
وانا عشقت وللهوى هجر ووصال=ولا دامت الشركه على حق مغلوف
احب ربعي واوفي بكل الأوصال=لوكان مالي وسطهم حلٌ مزلوف
وانا على النمات ماني بشيال=وان طال عمري جعل ماني بمكتوف
عن موقفي لاعودة حرب وقتال=وان عودة بسلم .. مانيب مكسوف
الطيب منا والوقايع لها رجال=والسلم والعادات ماتحمل ضعوف
وصلاة ربي عد من كبر ونال=آجر الشهادة من عرب شام لاسوف

وآستمحيكم العذر ع القصور القصيدة كتبت بعجلةة

محــبكم الغـآيب الحآضــر

كفو والله يا أبو مسلط
والله يحييك ويحيي ما شاركت به
نظمت وأبدعت كالعادة
وبيض الله وجهك ولا هنت

أبدعت في نظم قصيدة جزلة قوية
سلمك الله
عبد العزيز
وزاد فيض شعرك في الخير

صح الله لسانك يابو مسلط
قول و فعل , و أنت للطيب مدهال

		المشاركة الأصلية بواسطة : اقتباس
	جتني رسايـل مـع غبـش ضيقـة البـال=والعيـن منهـا سايـل الـدمـع مــذروف مرسـوم فيـهـا بـأريـش الـعـود تمـثـال=والباقـيـه مابـيـن طـلـسـم وزخـــروف يفـهـم معانيـهـا مـــن الأنـــس رجـــال=ويجهـل معانيـه مـن الأنــس معـيـوف جوني بها مـن فـوق هـودج ومرسـال=عـقـب اولتـهـا حــن بالقـلـب ملـهـوف ذكــــرةٍ خــــلٍ بالـهـواجـيـس عــطـــال=سربـال ثوبـه كأنـه الـجَـرد والـصـوف ابـوثـمــانٍ تـشـعــل الـقـلــب اشــعــال=لاشـبـح بعيـنـه كـمــا لـمـعـة سـيــوف

و ما يستنطق بـ الحنين إلا تفاصيلهم

		المشاركة الأصلية بواسطة : اقتباس
	والخـد مـن لـون الـكـرز فـيـه محـتـال=لولا الطبيعه قلـت بـه غصـن معكـوف

أتعب و أقول صح الله لسانك , أبدعت أبدعت أبدعت

أبو مسلط , لله درك
الجاهـ و المعونه و الفزعه أبشر بها كلها يا بعدي : )

صح لسانك ياعبد العزيز

ونعم بالاد حجري وبالشدادين كلهم


تحياتي

قصيدة رائعة
صح لسانك
واعتلى بالخير شانك
ولاهنت أخوي

.
.




آللهُم صَلِ وَ سَّلم عَلى رسوُلنآ مُحمد
أبيَّآت قِمَّة في آلجَمآلْ وَ آلإِحسآسْ
أَبدعتْ بِنظمهَآ وَ أمتعتْ آلأروآح آلتيْ تَقرئُهَآ
صَّح لسآنكْ مَليِونْ وَ آلنعم بعزوتكْ آلْ شَدآد

كفو والله يابومسلط

وصح لسانك


الله يوفقك

		المشاركة الأصلية بواسطة : السلطان اقتباس
	كفو والله يا أبو مسلط والله يحييك ويحيي ما شاركت به نظمت وأبدعت كالعادة وبيض الله وجهك ولا هنت

كفوك الطيب وحيآك الله

تشرفت بتواجدك ومرورك

لاهـنت ^

		المشاركة الأصلية بواسطة : عــادل اقتباس
	صح الله لسانك يابو مسلط قول و فعل , و أنت للطيب مدهال و ما يستنطق بـ الحنين إلا تفاصيلهم أتعب و أقول صح الله لسانك , أبدعت أبدعت أبدعت أبو مسلط , لله درك الجاهـ و المعونه و الفزعه أبشر بها كلها يا بعدي : )

ابوسيف حــيآآآك ملـيون ولآ يسدون
وصح بـدنك, وكفو ي الجار م يجي منك قصور
وافي لاعدمتـك ^

لآهنت ع مــرورك الذي آسعــدني ,,