يا قلب أنا بلشت بك .. وين أوديك؟

.

ياقلب انا بلشت بك .. وين اوديك ؟؟=شيبت بي ياقلب .. من صغر سني
اسعى وراك .. وخيب الله مساعيك=من طيبتك .. ماشفت .. غير الهبني
ياكثر ماتجـني .. عليه هقاويك=من حسن ظنك .. بالبشر ساء ظني
اعطيك غيري .. لجل مايحتفظ فيك=وترجع تقول : اللي خذاني طعني ..!!
طيب شسوي بك .. ؟.. وهذي امانيك=اللي جرالك منك .. ماهوب مني
تسد باب .. وتنتفح لك .. شبابيك=وكل ماتهزك عاصفه .. تمتحني
بلشت بك .. بلشـة هل الديك ، بالديك=اللي بغى يذّن .. وصبّح يغني ..!!
تسري ورى النية ( واتولِي ) مساريك=حتى قتل صبحك ( ظــلام التبني )
الى هنا وآقول ..( بسّك ) .. ويكفيك=رد الكلام .. ووصل العلم عني
ماني تبع هذي ، ولاني تبع ذيك=لاجا الصحيح ... اثنينهن يتبعني

الشاعر


خلف بن مشعان العنزي

ارحب ارحب
يا ابن مهرس
والله يحييك ويعلي قدرك

وتسلم يمينك على اختيارك الراقي
لهذه القصيدة

.




















حيَّاكْ الله إِبنْ مهرسْ وَ حيَّ مَاجبتْ صَّح الله بوُح المشعَانْ وَ سَلِمْ
إحساسه المُمتليءِ نقاءْ طِبتْ بخيِر وَ لا هِنت وَ لا حُرمنا حضوُركْ وَ أنتقاءتُكَ ’

		المشاركة الأصلية بواسطة : السلطان اقتباس
	ارحب ارحب يا ابن مهرس والله يحييك ويعلي قدرك وتسلم يمينك على اختيارك الراقي لهذه القصيدة

الله يسلمك يابو عبدالله

مشكور على المرور الجميل

		المشاركة الأصلية بواسطة : ! سارة الغيد ! اقتباس
	. حيَّاكْ الله إِبنْ مهرسْ وَ حيَّ مَاجبتْ صَّح الله بوُح المشعَانْ وَ سَلِمْ إحساسه المُمتليءِ نقاءْ طِبتْ بخيِر وَ لا هِنت وَ لا حُرمنا حضوُركْ وَ أنتقاءتُكَ ’

الله يبقيك أختي ومشكوره على المرور والمجهود الواضح

الله يعطيك العافية ، ماقصرت ع الايراد الاكثر من رائع
......